Santiaco 1:13 - El Nuevo Testamento en matsés

¹³ Icsambuen namenu, quequin tanac icsambuen nashun: Nuquin Papan namiac naombi, quenda. Utsin: Icsambuen namenu, cac Nuquin Papa: Icsambuen nanu, quenquiocquid nec. Adecbidi: Matses icsambuen namequin tannu, quesa nec.

Santiaco 1:13 Referans Kwoze

Santiaco 1:12

Adecbidi natiamiantequid icnuc Nuquin Papan Chiaid niaquenquio yec chieshtoenquio icquin abi tantiaquid icsho Nuquin Papan bëdambo icmendac. Adoshombic ambi chiampicpadombuen: Bëdamboshëcquid menequin Umbi chiaid niaquenquio yec mibi ubi tantiaquiec tabadoque. Ubëd ënëdenquio yec tabadtequid mibi icmenu, caindac Nuquin Papan abi tantiaquido chuiquin.

Santiaco 1:2

Tantia, cun utsibo. Mibitedi chuinu. Natiamiantequid utsi utsiec icnubi chieshtoenquio yec cuishonquec tabadta.

Mateo 4:7

Adoaquien Esusën: Adembidi Nuquin Papan chuiquin dada uamiampid nad iquec: Icsambuen tantiaquimbi Min Icbo Nuquin Papa caquin: ¿Abimboda caoshe? Tannu, quequin cuidmenda, quequin chiampid iqueque. Padi, capanëdash Esusën Mayan Icsa Satanas chuiquin.

Santiaco 1:14

Padnuen matses icquin icsambuen nate bunquin ambibi tantiacpaden icsambuen naindac.