Tesadonica 2 2:8 - El Nuevo Testamento en matsés

⁸ Abi chomenquio icquid chicambien icsamboshë icquid matsesën chuiquid tapa iquendac. Adshobien Nuquin Icbo Esusën: Ubien nadatiamboquid yec abitedishun Icbombo nec, quec matses abitedishun isnuc bëchamauanquiec choshon icsamboshë icquid dabushcaquinuidtsëqui nibëdanmendac.

Tesadonica 2 2:8 Referans Kwoze

Tesadonica 2 2:3

Aden muaquin chiaid tantiash: Abimbuen cachitec, quequin tantienda. ¿Nuquin Icbobada chopadic? Padenquio. Icsamboshëcquidoba choendac. Nuquin Papa caidën chiaid tantiatiapimbo iquebi, quec matses icsambuec tabadnubien Nuquin Papa chieshënquidquio icsamboshë icquidba choash matses abitedishun chuiquid tapa iquendac. Aid Nuquin Papan cuidtequidquio nendac.

Esusën Uan ismiaid 20:10

Adshumbic aido muaquin icsambuen namequidtsen Mayan Icsa Satanas bedshun aben icquid tapa acte ëquëducuësh chondaidbëta nidaid shëcuënuësh chondaid ënden nësecaondacnombobidi ënëdenquio yec chian annëdënquequid icsamboshë annuadquid yacno Mayan Icsa Satanastsen nënendac. Adoac ënëdenquio yec mëyadec aido tabadendac, quequin ismeposhi.

Esusën Uan ismiaid 19:15

Bëyuc nidquidën ana shëcuënuëshquio chështe cuënumbo icquid cueshqueposh. Adquid icquin nidaid utsi utsiec yacno tabadquido icsaquido icsho uesquin seshun secaindac. Adembidi matses chuiquid tapan shocosh cueste sananquin namesho utsibon dëniacquin: Umbiquien namenu, catiapimbo iquendac. Nuquin Papa nadatiambocquid icquin icsaquido nëishënquioshon shancuimbiecquid uba caid nua ënë icnuc tishtishacbimbuen cuidquin nua intac icnuc seshun secaindac.

Tito 2:13

Cun Icbo Esuquidistu ubi Nuquin Papa cuidmenquiocquid bëdamboshëcquid chote uëshë chonoc cuishonquendabi, quequin caimbudec bëdambuec tabadta, quequin chuiquin tantiameuata.

Esusën Uan ismiaid 2:16

Aidon chiaid tantienda. Umbi chiaid mimbi niac niactsiaque. Mimbi icsambuen naid ënshun padpiden Nuquin Papa tantiata. Mibi cuëdëncuededacno aido chomenda. Umbi chuibued niacbidansho issun mibi yacno choshon chështe cun ana shëcuën cuënumbo icquid cueshquebuedën cuesacbimbuen mibi aidobëta cuidtsiambique. Mimbi icsambuen naid ënta.

Uan 1 5:18

Nuquin Papan: Cun bacuëbo nec, caido icquin icsambuen nabanesa nec, quequin nuqui tantiec. Aden abi tantiaquido icsho Nuquin Papan Madon Esusën dayun uaid icsho Mayan Icsa Satanasën icsa uatiapimbo iquendac.

Ebedeo 10:27

Aden Ambi Chiaid niactednequid icsho abitedi cuidte uëshë chonoc nëishshun dacuëdampambocquid icquin cumapenen chushcashun Nuquin Papan abi chieshënquido nibëdanmequin chian annëdënquiacno nësecaindac.

Timoteo 2 4:8

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.

Timoteo 2 1:10

Aden ambi bëdambuen iste tantiamiabi icshumbic nëbi Esuquidistu matsesmeshun matses tantiamiac. Adoac: Abi tantiaquid uënësacsho cuidmenquio icquin uënëstiapimbo icquid icmequin Nuquin Papa yacno abëdi Esuquidistun tabadmendac, quequin Esusën naid Nuquin Papan Chiaid Bëda nuqui tantiec.

Esusën Uan ismiaid 1:16

Aton mëdante abiucshun uispa 7ted sanamposh. Chështe aucbidaëdi cuënumbo icquid ana shëcuënuësh cueshqueposh. Aton bëtantete badiadën uëshë chënquec bëchamauanquiacbimbuec isadposh.

Uan 1 3:12

Ëndenquimbo aton utsimbobi chieshënquid Cain icpampic. Aidpadquidpenquio icnuna. Mayan Icsa Satanasën tantiamiacpaden aton utsibi cuessunnepampic. ¿Atotsi queshun cuessunnepampic? Aton utsin bëdambuen nasho issun nëishtanquin icsambuen naquid icquin cuessunnepampic.

Uan 1 2:13

Aton papabo icsho mibitedi chuiquin dada uanu. Tantia. Nuquin Papan nidaidbëta abitedi uabi icnubi Esus icpampic. Aid tantiaquido mibitedi nec. Caniabo, Esus tantiaquido icsho mibitsen chuiquin dada uanu. Tantia. Mayan Icsa Satanasën: Icsambuen namenu, cac: Padi, aden nainquio iquembi, mimbi cannioc.

Timoteo 2 4:1

Nuquin Papabëtan Esuquidistun mibi iseque. Bëdambuen chuibanta. Esusën padpidec choshon abitedishun Icbombo icquin uënësabi icquidobëta uënësaido uincuenmeshun cuidnumbi chiendac. Nëid ubi tantiaquid ubëdi tabadmembi. Nëid ubi tantiesa cuidembi, quequin chiendac.

Timoteo 1 6:14

Nuquin Icbo Esuquidistu choabi icnuc umbi chuibued niaquenquio yec bëdambuec tabadta. Esus tantiaquido icsambo iquec, utsibo quetiapimbo icnuc adta.

Mateo 13:38

Padnuen tied tapan icquidbimbuecquid nidaidën tabadquidotedi nec. Pete ëshëbimbuecquid Nuquin Papan namiaido nec. Padnuen ubi chieshënquido Mayan Icsa Satanasën namiaido icquin uasin icsambocquid ansecaquidbimbuecquido nec.

Mateo 13:19

Nuquin Papan namiacno tabadte iquec, quequin chiaqui tantienquio icsho Mayan Icsa Satanasën nac badedi bëshunendac. Adquid podquied nantan pete ëshë secac paëdacsho uicchunën badedi chiacbimbuecquid nendac.

Mateo 16:27

Matsesën Tishaid yec Nuquin Papa yacnouësh cun Pabëd icquidobëd bëchamauanquiec choshon Nuquin Papan abitedishun Icbo icmiaid icquin matses cuidte chiendambi. Nuquin Papa tantiec bëdambuec tabadquid icsho aidbëd tabadmequimbi Nuquin Papa tantienquio yec icsambuen naic tabadquido icsho natiamequin cuidendambi.

Mateo 16:28

Aden chiashic Esus: Abimbo chuinu. Tantiata. Nëmbo tabadquid ubi tantiaquid utsi utsiec uënësabi yec nidaidën abi tabadquin Matsesën Tishaid yec abitedishun Icbombo icmiacsho isendac, quepondash Esus.

Codinto 1 1:28

Aden utsibon chieshënquin: Tantienquiocquid nec, caidi Nuquin Papan tantiamiaido nec. Adembidi: Chuiquid tapa ictiapimbo iquec, caidi ambi tantiamiaidobidi nendac. Aden abi tantiesabo: Bëdambo iquec, camenquiocnuen abi tantiaquido icmendac.

Esusën Uan ismiaid 13:5

Aden matsesën tantiaid icquin bëdi dapabimbuecquid acte ëquëducuësh chobuedën Nuquin Papa chieshënquiec: Nuquin Papa caid nibëdquiec. Umbiuidtsëqui namembi, quequin tantiasho Nuquin Papan ambi tantiacpadombuen seta 3ted matanmetanec seta utsi choaid poctsembo cuëscaquin matses abitedimbo nameposh.