Tesadonica 2 2:6 - El Nuevo Testamento en matsés

⁶ Nuquin Papan ambi tantiacpadënquio chomenuen uidënuac icsamboshë icquid nëbi choenquio iquec. Nuquin Papan tantiacpadënquio choendac. Umbi chiondaid abi chomenquio icquid mibitedishun tantiec.

Tesadonica 2 2:6 Referans Kwoze

Tesadonica 2 2:3

Aden muaquin chiaid tantiash: Abimbuen cachitec, quequin tantienda. ¿Nuquin Icbobada chopadic? Padenquio. Icsamboshëcquidoba choendac. Nuquin Papa caidën chiaid tantiatiapimbo iquebi, quec matses icsambuec tabadnubien Nuquin Papa chieshënquidquio icsamboshë icquidba choash matses abitedishun chuiquid tapa iquendac. Aid Nuquin Papan cuidtequidquio nendac.

Tesadonica 2 2:8

Abi chomenquio icquid chicambien icsamboshë icquid matsesën chuiquid tapa iquendac. Adshobien Nuquin Icbo Esusën: Ubien nadatiamboquid yec abitedishun Icbombo nec, quec matses abitedishun isnuc bëchamauanquiec choshon icsamboshë icquid dabushcaquinuidtsëqui nibëdanmendac.

Doma 1:18

Abi tantiesabo yec chieshëmënec tabadquid abucshun isquin cuidquid Nuquin Papa nec, quequin nuqui tantiec. Adec abi tantiesa yec icsambuen naic tabadquin Ambi Chiaid tantiatiapimbocquin utsibotsen tantiametiapimbo icsho nëishshun Nuquin Papan cuidendac.

Tesadonica 2 2:7

Nëbi ambi tantiaidtedi tantiamenquio icquin Mayan Icsa Satanasën namiac matsesën Nuquin Papa chieshënquin Aidën Chiaid niac niacbededec. Padnuen icsamboshë icquid choabi iquec. Aid chomenquio icquin uidën uaquid chicabi icnuc icsamboshë icquid chuiquid tapa yantiapimbo iquendac.