Tesadonica 2 2:11 - El Nuevo Testamento en matsés

¹¹ Aden Ambi Chiaid tantiate bunenquiocsho Nuquin Papan: Abi bunaidquio ambembi chiaidquio chuisho ma adembi tantiapanu, quequin tantiamiac: Muec nec, quequin tantienquio iquendac.

Tesadonica 2 2:11 Referans Kwoze

Doma 1:28

Adec abi tantiate bunenquio icsho isash Nuquin Papa: Ma ambi icsambuen nate bunacpadequi icsambuec ma adequi tabadpanu, quiampampic. Adnëdambi ambi natemaidi naic tabadec.

Mateo 24:11

Adnubien muaquido dadpen yanash: Nuquin Papan oncamiaidquio nebique. Tantia. Chuinu, quependac. Adsho tantiashun dadpenshun: Ai, abimbo mimbi chiec, caindac.

Timoteo 1 4:1

Tantia, mado. Nuquin Papan Mayanën tantiamiaid mibi chuinu. Esus chote uëshë nëbi yannuc abi tantiaquidon utsin utsinquien Esus tantienquio yanendac. Mayan Icsa Satanasën iuabo podobitsi icsabon muaquin tantiamiaid icquin matsesën chuisho tantiashun Esus tantienquio yanendac, quequin abimbo tantiamioshi.

Tesadonica 1 2:3

Adembidi abimbo chuiquin Esusën naid chuibanondambi. Bëdambuen namenuen bëdambuen chuibanondambi. ¿Min piucquid bednuen mua uaquindambi mibitedi chuibandionda? Padenquio.

Mateo 24:5

Adquido chochoshon: Nuquin Papan Chomiaidquio Quidistu caid Mesias nebi, quequin muaquin chiaqui matses dadpenshun: Ai, abimbuen mimbi caic, capendac.

Timoteo 2 4:4

Pamumëdacbimbuecquin matsesën Nuquin Papan Chiaid tantienquio icquin tsusedpabon ambembi chiampidbëta ambembi chiaid utsi chuisho tantiendac.