Santiaco 3:2 - El Nuevo Testamento en matsés

² Nuquitedi icsa uatanquido nendac. ¿Tsutsi bëdambuecuidi onquequid icpatsiash? Utsi icsambuen chuishunesa icsambuen naisa ictsiash. Adquid abibi datantiadquin icsambuen chiec onquenquiocquid iquendac.

Santiaco 3:2 Referans Kwoze

Santiaco 1:26

Nuquin Papan Chiaid tantiaquidquio nebi, quebuedi: ¿Adabi bëdambuec onquepeba? quenquiocquin utsibo icsambuen chiannequid abibi muauadquin icsambuen chuiquid icsho Nuquin Papan bëdambuen istiapimbo iquendac.

Petedo 1 3:10

Naden chuiquin Nuquin Papan dada uamiampid iquec: Bëdambuec tabadte bunquid yec cuishonquec tabadquid iquendac. Adquidën utsibo mua uainquio iquendac. Chieshënquin utsibo icsambuen chuishunec onquenquio iquendac.

Mateo 12:37

Adoac abimbo chiec: Ai, bëdambuen tantiaquin chiec onquequid nebi, quesho matses mëyadtequid yacno nidmenquio iquendac. Padnuen utsi: Padenquio. Icsambuen chiec onquequid nebi, quesho mëyadtequid yacno nidmequin cuideque. Icsambuen chienda, quequin Esusën chuipondash.

Doma 3:10

Naden chuiquin Nuquin Papan dada uamepampic: Nuquin Papan chiacpadombuenuidi naquidquio matses abentsëc nibëdec.

Santiaco 1:4

Aden natiamiaqui chieshtoenquio yec tabadsho bëdambuec tabadte bëdambuen tantiamequin ambi chiacpadombuen nabanquidquio mibitedi icmendac.

Santiaco 2:10

Nuquin Papan: Naden nata, quequin chiampidtedi nabanquid icquimbi Aidën Chiaid abentsëc niacquin abitedi niacquidbimbuec mibi iquendac.

Codinto 1 9:27

Adquid icquin ambembi naquin ubi bunacpaden nabanenquio iquembi. Ënapen nidec: Padishmane, quiash uidënquio icnuec capuquidquio nebi. Adacbimbuen umbi tantiacpaden chuibanenquio icquin: Ma utsibon tantianu, queshun Esuquidistu uidtsëqui chuibanembi. Chuibanenquiocsho Nuquin Papan bëdamboshëcquid menenquio icnushe, queshun icsambuen nainquio iquembi.

Ebedeo 13:21

Aden abi tantiaquido icsho Esusën nëish iua obeca dayun uacbimbuen dayun uaquin Nuquin Papan ambi tantiacpadombuen bëdamboshëcquiduidquio icmendac. Adoac Nuquin Papa bunacpadombuen ma napanuna. Adembidi abi bunacpadombuen ma icmepanuna, queshun Esuquidistunuidtsëqui nac. Esuquidistu bëdamboshëcquidquio yec nibëdantiapimbocquid nec, quequin ënenquio icquin chiannenuna. Amen.

Codosas 4:12

Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.

Codosas 1:28

Aden ubi padquidobëtan Esuquidistu chuibenniac aid tantiaquid yansho issun: Esuquidistu tantiec bëdambuec tabadtedneta, quequin Nuquin Papan tantiamiacpadombuen chuibennec nebi. Abi yacno chosho Esuspadquid icmequin ambi bëdambuen isaido ma Nuquin Papan iuednu, queshun chuibennequid nebi.

Cadasia 3:22

Adquid icnuc Nuquin Papan chuiquin dada uamiampid niac niacquido yec mëtaniacbimbuec matses abitedimbo icsambuec tabadquido nec. Adquid icbuedëmbi ambi Abadauan chiampicpadombuen naquin Esuquidistu uidtsëqui tantiasho Nuquin Papan bëdambuen isendac.

Doma 7:21

Adquid nebi, quiash bëdambuen nate bumbuedi aden nainquio yec badedquio icsaded icsadedchitebi, quequin tantiabenondambi.

Petedo 1 5:10

Aden utsibon chieshënquin natiamiaido yec iuec iuecpactsëc mibitedi mëyadec tabadendac. Adec tabadsho Nuquin Papan bëdamboshëcquid icmequin dayacquiocquid yacbimbuecnuc chieshtoenquio icquid mibi icmendac. Adembidi nuqui tantiaquidquio icquin ambi Esus tantiamiaido icsho abi yacno buanshun nuqui bëdamboshëcquid icmiac ënëdenquio yec Esuquidistubëd daëdash abentsëc yacbimbuecnuc tabadmendac.

Cadasia 5:17

Mibi icsate bunaid naic Nuquin Papan Mayanën tantiamiacpadec bëdambuec tabadtiapimbo mibi ictsiac. Nuquin Papan Mayanën tantiamiacpadombuen naic tabadquin mibi icsate bunaid mimbi nainquio ictsiac. Adquid icquin mibi bunacpadombuen nabantiapimbo mibitedi iquendac.

Mateo 12:34

Ma mibitedi nisibimbuecquido neyoc. Adquido icquin ¿Mitsipaden bëdambuen tantiaquin mimbi chuibampe? Ma mimbi icsambuen tantiaquin utsibo icsambuen chuishumboc.