Tesadonica 1 4:12 - El Nuevo Testamento en matsés

¹² Adec tabadec: Cuna nibëdeque. Mitsana bec cho, quenquio mibi ictsiac. Mibitedi adquid icsho isash Esus tantiesabo: Esus tantiaquido bëdambuec tabadec, quetsiash.

Tesadonica 1 4:12 Referans Kwoze

Codosas 4:5

Esus tantiesabon ubi tabadsho isec, quiash Esus tantiec bëdambuec tabadta. Adec tabadquin Esus tantiesatsen chieshtomenquio icquin tantiamenu, quequin Esuquidistun chiaidquio chuibanta.

Petedo 1 2:12

Nuquin Papa tantiesabobëd bëdambuec tabadta. Ma aidontsen: Tantiabennu, quiash adta. Adec mibitedi bëdambuec tabadsho issun mibi chieshënquin icsambuen chuishumbuedombi Nuquin Papa tantiabenshun naden chiendac: Papa, Mimbi tantiamiaido bëdambuec tabadsho issun mibi tantiabenombi, quequin Nuquin Papan matses abitedi chuimequin cuidte uëshëmbi aden chiendac.

Doma 12:17

Utsin chieshënac aidbëd cuidnanec chieshënnanenda. Ma utsibo: Bëdambuec tabadquid nec, quenu, quiash bëdambuec tabadta.

Timoteo 1 3:7

Adembidi chuibanquid icmenuen Esus tantiesabon: Bëdambocquid nec, casho tantiata. Icsambocquid nec, caid chuibanquid icmenda. Adquid icmiac icsambuen nasho Esus tantiesabon mamënshuntsiash. Adquid Mayan Icsa Satanasën badedi icsametsiashe. Icsambo icquid nec, caid: Esus chuibanquid icta, cainda.

Doma 13:13

Icsambuen nainquio yec bëdambuec tabadquid nebi, queshun peteuidi nua penquio yec tabadquinc tantiadennuen acte paë uaid aquenquio icquinc utsin chido chudenquio icquinc utsin bënë chudmenquio icquinc canuna. Adecbidi utsina isash cuna adquid nibëdec, quiash chieshëmënec tabadenquio icnuna. Adembidi utsin namesho isash chieshëmënenquio icnuna.

Madcos 4:11

Adoaquien Esusën: Utsibo tantiamenquio icnëdaidi nëbi: Nuquin Papan namiacno tabadte iquec, quequin mibitedictsëqui tantiamembi. Utsiboembi aden chienquio icquin utsi chiacbimbuen chuibanendac.

Tesadonica 1 5:22

Adembidi Nuquin Papan Chiaidpenquio chiec, queshun aidën chuisho tantienda. Aidën chiacpadombuen nainda.

Petedo 1 3:1

Tantia, chidobo. Bënëchoquid icsho mibitedi chuinu. Esus tantiaquid icquin min bënën chiacpadombuen nabanta. Esus tantiec ubi bëdambuec tabadsho issun Nuquin Papan Chiaid tantienquio icbuedëmbi cun bënën Esus tantiabentsiash. Mimbitsen Esus tantiabenta, quequin umbi chiambobi Esus tantiabentsiash, queshun min bënën chiacpadombuen nabanta.

Pidipos 4:8

Tantia, cun utsibo. Nëidtsen mibitedi chuinu. Abimbo chiaid tantiata. Matses abitedi bëdambuen isnuna, quequin chiaid tantiata. Icsaisambo icquid yec bëdambo icmianquid tantiata. Icsambuen chuishunenquio yaid tantiata. Aden bëdambuen nateuidquio tantiec tabadta. Aidtedi tantiec cuishonquec tabadta, quequin chiaidtedi tantiata.

Epeso 4:28

Ampequid icbuedëmbi ampenda. Adquid icbuedi chonoadquin mitsana bedshun utsina nibëdsho issun mosuc menequid icta.