Tesadonica 1 4:18 - El Nuevo Testamento en matsés

¹⁸ Umbi aden chuibued tantiashun abëtan Esus tantiaquid uënësaid tantiec uënësquio yec shubiquido bëdambo icmenuen umbi chuibambued chuita.

Tesadonica 1 4:18 Referans Kwoze

Tesadonica 1 5:14

Cun utsibo, mibitedishun nabante chuinu. Chieshquid icsho: Mibitsen chonoadta, cata. Utsibo chieshtotiadquio icsho: Esus tantiec bëdambo icnuna, cata. Esus bëdiactsëc tantiactsëcsho bëdambuen chuiquin Esus tantiamequiota. Dada padishquio icquid icsho nashunta. Badedquio chieshtoenquiocquin abitedi bëdambuen ista.

Tesadonica 1 5:11

Umbi aden chuisho tantiashun mimbi nabocpadombuembidi Esus tantiec bëdambo icnuec utsibobëd umbi chuibued chuinanquiota. Adec bëdambuec tabadec: Adequi tabadnuna, cananta.

Ducas 21:28

Adquidtedi yansho issun: Nuquin Papa yacno ubi iuedte uëshë anoentsëqui yanec, quequin ënenquio icquin Nuquin Papa tantiaquin abuc istedneta, quepanëdash Esus.

Ebedeo 12:12

Aden tantiec mëdantebëd dannësh uinmabudacbimbuec icbuedi uidënquio yanquin Nuquin Papa tantiaquiec tabadta.

Tesadonica 1 4:17

Adashic Esus tantiaquido uënësabi icquidobëd uincuenmiaido tsidadash aidotedi abuctoendac Nuquin Papabëd tabadec nidec. Abitedi abuctoquimbi abi bëquedec Esus chosho istuidendac. Adash Esusbëd Nuquin Papa yacno nidash anobi nuqui quenenendac.

Tesadonica 1 5:1

Tantia, cun utsibo. Mibitedi chuinu. Nëidtedec ushash Esus padpidec choec, quequin chuitiapimbo iquebi. Adembidi: Nëidted seta matanmiash choec, quequin dada uatiapimbo iquebi. Tantienquio iquembi.