Timoteo 1 1:20 - El Nuevo Testamento en matsés

²⁰ Adejandobëtan Imeneyo caidën aden Esus tantienquio yanosh. Aid daëdshun Nuquin Papa mua uaquin icsambuen chuishunsho nadopombi. Adquid icsho Mayan Icsa Satanasën natiamiac: Nuquin Papa mua uaquin icsambuen nachitombi, quequin ma tantiabennu, queshun Esus tantiaquidobëd tabadmenquio icpombi.

Timoteo 1 1:20 Referans Kwoze

Timoteo 2 2:17

Nënaid icsa bedash daicsabudacbimbuec adquidën chiaid tantiaquido dadpen yaneque. Adquidën chuisho tantienda. Aden chuiquid Imeneyobëd Pideto caid nec.

Codinto 1 11:32

Adesa icsho Nuquin Icbon cuidquin icsambuen naid ënmequin tantiamebennuen nuquitedi natiamendac. Adoaqui abi tantiasho issun Esus tantiesabobëta cuidenquio iquendac.

Tesadonica 2 3:15

Aid chieshënenquio iquequi adta. Mibi padquid Esus tantiaquid min utsibimbuecquid icsho naden chui: Esus tantiaquid adec tabadesa neque. Bëdambuequien tabadtiad, quequin chuita.

Esusën Uan ismiaid 3:19

Mimbi icsambuen naic, quequin aton papan aton bacuë ënmiacbimbuen ubi tantiaquidon icsambuen nasho issun: Ambi icsambuen naid ënmenu, quequin natiambo icmembique. Nuquin Papabëta ubi padpidembuen tantiabenuaquin mimbi icsambuen naid ënash bëdambuec tabadta.

Hechos 19:33

Adnubien: Ubitedishun naid bëdambuen tantiamenuen chuitan, quequin isadaidbon Adejando cuëmëdquid tsicunniac nënantanquio nidtoshon mëdante uic uiccaic: Otacquio tabadquin tantiata. Chuibannu, quetanquin

Esusën Uan ismiaid 13:1

Adec aid nidtuidnubi umbi isnubien acte ëquëducuësh choquid mapi 7ted icnubi aton pais 10ted icquid pudundoposh. Nuquin Papa icsambuen chuishunaid cuëmëdquid utsi utsien aton mapitedi icbo icbuen bëdada uadaid neposh. Adshumbic aton paisën paisënquien chuiquid tapan mauete dectambampaccosh.

Timoteo 2 3:2

Nadquido iquendac. Nëidic utsi tantiatiapimbo yec abiuidtsëqui datantiadquido. Nëidic piucquid bedte cumapenec bunquidombo. Nëidic: Is. Umbimbo naiduidi bëdambo iqueque, quequido. Nëidic: Bëdambuec isadquid nebique. Is, quequido. Nëidic Nuquin Papa chieshënec icsambuen chuishunquido. Nëidic amëbëtan anin chiaid niac niacquido. Nëidic utsibon nashunaqui: Mimbi bëdambuen naoc, quenquiocquido. Nëidic Nuquin Papa tantiesa yec: Nuquin Papa bëdambo iquec, quesabo.

Timoteo 2 2:14

Umbi dada uaquin chuibued mibëd icquido naden chuibanta, mado. Nuquin Icbon isnubi Esusquio chienquio yec ambembi chiaid chiec mibi chushcananeque. Adenda. Adec chushcanansho tantiashun matsesën icsambuen tantieque. Padi, cata, mado.

Codinto 2 10:6

Aden tantiaquid dadpen matses iccuededsho issun Nuquin Papan chiacpadombuen nainquio icquin utsin utsinquien ënenquiocsho cumapenen mibi chedobëtabi chushcaindambi: Ma Esus tantiec abitedi bëdambo iccuedednu, queshun.

Hechos 13:45

Adsho isashien isadaidbon chuiquido: Umbi chuibansho tantianuec aidted chochoenquio iccosh, quequin tantiec nëishpanëdash. Adec nëishash: Mimbi Nuquin Papan Chiaid icsambuen chuibanec, quequin Pabado icsambuen chuishumpanëdash.

Codinto 2 13:10

Mibi yacno nidnumbi mibitedi tantiec tsadquin mimbi iste dada uaic nebi. Mibi yacno nidash puduedshun icsambuec tabadquid nibëdsho issun cumapenen chushcainquio ictsiambi. Nuquin Papan: Esus chuibennequid icta, caid icquin: Ma Esuquidistu tantiaquidquio yampanu, queshun chuibanec nebi. Mibitedi chushcaquin icsamete bunenquio iquebi.

Mateo 18:17

Mimbi buanaidontsen: Aden icsambuen nainda, caqui: Adequi icsaibi, quesho tantiatanec choshon mibëtan ubi tantiec iccuededquidon chuiquido chuituidta. Mimbitsen chuitanta, cac aidontsen chiaqui tantienquio icsho issun: Nuquin Papan Chiaid niac niacquid yec Esus tantiesa nec. Doma yacnocquidon chuiquid dapanquio chiacted piucquid bedquidbimbuec icsaquid nec, queshun ubi tantiaquido cuëdënacno chomenda.

Timoteo 1 5:15

Adquid niante machobudambo icquidën utsin utsinquien Esus tantienquio yanshun Mayan Icsa Satanasën tantiamiacpadombuen nabanec tabadac caosh.

Ebedeo 12:5

Naden chiaid mibitedi bëshunac: Cun bacuëbo nec, quequin Nuquin Papan bëdambuen chiaid chuiquin dada uampid mibi bëshunaid nad iqueque. Tantia: Mimbi icsambuen nasho issun Nuquin Papan: Aden nainda, quequin tantiamiac chieshenda. Adembidi: Icsambuen tantiaquin mimbi nabaneque. Bëdambuen tantiaquin nata, cac chieshtoenquio yec dayacquio yec bëdambuec tabadta.