Tesadonica 1 3:10 - El Nuevo Testamento en matsés

¹⁰ Aido istantiadquio iquebi. Mimbi chiaid bëdiactsëc tantiasho aidobëd tabadquin mibi tantiaquidquio icmenuen bëdambuen chuibantsiambique. Ubi ambo nidmeta, Papa, quequin Nuquin Papa ënenquiocquin badiadquidën badiadquidënquien chiannembi. Adembidi inchëshquidën inchëshquidënquien chiannembi.

Tesadonica 1 3:10 Referans Kwoze

Codinto 2 13:9

Utsibon: Bëdambuen chuibanquidpenquio nec, ubi canubi: Mibi bëdambuec tabadsho isash bëdambo iquebi, quec tsadtsiabi. Mibi tantiaquin: Codinto yacnocquido icsambuen nainquio yec bëdambuec tabadquiduidquio icmeta, quequin ënenquio icquin Nuquin Papa chiannembi.

Tesadonica 1 3:11

Nuquin Icbo Esusbëta Nuquin Papa chuiquin: Istantiadquio iquebique. Ubitedi nashunquin ambo ubi nidme, Papa, quequin chiannembi.

Codinto 2 1:24

Naden dadpen tantiata, quequin icbon ancacbimbuen mibitedi chienquio iquembi. Esus tantiaquidombo nec, quequin mibitedi tantiembi. Ma Esus tantiec chieshtoenquio yec cuishonquequiono, quequin mibëd icquin mibitedi chuibante bunebi.

Timoteo 2 1:3

Cun tsusedpabon nampicpadombuen Nuquin Papa tantiaquin aidën chiacpadombuen naquid nebi. Adquid icquin Nuquin Papa ënenquiocquin badiadquidën badiadquidënquien mibi tantiaquin naden chiannembi: Mibi tantiaquid Timoteo bëdambo icmec mibi bëdamboshë iquec, Papa, quequin chiannembi.

Tesadonica 2 1:11

Aidobëtambi Esus isembi, quequin mibitedi tantiaquin Nuquin Papa ënenquio icquin naden chiannembi: Mimbi Esus tantiamiaido neque. Bëdambuec tabadmeta, Papa. Aido: Esus tantiec mimbi chiacpadombuen natiadquio iquebi, quequin mibi chuisho ambi chiacpadombuen nameta. Nadatiambocquin naquidquio mibi neque. Adota, Papa.

Pidipos 1:25

Uënësambo yec mibëd tabadquin Esusën naid bëdambuen chuibantsiambi. Adoac mibitedi bëdiactsëc tantiactsëcbuedobi Esus tantiaquiec udi cuishonquec mibitedi bëdambo yantsiac, quiash mibi yacno nidte bunebi.

Codinto 2 1:15

Aden Codinto yacnocquidon ubi bëdambuec tabadaid chiendac, quequin tantiec: Mibitedi daëden isec nidnu, queuidobi.

Hechos 26:7

Nuquin tsusedpa Acobo cashumbic Isadaid caidën madobo 12tedshun tsiuecquido uënësacsho Nuquin Papan uincuenmete iquendac, quequin chiaid tantiaquido icquin Nuquin Papa tantiaquin caimpampic. Aidon cainampicpaden cainembi, quesho: Icsambocquid nec, ubi capec isadaidbon chuiquidon, quequin chuiquid tapa Aquidipa chuipanëdash.

Pidemon 1:22

Utsitsen chuinu. Tantia. Umbi tantienquio icnuc chonoshe, queshun ubi ushte nacnenta. Mibitedishun ubi tantiaquin chianniacpadombuen badedquio Nuquin Papan mibi yacno nidmiac mibi isec nidendabi.

Codosas 4:12

Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.

Codosas 1:28

Aden ubi padquidobëtan Esuquidistu chuibenniac aid tantiaquid yansho issun: Esuquidistu tantiec bëdambuec tabadtedneta, quequin Nuquin Papan tantiamiacpadombuen chuibennec nebi. Abi yacno chosho Esuspadquid icmequin ambi bëdambuen isaido ma Nuquin Papan iuednu, queshun chuibennequid nebi.

Ducas 2:37

aton bënë uënëspanëdash. Adec uënësan aton seta 84ted iquequi abi niante icpanëdash. Aidëmbi Nuquin Papa tabadte shubu dapa yacno nidtednequin Nuquin Papauidi tantiaquin buna mëmundednequin Nuquin Papa chiannequidquio Ana nepanëdash.

Esusën Uan ismiaid 4:8

Icbo icbuec aton podo uicchunën podobimbuec 6ted icposh. Podonotsen adquiobidi ëshëuidquio isadposh. Podo ananquio adquiobidi icposh. Aidonquiobi ënenquio icquin Nuquin Papa chuiposh nadec cuëdënquin: Icsaisa, icsaisa icsaisambo Cun Icbo nec. Abitedishun Icbombo nadatiambocquid mibi icnuc mibi padquid utsi nibëdec. Abitedimbo tantiaquidquio mibi icnuc mimbi tantiacmaid utsi nibëdec. Matses uabi yec icpampidi mibi nec. Nëbi adquid yec mibi nibëdantiapimbo icquidquio nec. Nëbi adquid iquequi choendac, quec badiadquidën badiadquidënquiec cuëdënashic adecbidi inchëshquidën inchëshquidënquiec cuëdëndedneposh.

Codinto 2 13:11

Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.

Esusën Uan ismiaid 7:15

Obecabimbuecquid tantiaquido icsho Nuquin Papan abi yacnombo puduedmeshun aton iuabo icmiaido icquin abi bëisec nec, queposh. Adquido icquin Nuquin Papan shubun tabadquin aid ënenquio icquin tantiaquin nashunendac. Adembidi aton tsadte dapan tsadquin Nuquin Papan abëdi tabadmequin bëdambuen dayun uaido nendac.