Tesadonica 1 2:5 - El Nuevo Testamento en matsés

⁵ Umbi tantiacpadombuen mibitedi namenuen: Mibi bëdambo iquec, quequin chienquio iccondambi. Mibi piucquid bedshunnuen muaquin chiambo iccondambi. Nuquin Papan isquin tantianubi abimbo chuibanondambi.

Tesadonica 1 2:5 Referans Kwoze

Codinto 2 12:17

Mibitedi mua uaquin bedshunambo iquembi ¿Umbi mibi yacno nidmiaidonda muaquin chuiquin mitsana bedpanëdash? Padenquio.

Doma 1:9

Aden abi tantiaquidquio icquin umbi Ambi Chiaid Bëda aton Madon naid chuibennequin mibitedi ënenquio icquin tantiasho isash Nuquin Papa: Abimbo caic, quendac.

Hechos 20:33

Mibëd tabadec: Piucquid bec cho, quenquio iccondabi. Adecbidi: Dashcute bec cho, quenquio iccondabi.

Cadasia 1:20

Umbi aden chuisho tantiash: Abimbo caic, quendac Nuquin Papa.

Petedo 2 2:3

Muaquidon chuisho tantienda. Aidon piucquid cumapenec bunquin aid dadpen bedquimbi ambembi chiaidquio mibitedi chiec. Muasho tantiashun ambi ëndenquimboshë tantiampicpadombuen aido cumapenen Nuquin Papan cuidtequidombo nendac.

Petedo 1 5:2

Icbon aton nëish iua obeca dayun uacbimbuen mibëtan Esus tantiaquido dayun uata. Nuquin Papan Chiaid niaquenquio yec bëdambuec tabad, quequin chuibanta. Nuquin Papan: Ubi tantiaquido chuibanquid icta, caid icquin mibi bunacpadombuen chuibanenda. Aden chuibanquid icquin piucquid dadpen bednun nanu, quenquio icquin Nuquin Papa bunacpadombuen Esus tantiaquido chuibanquid icta.

Tito 1:7

Abëtan Esus tantiaquido namequid Nuquin Papan icmiaid yec bëdambuec tabadquid nendac. Utsin: Icsambuen naquid nec, cacmaid nendac. Utsibon chiaid tantienquio icquin ambi tantiaiduidi naquidpenquio nendac. Badedquio nëishesa nendac. Adecbidi tantiadennuen acte paë uaid aquesa nendac. Adecbidi cuesnante bunesa nendac. Adecbidi atona dadpen bednuec muaquidpenquio nendac.

Tesadonica 1 2:10

Esus tantiaquido icquin mibitedishun isnubi Nuquin Papan Chiaid niaquenquio yec bëdambuec tabadondabi. Utsibo: Pabado chedo icsambuec tabadquido nec, quetiapimbo icnuc bëdambuec tabadondabi. Adshobini mimbi ispondac. Adembidi Nuquin Papantsen ispanëdashi.

Codinto 2 7:2

Adembidi ubëtabi ubipadquid tantiaquiota. Icsambuen nashunesa nebi. Adecbidi icsa uanesa nebi. Adecbidi muaquin utsin na bedesa nebi.

Petedo 2 2:18

Adec muaquido bëdambuec onquiacbimbuec ambembi chiec onquec. Utsin chiaid tantienquio icquin ambi tantiaiduidi naden chiec: Mibi bunacpaden mimbitsen: Nata, cac Esus tantiactsëcquin Nuquin Papan Chiaid naquin ambi icsambuen naid ënuidbuedi padpidembuec icsaindac. Aton chidopenquio isec chudte bunquin ambi icsambuen naid ënte bunenquio iquec. Chido dada utsi chudmete bunquid chudmequin icsambuen namec. Adquidotedi Nuquin Papan cuidtequidombo nec.

Timoteo 1 3:8

Esus tantiaquido nashunquid nadquio icquid nendac, quequin chuinu. Utsibon: Bëdambocquid nec, caidquio nendac. Muesambo nendac. Tantiadennuen acte paë uaid aquenquio icquid nendac. Muaquin piucquid dadpen bedteuidi bunenquiocquid nendac.

Timoteo 1 3:3

Tantiadennuen acte paë uaid aquenquio icquid nendac. Chushcanante bunenquiocquid yec niunnanenquio yec badedquio nëishenquio icquid nendac. Bëdambuec tabadquid nendac. Piucquid bedteuidi bunenquio icquid nendac.

Codinto 2 4:2

Icsambuen nash dacuëdec ompodquidën nacbimbuen nainquio iquembi. Bëdambocquid danmianenquio icquin Nuquin Papan Chiaid utsi uaquin chuibanquin matses mua uainquiocquin abimbo chuibanembi. Aden umbi abimbo chiac tantiaquido yec: Pabado icsambuen naquid nec, quetiapimbo icnubi adembi bëdambuen chuibanembi. Nuquin Papan nuquitedi isec, quequin adembi abimbo chuibanembi.

Codinto 2 2:17

Utsibombien dadpenshun piucquid bedteuidi bunquin Esus chuibennec. Piucquid bednu, quequin ubi yacpadquidon Esuquidistu chuibanenquio iquec. Padnuembi Nuquin Papan: Esuquidistu chuibenneta, caid icquin piucquid bedte bunenquio icquin Nuquin Papan isquin tantianubi muainquiocquin aidquio chuibennec nebi. Nuquin Papan namiaido yec Esuquidistubëd abentsëc yacbimbuec tabadquido ubitedi nec.

Doma 16:18

Nuquin Icbo Esuquidistun chiacpadombuen nainquio icquin aidon: Umbi chiaid tantiata, quequin abi bunaidquio namequin muaquin Esus tantiabentsëcquid icsambuen namec.

Doma 9:1

Cun matses isadaidbo tantiaquid Nuquin Papa nec. Aden abi tantiaquid cun matsesën bëdambuen tantienquio iquec, quiash uënësquio yec shubitiadquio iquebi. Muainquio iquebi. Esuquidistu tantiaquid icsho Nuquin Papan Mayan Bëdan tantiamiaid icquin abimbo chiec nebi.

Mateo 23:13

Adshumbic Moisesën chiampid tantiamequidobëta padiseobo naden chuipondash: Bëdambo icquid danmianquido yec icsambo icquido icsho Nuquin Papan cuidtequidombo mibitedi nendac. Nuquin Papan Chiaid tantienquio icquin aid yacno iuedanquid tantiesa mibitedi nec. Adquid yec mibi aid yacno puduedtiapimbo icquin mimbi chuibanquin mua uac utsibotsen aid yacno puduedtiapimbo icuaindac.

Mateo 22:16

Adshumbic: Icsambuen chuimetan, quequin chuiquid tapa Edodesbëd icquidobëta padiseobobëd icquido nidmiac icsambuen chuimenuec chochoshon chuituidpondash: Bëdambuen chuiquid mibi neque. En ubi chui. Tantianu. Muesambo icquin Nuquin Papan chiacpadec bëdambuec tabadte mimbi abimbo chuipoc. Matses dacuëdënenquio icquin Nuquin Papan Chiaidquio mimbi chuipoc.

Udas 1:11

Aido cuidtequido icsho tantiac uënësquioshë iquec. Cain campidbimbuecquid aido nec. Nuquin Papan Chiaid niacniacquin abi bunaid naiqui icsaic. Aido piucquid dadpen bedteuidi bunquido yec Badan caidbimbuecquido nec. Adembidi Nuquin Papan Ambi Chiaid niacniacsho Code uënësmepampic.