Tesadonica 2 1:9 - El Nuevo Testamento en matsés

⁹ Abi yacno puduedmenquio icquin icsambuen naquido ënëdenquio yec mëyadnuc cuidacno nidmendac cuentiapimbo icnuc. Adoac Esus abitedishun Icbombo yec bëchamauanquiec bëdamboshë isadsho isequi aidbëd tabadtiapimbo iquendac.

Tesadonica 2 1:9 Referans Kwoze

Mateo 25:41

Adoshombic Abitedishun Icbombo icquin ubi tantiesabo yec cun copioc tabadquidotsen naden chiendambi: Nuquin Papan cuidtequido icquin mibi icsaid ënte bunenquio icbuedo mibitedi neque. Nuquin Papan Mayan Icsa Satanasbëta podobitsi icsabo cuidacno ënëdenquio yec chian annëdënquiacno nid, caindambi.

Tesadonica 2 2:8

Abi chomenquio icquid chicambien icsamboshë icquid matsesën chuiquid tapa iquendac. Adshobien Nuquin Icbo Esusën: Ubien nadatiamboquid yec abitedishun Icbombo nec, quec matses abitedishun isnuc bëchamauanquiec choshon icsamboshë icquid dabushcaquinuidtsëqui nibëdanmendac.

Mateo 25:46

Adoac aido icsambuec tabadquido ënenquio icquin cuidacnombo nidnubi bëdambuec tabadquido Nuquin Papa yacno ënëdenquio yec tabadendac, quequin Esusën chuipondash.

Esusën Uan ismiaid 21:8

Adoshombic nadquidtedi cuidendambi. Nëidic dacuëdquin ubi tantiauidbuedo. Nëidic Esus tantiesabo abitedi. Nëidic chieshëmënquido. Nëidic chieshëmënec cuessunnianquido. Nëidic aton dada utsibëdi chichudnanquido. Nëidic chido daëd dachudnanquido. Nëidic aton chidopenquio chudquido. Nëidic aton bënëpenquio chudmequido. Nëidic nënëchoquido. Nëidic ambibi nacnenaidi papa caquin tantiaquido. Nëidic mua uanquido. Aidotedi chian dapa ënëdenquio yec annëdënquequid icsamboshë nuadquid asupede caid padpidec uënëste caid yacno nësecaindambi, queposh.

Pidipos 3:19

Aidotedi cumapenec mëyadtequid yacno chian annëdënquiacno nidmequin cuidendac. Peteuidtsëqui tantiec icsambo icquin ambi natemaid naic: Bëdambo iquebi, quec tabadec. Aido: Icsambuen naquido nebi, quiash dacuëdtiadquidi Nuquin Papa tantienquio icquin nidaidën icquiduidtsëqui tantiec tabadec.

Mateo 16:27

Matsesën Tishaid yec Nuquin Papa yacnouësh cun Pabëd icquidobëd bëchamauanquiec choshon Nuquin Papan abitedishun Icbo icmiaid icquin matses cuidte chiendambi. Nuquin Papa tantiec bëdambuec tabadquid icsho aidbëd tabadmequimbi Nuquin Papa tantienquio yec icsambuen naic tabadquido icsho natiamequin cuidendambi.

Mateo 7:23

quequid Cun Pan chiacpadec bëdambuec tabadabi icsho: Umbi isacmaidquio mibi neque. Baded cuenta. Icsambuec tabadquid mibitedi neque, caindambi, quepanëdash Esus.

Esusën Uan ismiaid 20:14

Adshumbic uënësmiantequid caid chian annëdënquequid yacno nëneposh. Aid chian padpidec uënëstequid caid neposh.

Petedo 2 3:7

Aden ambi uampid abubëd nidaid nëbi icquid ambi tantiacpadën Nuquin Papan naindac. Ambi icsambo icquido abitedi cuidte uëshën nëdëncaquin nibëdanmenumbi nëbi dayunuaic. Adembidi matses abitedi Ambi Chiaid niac niacquido nëdëncaquin nibëdanmendac.

Ducas 13:27

Adoaquien: Umbi isacmaido yec icsambuen naic tabadquido mibitedi nec. Adquid yec: Nëmbo mibi puduedtiapimbo iqueque. Nidec nid, caindac.

Mateo 22:13

Adshobien chuiquid tapan: Chido bedacno isnuec dashcute bëdaidquio dasiuidquid, quepadennec. Mibi icsambo iqueque. Mibi cuidnu, queshun aton iuabo chiec: Mëtanetanquin tataneshun buanshun inchëshquio yacno netan, cac netanac mëyadec natiaquiec shëta chëquëdëshquec shubiquioposh.

Esusën Uan ismiaid 20:11

Adshumbic padpiden matses cuidte ismeposhi. Aden ismiac tsadte tapa ushumboshë icquidën Nuquin Papa tsadsho ispombi. Icsambuen naquido cuidquidquio yec dacuëdampambuec Nuquin Papa isadnuc abubëdi nidaid abichobi nibëdquio yamposh, padpidec isadtiapimbo yec.

Udas 1:13

Aido acte dapa cumapenec bocquec tëccuasquequidën cuëmano nushanuaquin icsa uacbimbuen icsambuen naquido nec. Aido uispa chënquebuedi bënnudacbimbuen bëdambuen tantiamenquiocquido nec. Adec muasho cuidquin Nuquin Papan puduentiapimbo yec inchëshquimboshë yacno nidmendac.

Ebedeo 10:29

Aden Moisesën chiampid niacquid cuidampid icnuc Nuquin Papan Aton Mado matsesën tantienquio yansho ¿cumapenen cuidenquioda icpatsiash? Aidon Nuquin Papan Mado Esus tintincacbimbuen chieshënec. Esus uënësaid caic: Matses yec abembi uënësaid nepanëdash, quepec. Adembidi aton intac nua chiuidec abided cuidadec uënësaid Esus tantiasho bëdambuen isquin bëdambuec tabadmendambi, quequin Nuquin Papan Chiaid chuca chieshënec. Adembidi Nuquin Papan Mayan Bëda matses bëdambuen iste bunquid icsambuen chuishunuaic.

Tito 2:13

Cun Icbo Esuquidistu ubi Nuquin Papa cuidmenquiocquid bëdamboshëcquid chote uëshë chonoc cuishonquendabi, quequin caimbudec bëdambuec tabadta, quequin chuiquin tantiameuata.

Esusën Uan ismiaid 22:15

Adec aido tabadnubi nadquidtedi ambo puduedtiapimbo yec umanucquio tabadendac. Nëidic icsambocquid yec chieshëmënquido. Nëidic nënëchoquido. Nëidic aton dada utsibëdi chichudnanquido. Nëidic aton chidopenquio chudquido. Nëidic aton bënëpenquio chudmequido. Nëidic aton chido utsibëd dachudnanquido. Nëidic chieshëmënec cuessunnianquido. Nëidic ambi nacnenaid papa caquin tantiaquido. Nëidic abi bunaiduidquio naic mua uanquido. Adquidotedi Nuquin Papa yacno puduedtiapimbo iquendac.

Petedo 2 2:17

Aidotedi muaquin tantiamequido yec acte chomenuen uëdëshcashun nacnenaidi acte nibëdquio yacbimbuecquido nec. Adecbidi abu chëshë cunquequidën tsidunacbimbuecquido nec. Adquido icsho Nuquin Papan cumapenec mëyadnuc cuidquin inchëshquio yacno nidmequin ënëdenquiocnoc cuidendac.

Tesadonica 1 5:3

Esus tantienquio yequi matses dadpen: Cuesnanenquio yec nuqui bëdambuec tabadec, queshobien: Nëbi ubi cuidec choec, ambi cacmaidënquio padpidec choshon cuidquiendac. ¿Mitsipadquio chido bacuë usunquid icpec? Aid uëshënquio tishembi, quequin tantiatiapimbo icnubi badedquio nëncuenec. Adacbimbuec ambi: Nëbi choec, cacmaidquio Esus badedquio chosho abi tantiesabon cuenëntiapimbo iquendac.

Uanën dada uaid 5:14

Adshumbic Esusën Nuquin Papa tabadte shubu dapa tsicatiacno puduedshun ambi daicsacsho bëdanmebued istuidpondash. Istuidshumbien: Tantia. Mibi chuinu. Umbi bëdanmebuedquio mibi neque. Padpidembuen icsambuen nainquiocquin ënash bëdambo icta. Padenquio yec padpidembuec daicsabudchitomane, quiash adta, capondash Esusën.

Mateo 26:24

Nuquin Papan ubi bedmete chuiquin dada uamiampicpadombuen Matsesën Tishaid icshobini bedmendac. Aden ubi chieshënquin bedmequid cumapenen cuidtequidquio nendac. Aidi aton titan tishenquio icpatecnëdan, quepondash.

Mateo 24:30

Adnubien Matsesën Tishaid yec ubi chotequid icnuc abuc ismiantequid icsho isbededendac. Adsho isash nidaidën tabadquido matses abitedimbo dacuëdec natiaquiec shubiquiendac. Adnubini Matsesën Tishaid iquequi abitedishun Icbo yec nadatiambo icquin nabanquidquio yec bëchamauanquiec abu ushu yacno ubi chosho isbededendac.