Santiaco 1:19 - El Nuevo Testamento en matsés

¹⁹ Tantia, cun utsibo. Umbi tantiaido icsho mibitedi chuinu. Utsin chuibansho bëdambuen tantiaquid icta. Adquid icquin utsibon chuibannubi badedquio onquequin chienda. Adecbidi badedquio nëishenda.

Santiaco 1:19 Referans Kwoze

Epeso 4:26

Nëishshun icsambuen nainda. Nëishash abi uëshëmbi badedquio bëdanta.

Codosas 3:8

Adquid iccondaidi nëbi aden nainquiocquin ënash bëdambuec tabadta. Cumapenec nëishbuedi ënëdta. Adecbidi utsi chieshëmbuedi ënëdta. Adecbidi icsambuec tabadbuedi ënëdta. Adecbidi utsi icsambuen chuishumbuedi ënëdta. Adecbidi icsambuen tantiaquin chiec onquebuedi ënëdta.

Epeso 4:31

Chieshëmënec tabadenda. Uënësquio yec tabadenda. Utsi chieshënquin icsambuen chuishunenda. Cumapenec nëishbuedi bëdanta. Utsi cuestiadquio yec chieshbuedi bëdanta. Utsi chushcabuedi ënta. Utsi icsambuen chuishunquin ënta. Icsambuen tantiaquin nabanaidtedi ënta.

Codosas 3:15

Adec Esus tantiaquido yec Esuquidistubëd abentsëc yacbimbuecquid yanash ma abitedi bëdambuec tabadnu, queshun Nuquin Papan: Cun matses nec, quequin ambi tantiamiaido yec bëdambuec tabadta. Adec tabadquin: Mibi tantiaquido yec bëdamboshë iquebi, Papa, quequin Nuquin Papa chianneta.

Mateo 5:22

Nadquidotsen cuidtequido nec, quequin chuinu. Tantia. Aton matsesbëd nëishnanash baded bëdanenquio icquid icsho Nuquin Papan cuidtequid nendac. Utsibic chieshëmënec icsambuec chuishumënquido isadaidbon chuiquidon cuidtequid nendac. Utsibic aton matses chieshënquin cuessunnemete bunquin: Shëpi, caquin icsambuen chuishunquido Nuquin Papan chian annëdënquequid nësecaquin cuidtequid nendac.

Santiaco 1:26

Nuquin Papan Chiaid tantiaquidquio nebi, quebuedi: ¿Adabi bëdambuec onquepeba? quenquiocquin utsibo icsambuen chiannequid abibi muauadquin icsambuen chuiquid icsho Nuquin Papan bëdambuen istiapimbo iquendac.

Tesadonica 1 2:13

Aden Nuquin Papan Chiaidquio umbi chuibanac: Ambembi chiaidpenquio chuibanosh. Ma Nuquin Papan Chiaidquio Pabadon chuibamboc, mibitedi quianondac. Ai, aden Nuquin Papan Chiaidquio tantiash Esus tantiaquido yanash aidquiobidi chuisho tantiash mibi bëdambo yanec. Adec mibitedi bëdambuec tabadaid tantiaquin Nuquin Papa naden chiannembi: Tesadonica yacnocquido bëdambuec tabadmequid yec mibi bëdamboshë iquec, Papa, quequin Nuquin Papa chiannembi.

Hechos 17:11

Ashunquiotsen: Nuquin Papan Chomiaid Quidistu caid Esus niondash, quequin tantiamenuen Nuquin Papan Chiampid Pabadon chuibansho ambocquido isadaidbo Tesadonica yacnocquidon tantiacpadempenquio bëdambocquid icquin: ¿Abimbobida chuibanoshe? Tantiabono, queshun Nuquin Papan chuiquin dada uamiampid isban isbampanëdash Bedea yacnocquidon.

Ducas 19:48

Aden aidtedishun tantiaquin caimbedednubi: Esusën chuibansho tantianu, quec matses dadpen Esus datsidadacsho issun ashunquio isadaidbon chuiquidon Esus uënës uamenuen bedtiapimbo icpanëdash.

Madcos 2:2

padpidec matses dadpen chochopanëdash. Adec chochoash shëcuë cuëman tsucus tsucustsëcquio yec utsi tabadtiapimbo yec tabadsho issun Esusën Nuquin Papan Chiaid Bëda chuibampanëdash.

Hechos 10:33

Aden chiac: Petedo bedtan, quequin umbi namiaido nidmiombi. Adoac bëdambocquid yec cacuidanenquio yec badedquio mibi choac. Adec mibi choacsho isash bëdambo iquebi. Nuquin Papan isnubi nëbi ambi tantiamiacpaden mimbi chuibansho tantiec ubitedi tabadnu, quepanëdash Codnedio Petedo chiec.

Hechos 2:42

Aden Esus tantiabenshun Esusën: Ubi chuibenneta, caidon Esus chuibansho tantiec abëd icquido menenanec tabadquimbi Esus uënësaid tantiaquin actequid acshun pan cuëshë pebededtednepanëdash. Adembidi Nuquin Papa chiannepanëdash.

Ducas 15:1

Adashic: Icsambocquid nec, caidobëd Doma yacnocquidon chuiquid tapan chiactedi aton matses isadaidbo piucquid bedshunquido: Esusën chuibansho tantianu, quiash Esus datsidadpanëdash.

Uan 1 2:21

Aden: Nuquin Papan Chiaid abimbo iquec, quequin tantiaquido icsho mibitedi chuiquin dada uaic nebi. Aden tantiesabo icsho mibi chuiquin dada uainquio ictsenombi. Abimbo chuiquid yec muatiapimbocquid nec, quequin mibitedishun tantiec.

Hechos 13:48

Adsho tantiash isadaidpembo: Nuquin Papan Chiaid bëdamboshë iquec, quec cuishonquecuededpanëdash. Adshobien Nuquin Papan: Ubëdi ënëdenquio yec tabadmendambi, quequin ambi tantiamiactedi Esus tantiaquid yampanëdash.

Madcos 12:37

Cun mado cainquio icquimbi cun Icbo capampic Dabidën. Aden chiampid icnuc ¿Atotsi queshun mimbi: Dabidën mado nec, quequin tantiape? capanëdash Esusën. Aden chiec onquesho tantiashun: Bëdambuen chiec, quequin matses dadpenshun bëdambuen tantiapanëdash.

Hechos 1:15

Aido 120ted iccuedednubi nënantanquio nidtoshon Petedon naden chuipanëdash:

Santiaco 1:2

Tantia, cun utsibo. Mibitedi chuinu. Natiamiantequid utsi utsiec icnubi chieshtoenquio yec cuishonquec tabadta.

Santiaco 1:16

Cun utsibo, umbi tantiaido mibitedi neque. Mibibi mua uadenda.

Santiaco 2:1

Cun utsibo, mibitedi Nuquin Icbo Esuquidistu bëdamboshëcquid tantiaquido mibi nec. Adquido yec: Nëid umbi bëdambuen isaid nec. Nëid umbi icsambuen isaid nec, quec chieshëmënec icsambuec tabadenda.

Santiaco 2:5

Tantia, cun utsibo. Umbi tantiaido icsho mibitedi chuinu. Atona nibëdquido icsho Nuquin Papan abi tantiaquido icmequin ambi namiaidquio icmiac. Nuquin Papa bëdambocquid icquin ma ubi nashunnu, quequin ma tantianu. Adoac aid tantiaquido yec: Nuquin Papan ambi chiampicpadombuen bëdambuen isquin uënësacsho abi yacno abëdi tabadmequin abi tantiaquido icsho ubi bëdamboshë icmendac, ma quenu, quequin ambi namiaidquio nendac.

Santiaco 3:10

Adembidi nuquin ananshun utsi bëdambuen chuishumbic utsi icsambuen chuishunuaic. Cun utsibo, nuquitedi aden chiec onquenquien ictiad.

Santiaco 4:11

Cun utsibo, mibëtan Esus tantiaquid utsibobëd icsambuec chuishunnanenda. Aden icsambuen chuishunquin mimbi: Nuquin Papan: Naden nata, quequin Chiampid icsambocquid nec, cacbimbuen naindac. Adec utsibobëd icsambuec chuishunnanenquio icquin Nuquin Papan chiacpadombuen naquid icta.

Santiaco 5:12

Tantia, cun utsibo. Abimbo chuiquidquio icta. Nuquin Papan tantianubi abimbo caimbi, quequin naden chienda. Abu chuiquin: Abimbo chuinu, quequin chienda. Adembidi nidaid chuiquin: Abimbo chuinu, quequin chienda. Adembidi utsibi cuënquin: Abimbo chuinu, quequin chienda. Utsin: ¿Ada natsia? cac: Ai, queshun nabanta. Adembidi utsin: ¿Ada natsia? cac: Padenquio, queshumbi nabanenda. Aden abimbo chienquiocquid icsho Nuquin Papan cuidnushe.

Santiaco 5:19

Cun utsibo, mibitedi utsi utsiec: Esus tantiaquid nebi, quebuedi aid tantienquio yanquin icsambuen nabanec cuëshëdendac. Adsho issun Esus tantiaquid utsin padpiden tantiabenmeuaindac.