Tesadonica 2 2:15 - El Nuevo Testamento en matsés

¹⁵ Cun utsibo, umbi aden chuisho tantiashun chieshtoenquio icquin Esus tantiata. Umbi mibitedi bëisquin chiondaidbëta umbi dada uaquin abimbo chuibued bëshunenda.

Tesadonica 2 2:15 Referans Kwoze

Codinto 1 11:2

Umbi chuibanondaid bëshunenquio icquin tantiaquin nabanec mibitedi tabadec, quiash bëdambo iquec cuishonquebi.

Tesadonica 2 3:6

Tantia, cun utsibo. Nuquin Icbo Esuquidistun: Ubi chuibenneta, caidquio icquin mibitedi chuinu. Esus tantiaquido utsi utsiec umbi mibi chiondaid niacniaquec chieshuidequi icsho isash aidbëd tabadenda.

Tesadonica 2 2:2

dacuëdtanenda. Mibi yacnoshon ¿tsuntsin aden muaquin chuipash? Aidon: Tantia. Nuquin Icbo Esus ënden choac, quequin Nuquin Papan Mayan Bëdan tantiamioshi, quequin chiec muec niashe. Adec muasho tantienda. Aidon: Aden Pabadon chiaid iquec, quequin umbi dada uaidbimbuecquid isquimbien muaquin chuichitash.

Codinto 1 16:13

Icsamane, queshun isucunacbimbuen chieshtoenquio icquin Esus tantiaquidquio icta. Adecbidi natiamiantequid icnuc dacuëdenquio yec chieshtoenquio yec tabadta.

Pidipos 4:1

Tantia, cun utsibo, umbi tantiaidquio icsho mibitedi chuinu. Mibi iste bunquiebi. Umbi chuibanac Esus tantiabensho isash bëdamboshëcquid meniacbimbuec cuishonquiondabi. Ubi yacpaden chieshtoenquio icquin Nuquin Icbo Esus tantiec bëdambuec tabadta.

Codinto 1 15:58

Cun utsibo, umbi tantiaido icsho mibitedi chuinu. Umbi chuibambued utsi uainquiocquin tantiec chieshtoenquio yec chonoadbudec tabadquin Nuquin Icbo Esuquidistu ënenquio icquin nashunec tabadta. Nuquin Icbo Esuquidistubëd abentsëc yacbimbuec tabadquin nabanec chonoadaid ambembi nabanaidpenquio nec, quequin mimbi tantiec.

Doma 16:17

Tantia. Chuinu, cun utsibo. Mibëtan Esus tantiaquido chieshënmequin cuëshëdmequido iquec. Aidon Nuquin Papan Chiaid mimbi tantiaidquio chienquio icquin mibitedi icsambuen namenuen muaquin chuibampec. Adquidobëd onquec tabadenda.

Udas 1:3

Tantia, cun utsibo, umbi tantiaido icsho mibitedi chuinu. Abëd tabadmenuen nuqui cuidmenquio icnuec Esus abided cuidadec uënësaid tantiateuidi bunsho mibitedi dadpen chuiquin dadauate bunobi. Adbuedi utsi chuiquin dada uanu. Nëbi mibi yacnoshon ambenquiobi muaquin chuisho tantiashun: Mua. Esusën chiaidpenquio mimbi chiec. Aid tantiatiapimbo iquebi, quequin aidon chiaid tantienda. Nuquin Papan Chiaidquio chuibanac aid tantiondaido mibi neque. Utsi tantienda.

Tesadonica 2 3:14

Nëid dada uaquin umbi chuibambued niac niacsho ista. Aden chiaid niacquin icsambuen nasho isash: Icsambuen nachitombi, quequin dacuëdtanquin ma tantiabennu, quiash aidbëd onquec tabadenda.

Tito 1:9

Ambi tantiaid Nuquin Papan Chiaidquio utsi uainquiocquin tantiamequidquio nendac. Adquid icquin utsibo chieshtomenquio icquin tantiaquid icmenuen bëdambuen chuibanquid nendac. Tantiesabobi: Icsambuen naquid nebi, camenuen bëdambuen chuiquid nendac.