Timoteo 1 1:1 - El Nuevo Testamento en matsés

¹ Pabado nebi. Nuquin Papa yacno iuedanquid Esuquidistu nuqui cainaidën: Ubi chuibenneta, caidquio nebi. Aton Mado tantiasho nuqui bëdambuen isquid icquin Nuquin Papan: Cun Mado Esus chuibenneta, caidquiobidi nebi.

Timoteo 1 1:1 Referans Kwoze

Tito 1:3

Nëbi ambi tantiacpadënquio Nuquin Papan matses bëdambuen ismequid Esuquidistu tantiamequin chuibenneta, caidquio nebi.

Codosas 1:27

Aden Nuquin Papan ambi matses tantiamenquio icpampidi bëdamboshëcquid Esuquidistu Isadaidpembo tantiamebempanëdash. Adoac Esuquidistu tantiaquido yansho issun Nuquin Papan cun matses caido yec bëdamboshëcquid yacno aidbëd tabadtequid nebi, quequin tantiaquin cainec tabadendac.

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Petedo 1 1:3

Nuquin Papa, Nuquin Icbo Esuquidistun Papa, bëdamboshë iquec, canuna naden tantiaquin: Icsambuen naquido cuidte bunenquio icquin uincuenmequin chuca nuqui icmenuen Nuquin Papan abided cuidadec uënësaid Esus nuqui tantiamiondash. Adoac nuqui naden tantiec: Esuquidistu uënësacsho chococac uincuenash padpidec uënëstiapimbo iquendac. Adembidi Esus tantiec uënësacsho uincuenmeshun Nuquin Papan abi yacno nuqui tabadmendac padpidec uënëstiapimbo icnuc.

Timoteo 1 1:12

Tantia, mado. Mibi chuinu. Nuquin Icbo Esuquidistun: Ubi bëdambuen chuibantsiash, queshun: Ubi chuibennequid icta, Pabado, cashun ubi bëdambuen namec. Adoaid icquin: Ubi namequid yec mibi bëdamboshë iquec, Icbo, quequin Nuquin Icbo Esus chiannembi.

Cadasia 1:1

Pabado nebi. Esuquidistun: Ubi chuibenneta, caid nebi. Matsesën: ¿Adquid icta, caidtabi nedi? Padenquio. Esuquidistun: Ubi chuibennequidquio icta, caid nebi. Adembidi Aid uincuenmenëdaid icquin Nuquin Papantsen: Esus chuibenneta, caid nebi.

Codinto 2 1:1

Pabado nebi. Nuquin Papa bunacpadombuen Esuquidistun: Ubi chuibennequid icta, caid nebi. Esus tantiaquidbidi Timoteo nuqui cun utsi caid ubëd iquec. Aidbëtambi mibi tantiembi, quequin shubu dadpen icquid Codinto yacnoshon Esus tantiaquin Nuquin Papa tantiaquido icsho mibitedi chuiquin dada uaimbi. Adembidi Esus tantiaquid utsibo nidaid cuëshë Acaya yacno tabadquidtedi icsho tantiembi, quequin chiec nebi.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Timoteo 1 2:7

Aden Esus chuibanmenuen Nuquin Papan Ambi Chiaid chuibanquidquio icmepondashi. Adembidi Esusën: Isadaidpembo tantiamequin ubi chuibenneta, caondaidbidi nebi. Adoaid icquin: Ma Esus tantianu, queshun Nuquin Papan Chiaidquio muainquio icquin abimbo chuibennec nebi.

Tesadonica 2 2:16

Nuquin Icbo Esuquidistubëtan Nuquin Papan nuqui tantiaquin bëdambuen isec. Adembidi: Nuquin Papa yacno Esusbëd iquendabi, quequin tantiamequin nuquitedi bëdambo icmec.

Codinto 1 1:1

Pabado nebi. Nuquin Papa bunacpadombuen Esuquidistun: Ubi chuibennequid icta, quequin tantiamiaidquio nebi. Esus tantiaquid icsho nuqui cun utsi caid Sostenes ubëd iquec.

Uan 1 4:14

Nuquin Papan Madombo ubitedishun ispondambi. Aden isondashun: Matses abitedi abëd tabadtequid icmenuen Nuquin Papan chomiac Esus chopanëdash, quequin dacuëdenquiocquin chuibanec nebi.

Petedo 1 1:21

Aden abi tantiasho Esuquidistunuidtsëqui Nuquin Papa mibitedi tantiamec. Adoac mimbi naden tantiec: Esus uënësacsho uincuenmeshun abëdi tabadmequin abitedishun Icbombo Nuquin Papan icmepanëdash. Ambi tantiacpadombuen naquidquio Nuquin Papa nec, quequin mimbi tantiec.

Tito 3:6

Aden abi bëdambuen ismequid Esuquidistu uidtsëqui tantiasho Nuquin Papan cudasenquio icquin aton Mayan Bëda meniaidombo nuqui nec.

Tito 3:4

Adquid nuqui icsho issumbien Nuquin Papan matses abitedi tantiaquid icquin aton matses icmenuen nuqui icsambuen naidtedi bedshunash abided cuidadtequid Esus chomepanëdash.

Tito 2:13

Cun Icbo Esuquidistu ubi Nuquin Papa cuidmenquiocquid bëdamboshëcquid chote uëshë chonoc cuishonquendabi, quequin caimbudec bëdambuec tabadta, quequin chuiquin tantiameuata.

Tito 2:10

Adembidi: Mibi iuaquidëna ampenquio icquin bëdambuen dayun uaquin nashunquin ismeta. Aden Esuquidistu tantiaquin nabansho isash mibi iuaquid: Cun iua Esuquidistu tantiaquid yec bëdambo yanac. Cun iua bëdambo icmequidën chiaid tantianu, quendac mibi iuaquid, quequin chuibanta, Tito.

Timoteo 1 4:10

Adec: Abi yacno abëdi tabadendabi, quequin tantiec ënëdenquio yec chonoadquin Nuquin Papan Chiaidquio chieshtoenquio icquin chuibannuna. Esus tantiaquid uënësacsho cuidenquio icquin Nuquin Papa uënëstiapimbo icquidën abëdi nuqui tabadmendac, quiash chieshtoenquio yec bëdambuec tabadnuna.

Timoteo 1 2:3

Aden Abi chiannesho tantiash: Ubi bunacpadombuen chiec, quendac Nuquin Papa nuqui cuidenquio icquin abëd tabadmequid.

Cadasia 1:11

Tantia. Chuinu, cun utsibo. Esus tantiasho Nuquin Papan matses bëdambuen isendac, quequin umbi Esusën naid Chiaid Bëda chuibambued matsesën ambibi tantiaquin ambembi chiaidpenquio nec.

Codinto 1 9:17

Adquid icnuc umbibi tantiacpaden Esuquidistu chuibanquid yec ubi piucquid menetequid iquec, quequin caintsiambi. Padnuen Nuquin Papan: Umbi chiaidquio chuibanta, caid icquin aidën chiaidquio chuibennec nebi. Ubi menetsiash, quenquio icquin aden chuibennec nebi.

Doma 1:1

Esuquidistun iuambo Pabado nebi. Aidën: Ubi chuibenneta, quequin tantiamiaidquio nebi. Adembidi Nuquin Papantsen: Umbi Chiaid Bëda tantiamequin chuibenneta, caidquio nebi. Adquid icquin mibitedi tantiembi.

Ducas 1:47

Abi yacno ubi tabadmequid Nuquin Papa nec, quequin tantiec cuishonquec bëdambo iquebi.

Ducas 2:11

Nëbimbobi tsusedpa Dabid tishampicnoshon Beden yacnoshon Nuquin Papa yacno iuedanquid Quidistu Nuquin Papan Chomiaid abitedishun Icbombo ictequid tishosh.