Tesadonica 1 2:16 - El Nuevo Testamento en matsés

¹⁶ Adquid icquin isadaidbon: Matses utsi isadaidpembo chuibannu, quesho ubi chuimenquio icpondash. Esus tantiasho Nuquin Papan bëdambuen isquin mibi cuidenquio iquendac, quequin umbi chuisho: Padi. Aid chienda. Cueschitomane, capondashi. Aden ambi icsambuen naid ënenquio icquin Ambi Chiaid niacniacsho Nuquin Papan aido cumapenen cuidquiendac.

Tesadonica 1 2:16 Referans Kwoze

Hechos 17:13

Adnubien: Bedea yacnoshontsen Pabadon Nuquin Papa caidën chiaid chuibanec, quesho tantiash Tesadonica yacnocquid isadaidbo Bedea yacno nidshun ambocquidotsen nëishmiac chushquec cumapenec cuëdcuededpanëdash.

Hechos 14:19

Adnubien isadaidbon chuiquido Antioquia yacnocquidobëd Iconio yacnocquido Disteda yacno chochoshon: Pabado icsambocquid nec, quequin chiac Disteda yacnocquido nëishcuededpanëdash. Adec nëishcuededshun Pabado cuënoten sesetanquin: Uënësosh, queshun nimbanquin buanshun shubu nibëdacno Pabado netampanëdash.

Madcos 16:16

Aden chuisho tantiaquid: Ubi cuidenquio icnuen Esusded Nuquin Papan cuidpanëdash. Adoaid tantiaquin: Umbi icsambuen naid ënnu, quequin ismequin acten mentomequid icsho Nuquin Papan abi yacno puduedmendac. Ubi tantiesain Nuquin Papan abi yacno puduedmenquio icquin cuidendac.

Mateo 23:32

Ai, nuquin tsusedpabon Nuquin Papan oncamiampid uënës uampicpadombuembidi nata, quepondash Esus.

Tesadonica 2 2:10

Adec icsauidequi tabadquid yec cumapenec muaquin ismedednesho isash: Abimbo caic, quependac Esus tantiesabo Nuquin Papan ënenquio icquin cuidtequido yec. Aidon Esus chuibanquidën: Nuquin Papa yacno tabadte iquec, quequin abimbo chuisho pamumëdacbimbuen tantiatiapimbo icquin ambembi muaquin chiaiduidtsëqui tantiendac.

Cadasia 5:11

Cun utsibo, umbi aidon chiacpaden: Shui dëbid dëtemiaiduidtsëqui Nuquin Papan bëdambuen istsiashe. Dëtemeta, quequin chuiquin Esus chuibanenquio icsho isadaidbon chieshënenquio ictsenoshi. Abi tantiaquid cuidmenquio icnuec cueste napotiaidën diadec Esuquidistu uënëspanëdash, quequin chuibansho mabi chieshëmpaboc.

Hechos 14:5

Aden chuisho tantiash: Bednabebëta Pabado bedtanquin mëyanshun cuënoten sesequin cuessunnenuna, quec nëidted onquepanëdash. Nëidic Esus tantiesabo isadaidbon chuiquido. Utsibic isadaidbopembo. Nëidic ambocquidon chuiquido. Aidtedi adec onquecuededpanëdash.

Hechos 13:50

Aden chuibansho tantiashumbien: Pabado icsambocquid nec, quequin isadaidbon chuiquidon nidaid Pisidia yacnocquid shubu dadpen icquid Antioquia yacnocquidon chido bëdambocquid yec Nuquin Papa tantiaquidobëta ambocquidon chuiquid tapabo nëishmeshun Pabadobëta Bednabe mëyanmetanquin ashunquio cuenmepanëdash.

Timoteo 1 2:4

Matses abitedimbo cuidenquio icquin bëdambuen isquin abëd tabadmete bunquid yec: Umbi Chiaid abimbo tantiashun Cun Mado abided cuidadec uënësaid ma tantiapanu, quendac Nuquin Papa.

Hechos 13:45

Adsho isashien isadaidbon chuiquido: Umbi chuibansho tantianuec aidted chochoenquio iccosh, quequin tantiec nëishpanëdash. Adec nëishash: Mimbi Nuquin Papan Chiaid icsambuen chuibanec, quequin Pabado icsambuen chuishumpanëdash.

Mateo 12:45

Aden istuiduashic: Dapuduedtequidquio nëid nec, quianec abipadquid utsi bedec niduaposh. Nidshumbic 7ted icsamboshë icquido istuidshun bëash aidobëdi dapuduedposh. Adnuc podobitsi icsa abentsëc dapuduedaid yec ënden icsambo iquequi bëdapabi icbuedi aido dadpen dapuduedash buëdanquiec aid dada icsamboshë yanuaposh. Aidbimbuecquido yec nëbi matses icquid icsamboshëcquido nendac, quequin Esusën chuipondash.

Mateo 3:12

Adosbiecquid tidico caid ëshë uashun icbon dayunuaic. Adoshombic bitsi tsindotanquin nëdëncaic. Adoacbimbuen abi tantiesabo icsho ënëdenquio yec chian annëdënquequid Nuquin Papan nësecaindac. Adoshombic abi tantiaquidotedi abi yacno puduedmendac, quepanëdash Uan acten mentoanquid.

Esusën Uan ismiaid 22:11

Ma icsambuen naquidon ma adembidi icsambuen napanuna. Ma icsambuen tantiaquidon ambi icsambuen tantiacpadombuen napanuna. Ma bëdambuen naquidon ma adembidi bëdambuen napanuna. Nuquin Papa chiacpadombuen naquidën ma udictsëc Aid tantiaquin ambi chiacpadombuen napanuna, queposh Nuquin Papabëd icquid.

Tesadonica 1 1:10

Adshumbic: Nuquin Papa yacnouësh aton mado Esus nidaidën padpidec chosho istiadquio iquebi. Ubi cuidmenquio icnuec abided cuidadec uënësacsho Nuquin Papan uincuenmiaid Esus choec, queshun aidquio tantiabenac caosh, quequin mibitedishun naid chioshi.

Epeso 3:13

Mibi tantiaquin chuibanquid icsho ubi chieshënquin natiamiaid icnuc chieshtoenquio icquin tantiata, mibitedi caimbi. Aden natiamiac ubi mëyadaid umbi chuisho tantiash: Ubi tantiaquin chiec nec, quec mibitedi bëdambo iquendac.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Hechos 19:9

Aden chuibansho tantiash isadaidbo utsi utsiec pamumëdacbimbuec tabadquin: Tantiatiapibi, quequin Nuquin Papa yacno tabadmianquid chieshënquin icsambuen chuishumpanëdash. Adoac Esus tantiaquidobëd Pabado: Nidnunid, quianec Nuquin Papan Chiaid chuibante shubu yacnouësh puduenanec nidec Tidano cuëmëdquidën chuibanquin tantiamete shubu yacno nidshun adombuembidi tantiamenuen badiadquidën badiadquidënquien Nuquin Papan Chiaid chuibampanëdash.

Hechos 14:2

Aido Esus tantiaquid yannubi isadaidbo utsibon Pabadon chuibanaid tantiatiapimbo icquin Esus tantiaquido muaquin chuiquin isadaidbopembotsen nëishmepanëdash.

Hechos 4:12

Abi yacno iuedanquid aid abentsëqui icnuc utsi nibëdec. Nuquin Papa yacno tabadte bunec aid tantiaquid icta, quepanëdash Petedo Uambëd.

Mateo 24:14

Ubi choabi icnuc: Ma matses abitedishun: Nuquin Papan namiacno tabadte iquec, quequin umbi naid Chiaid Bëda chuibansho ma tantianu, queshun ubi tantiaquidon nidaid utsi utsiec yacno nidshun chuiben chuibenendac. Aden matses abitedi chuibennequin nainambi Nuquin Papan matses cuidte uëshë choendac, quepondash Esus.

Mateo 24:6

Ubi choabi icnuc: Matses dadpenquio cuesnan cuesnannubi nidaid utsi utsiec yacnouësh cuesnantiadpambo tabadac caosh, quequin chuisho mibitedishun tantiendac. Adsho tantiash dacuëdenda. Nuquin Papan matses abitedi cuidte uëshë choabi icnuc ambi tantiacpadec matses adonanendac.

Hechos 9:23

Adembidi iuec ushquin Saudon chuibansho tantiash: Cuessunnenuna, quiash isadaidbo aid cuessunnete bunsho

Hechos 21:21

Adquidombo icquin: Min bacuëbon shui dëbid dëtemenda, quequin isadaidbobi nidaid utsin icquido Pabadon chiec, quesho tantiash nebi. Adecbidi: Nuquin Papan: Naden nata, quequin Moises chuiquin dada uamiampid niacmequid Pabado nec, quequin chiaid tantiombi, quec aido tabadec.

Hechos 23:12

Adec Pabadobëd Nuquin Icbo onquebombien badiadash isadaidbo 40ted onquecuededec: Pabado cuessunniambo icquin pete penquiocquin buna mëmunembi. Aden naquin Pabado cuessunniambocsho issun Nuquin Papan ma ubitedi cuidpanu, quequin abimbo chiembi, quecuededpanëdash.

Hechos 24:9

Aden chuisho tantiash isadaidbotedi: Ai Tedtudon chiacpadec iccosh, quequin chuibededpanëdash.

Hechos 25:2

Adec ambo nidash tabadsho Nuquin Papa ismequin nëish iua cuessunneshun pichicaquidon chuiquidobëtan isadaidbon chuiquidon Pabado chieshënquin naden chuipanëdash:

Hechos 25:7

Aden bëmiac puduedsho isash cun matses isadaidbon chuiquido Edusaden yacnouësh chochobuedo Pabadon naid chiec abimbo chiacbimbuec muaic onquecuededpanëdash: Abimbo chiec. Nasho isombi, utsibo quetiapimbo icnuc.

Codinto 1 10:33

Umbi nabanaidtedi isash ma utsibo abitedi bëdambuen tantiec cuishonquenu, queshun nabanembi. Umbibi tantiacpaden nabanec bëdambo iquebi, quenquio icquin utsibo tantiaquin bëdambuen nashunembi: Ma aido Nuquin Papa yacno puduedtequid icpanu, queshun.