Santiaco 2:12 - El Nuevo Testamento en matsés

¹² Matses abitedishun naid chuibante uëshë icnuc Nuquin Papan matsesën naidtedi tantiaquin chuibanendac. Aden chuibantequid icnuc utsibo bëdambuen isquin nabanec bëdambuec onquec tabadta.

Santiaco 2:12 Referans Kwoze

Santiaco 1:25

Padnuen Nuquin Papan Chiaid tantiashun bëshunenquio icquin tantiaquidën aidën chiacpadombuen nabanendac. Nuquin Papan Chiaid icsa nibëdquid yec bëdamboshëcquid nec. Ubi cuidmenquiocte chiaid nec, queshun tantiaquin nabanquid yec Nuquin Papan bëdambo icmiaid iquendac.

Santiaco 2:8

Nuquin Papan: Naden nata, quequin chiampid tantiaquin nabanquid yec mibitedi bëdambo iquendac. Ambi chuiquin dada uamiampid nad iquec: Min dada mibibi datantiadacbimbuen utsibo tantiaquiota, quequin chuipampic.

Codosas 3:17

Aden nabanec tabadquin: Cun Icbo Esus nec, quequin tantiaquin aidën chiacpadombuen nabanta. Adec tabadquin: Mimbi tantiampicpadombuen Esuquidistun tantiamiaid yec bëdambo iquebi, Papa, quequin Nuquin Papa chianneta.

Pidipos 4:8

Tantia, cun utsibo. Nëidtsen mibitedi chuinu. Abimbo chiaid tantiata. Matses abitedi bëdambuen isnuna, quequin chiaid tantiata. Icsaisambo icquid yec bëdambo icmianquid tantiata. Icsambuen chuishunenquio yaid tantiata. Aden bëdambuen nateuidquio tantiec tabadta. Aidtedi tantiec cuishonquec tabadta, quequin chiaidtedi tantiata.

Ducas 4:18

Nuquin Icbon Mayanën namiaidquio nebi. Aidëmbi: Nuquin Papana nec, caidquio nebi. Aidën: Atona nibëdquido Chiaid Bëda chuibanta, caidquio nebi. Quënën tsadunaido ambi icsambuen naid ënmenuen chuibanta, caidquio nebi. Bëshuaid bëdanmeta, caidquiobidi nebi. Aidëmbidi: Mayan Icsa Satanasën iuaid icsho Nuquin Papan iua icmenu, quequin chuibanta, caidquio nebi.

Uanën dada uaid 8:32

Nuquin Papabëta ubi tantiasho icsamianquidën iua icbuedi aidën iuapenquio mibi icmendambi, quepondash Esus abi tantiabentsëcquido chiec.

Cadasia 6:2

Adec mibëd iccuededquid natiec tabadsho issun bëdambuen nashumbanta. Aden naquin Esuquidistun chiacpadombuen mimbi naindac.