Tesadonica 2 1:6 - El Nuevo Testamento en matsés

⁶ Nëbi mibitedi natiamequin chieshënquidon naidtsen tantiaquid icquin Nuquin Papan: Icsambuen naquido nec, queshun aido cuidendac.

Tesadonica 2 1:6 Referans Kwoze

Codosas 3:25

Padnuen chieshëmënquid icquin icsambuen naquid icsho Nuquin Papan cuidendac. Aidon naid issun abimbo tantiaquid icquin: Nëid cuidenquio iquembi, quenquio icquin Nuquin Papan cuidendac.

Esusën Uan ismiaid 6:10

Adoaido icquin cumapenec cuëdquin Nuquin Papa chuidoneposh: Abitedishun Icbombo icquin mimbi tantiacpadombuen namequidquio mibi nec. Icsaisambo yec muesambo mibi neque. En chui, Papa. Nidaidën tabadquido ubi chieshënquin cuessun secambuedo ¿tedectsicshun mimbi aido cuidpe? quequin chuidoneposh.

Esusën Uan ismiaid 19:2

Muesambocquid icquin ambi chiacpadombuen matses cuidquidquio nec. Abi tantiesabo chido piucquid bedec chudadquidbimbuecquido icquin matsesën nacnenaid: Cun papa nec, camete bunquin icsambuen naquin ënenquio icsho cuidquidquio nec. Adquid icquin: Icsamboshë iquec, quequin matses utsibo icsamequido chido piucquid bedec chudadquidbimbuecquido icsho Babidonia yacnocquido cuidquioposh. Nuquipadquid Nuquin Papa tantiaquido cuessun secaquido icsho cuidosh, quec cuëdëncuededposh.

Esusën Uan ismiaid 18:20

Mibi abuc tabadquidotedi: Shubu dadpen icquid cuidquin nëdëncaquin nibëdanmequiosh, quec cuishonqueta. Adecbidi Nuquin Papa tantiaquido yec cuishonqueta. Adecbidi Esusën: Ubi chuibenneta, caido yec cuishonqueta. Adecbidi Nuquin Papan oncamiaido yec cuishonqueta. Mibi chieshënquin natiamiacpadombuen mibi chieshënquido Nuquin Papan ambi chiacpadombuen naquin uesquin cuidquioshe, queposh abucuësh onquec.

Esusën Uan ismiaid 15:4

Matses abitedishun: Nuquin Icbo dacuëdampambo icquid neque. Aidquio tantiec cuëdënnuna. Adembidi: Mibiuidtsëqui bëdamboshë yec icsaisa nec, quequin mibi tantiendac. Mibiuidtsëqui icsaisambo nec. Adsho issun nidaid utsi utsiec yacno tabadquid matses abitedi chochoshon: Mibi bëdambocquid yec Cun Icbombo mibi nec, caindac. Adquid icquin mimbi chiacpadombuen icsaquido cuidquimbi mibi tantiaquido mimbi bëdambuen isendac, quec cuëdëncuededposh.

Esusën Uan ismiaid 11:18

Nidaid utsi utsiec yacno tabadquidon aton chuiquidobëtan nëishënquioshon mimbi chiaid niacniacquin mibi chieshënquiec tabadec. Adsho mimbi tantiacpadënquio nëbi mimbi aido cuidendac. Matses abitedi uincuenmetanquin mimbi chiaid niacniacquin icsambuen nabuedo icsho mimbi cuidendac. Adoshombic mibi nashunquido mimbi oncamiaidobëta mibi tantiaquido abitedimbo mibi yacno mibëdi mimbi tabadmendac. Chuiquid tapabobëta chuiquidpenquio mibi tantiaquidotedi mimbi bëdambo icmendac. Padnuen mibi tantiesabo cuessun secanquido icsho mimbi cuidquiendac, quequin chuibededsho tantiapombi.

Esusën Uan ismiaid 18:24

Nuquin Papan aden cuidabi icnuc Babidonia yacnocquidon Nuquin Papa chieshënquin ambi oncamiaidobëtabi abi tantiaquido dadpen cuessun secapampic. Adembidi chieshëmënquido icquin utsibo dadpenquio cuessun secapampic. Adquido icsho Nuquin Papan uesquin cuidquin naic, queposh Nuquin Papabëd icquid.

Ebedeo 6:10

Abi tantiaquid icquin utsibo tantiaquin mibitedishun nashundennesho issun Nuquin Papan ambi tantiacpadombuen naquid icquin mimbi nabanaidtedi bëshunenquio icquin tantiendac.