Pidipos 4:17 - El Nuevo Testamento en matsés

¹⁷ Piucquid utsi ubi mene, ¿quequin chiectabi nedi? Padenquio. Ma aden bëdambuen nabansho issun Nuquin Papan: Mibi bëdambo iquec, canu, quequin chiec nebi.

Pidipos 4:17 Referans Kwoze

Tito 3:14

Adec nashunnanec nuquitedi bëdambuec tabadquin ismiac adecbidi utsibo nashunnanec tabadec Esuquidistu tantiaquid yanendac, quequin chuibanta.

Ebedeo 6:10

Abi tantiaquid icquin utsibo tantiaquin mibitedishun nashundennesho issun Nuquin Papan ambi tantiacpadombuen naquid icquin mimbi nabanaidtedi bëshunenquio icquin tantiendac.

Uanën dada uaid 15:8

Adoac: Nuquin Papa bëdamboshë iquec, mimbi caindac. Adembidi ubi tantiaquid utsibo dadpen yanmesho: Ai, ubi tantiaquidquio nec, mibitedi caindambi.

Petedo 1 5:2

Icbon aton nëish iua obeca dayun uacbimbuen mibëtan Esus tantiaquido dayun uata. Nuquin Papan Chiaid niaquenquio yec bëdambuec tabad, quequin chuibanta. Nuquin Papan: Ubi tantiaquido chuibanquid icta, caid icquin mibi bunacpadombuen chuibanenda. Aden chuibanquid icquin piucquid dadpen bednun nanu, quenquio icquin Nuquin Papa bunacpadombuen Esus tantiaquido chuibanquid icta.

Tito 1:7

Abëtan Esus tantiaquido namequid Nuquin Papan icmiaid yec bëdambuec tabadquid nendac. Utsin: Icsambuen naquid nec, cacmaid nendac. Utsibon chiaid tantienquio icquin ambi tantiaiduidi naquidpenquio nendac. Badedquio nëishesa nendac. Adecbidi tantiadennuen acte paë uaid aquesa nendac. Adecbidi cuesnante bunesa nendac. Adecbidi atona dadpen bednuec muaquidpenquio nendac.

Pidipos 4:11

Cuna nibëdeque. Bec cho ¿quectabi icti? Padenquio. Cuna icnuc bëdambo iquebi. Cuna nibëdnubi adecbidi bëdambo iquebi, quequin tantiabenondambi.

Tesadonica 1 2:5

Umbi tantiacpadombuen mibitedi namenuen: Mibi bëdambo iquec, quequin chienquio iccondambi. Mibi piucquid bedshunnuen muaquin chiambo iccondambi. Nuquin Papan isquin tantianubi abimbo chuibanondambi.

Codinto 2 9:5

Mibi yacno isec nidambo icquimbi: Adquio icnushe, queshun utsiboba mibi yacno nidmembi. Aido mibi yacno nidshun mibëtambi mimbi ubi chiondacted sambededquin nainshun aidtedi mimbi dayun uatsiac. Ambo nidacsho mimbi aidtedi ubi menetsiac. Aid matses tantiaquin dadpen menenuna, quequin cudasenquiocquin mimbi meniac bëdambo ictsiash.

Doma 15:28

Aden meniac piucquid buanec nidendabi. Buanshun Edusaden yacnoshon Esus tantiaquido atona nibëdquido menebanash nidaid utsi Espania yacno nidquin mibitedi isbidanendambi.

Uanën dada uaid 15:16

Esusbëd icquid icnu ¿quequinda mimbembi tantiadionda? Padenquio. Umbien mibi: Cho, caondac. Utsibo tantiamequin ma nëidon ubi chuibennenu. Aden chuibanac utsibotsen ubëd tabadtequid yanendac, queshun mibi: Cho, caondambi. Aden umbi chiacpadombuen naquidën Nuquin Papa chuiquin: Min mado tantiaquid nebique. Ubi nashun, Papa, cac mimbi chiacpadombuen Nuquin Papan mibi nashunendac.

Codinto 2 11:16

Padpidembuen chuinu. Tantia. ¿Mamënmenuec tantiesa onquiacbimbuendambi umbi naid chuibandio? Utsin aden chuibansho tantianu ¿quepecta mibi ictsia? Adquid tantienquioctsiambi, quebuedi umbi chieshtoenquio icquin nabanaid chuisho tantiata.

Udas 1:11

Aido cuidtequido icsho tantiac uënësquioshë iquec. Cain campidbimbuecquid aido nec. Nuquin Papan Chiaid niacniacquin abi bunaid naiqui icsaic. Aido piucquid dadpen bedteuidi bunquido yec Badan caidbimbuecquido nec. Adembidi Nuquin Papan Ambi Chiaid niacniacsho Code uënësmepampic.

Petedo 2 2:3

Muaquidon chuisho tantienda. Aidon piucquid cumapenec bunquin aid dadpen bedquimbi ambembi chiaidquio mibitedi chiec. Muasho tantiashun ambi ëndenquimboshë tantiampicpadombuen aido cumapenen Nuquin Papan cuidtequidombo nendac.

Timoteo 1 3:3

Tantiadennuen acte paë uaid aquenquio icquid nendac. Chushcanante bunenquiocquid yec niunnanenquio yec badedquio nëishenquio icquid nendac. Bëdambuec tabadquid nendac. Piucquid bedteuidi bunenquio icquid nendac.

Pidipos 1:11

Adec mibitedi Esuquidistu tantiec bëdambuec tabadsho isash: Bëdambocquido nec, quetsiash utsibo. Adash: Aido bëdambuec tabadmequid yec Nuquin Papa bëdamboshëcquid nec, quendac, quequin mibitedi tantiaquin Nuquin Papa chiannembi.

Petedo 2 2:15

Bënnudash capuacbimbuen Nuquin Papan Chiaid niacniaquec icsambuen nateuidi bunec. Ëndenquimboshë matses utsi Bosod caidën mado Badan caid utsibon papa caid utsin utsinquien oncamiaid iquequi piucquid dadpen bedte bunquin icsambuen napampic.

Timoteo 1 6:10

Adec piucquid natiambo bunquidon aid bednuen baded badedquien icsambuen nadednendac. Adquido: Esus tantiembi, quebuedobi padenquio yanash natiec tabadendac.