Pidipos 3:16 - El Nuevo Testamento en matsés

¹⁶ Nëbi Nuquin Papan tantiamiacpadec nuquitedi bëdambuec tabadnuna.

Pidipos 3:16 Referans Kwoze

Codosas 2:6

Adecbidi: Esuquidistu Cun Icbo nec, quequin aid tantiabenash aidën chiacpaden nabanec bëdambuec tabadta.

Esusën Uan ismiaid 3:3

Mimbi umbi naid chuibansho tantiabenondacpadombuen ubi padpiden tantiabenuata. Bëshunenda. Nëbi mibi icsaid ënshun umbi chiacpadombuen nauata. Isucunenquio yacbimbuen ubi padpiden tantienquio icshoembi mibi cuidendac. Ampequid choec, quequin tantienquio yacbimbuen tantienquio icsho mibi cuidtsiambique. Ubi tantiaquiota.

Cadasia 6:16

Umbi aden chuisho tantiash: Abimbo mimbi caic, quiash bëdambuec tabadsho Nuquin Papan: Cun matsesquio nec, caindac. Aido Nuquin Papan bëdambuen isquin cuidenquio iquendac. Isadaidbobëta isadaidpembo adotsiash.

Doma 15:5

Nuquin Papauidtsëqui nuqui chieshtomenquio icquin bëdambo icmequin dayacquio icmequid nec. Aidën namiac ma utsibobëd Esuquidistun nanëdacpadquiec mibitedi bëdambuec tabadquid icpanuna, quequin tantiembi.

Pidipos 4:2

Tantia. Ebodiabëta Sintique chuinu. Amicananenda. Esus tantiaquid yec: Nuquin Icbo Esusën chiacpadomboen naic bëdambuec tabadnuna, cananec bëdambuec tabadta.

Pidipos 2:2

Adquidbidi nebi, quequin tantiec utsibobëd tantianancuededta. Ubi cuishoncamenuec adec tabadta. Mibitedi tantiananec: Nadombuen nabannuna, quequin abentsëcshun tantiacbimbuen tantiec bëdambuec tabadta.

Pidipos 1:27

Naden mibitedi chuinu: Esuquidistun chiacpadec chieshtoenquio yec bëdambuec tabadta. Mibi yacno nidshun bëdambuec tabadsho isash: Umbi Esuquidistun naid chuibanac tantiabenondaido nec, quetsiabi. Adembidi mibitedi istanquidon mimbi naid chiec: Chieshtoenquio icquin Esus tantiec abentsëc yacbimbuec bëdambuec tabadosh. Adecbidi chieshtoenquioquin Esusën naid chuibansho tantiec bëdambuec tabadosh, quequin chuisho tantiate bunebi.

Doma 12:16

Utsibobëd tsidadash chieshënnanenquio yec bëdambuec tabadta. Ubiuidtsëqui bëdambocquid nebi, quenquio yec utsibobëd bëdambuec tabadta. Utsibon tantienquio icnuc ubentsëqui bëdambuen tantiaquidquio nebi, quenda.

Cadasia 5:7

Mibitedi: Aid bedembi, quiash aiduidtsëqui tantiec titinquiacbimbuen mimbi Esusquio tantiondac. Adquid icsho ¿tsuntsin: Aid tantienda, cac Esus tantienquio yano?

Codosas 4:2

Esuquidistu tantiaquido icquin Mayan Icsa Satanasën chieshtomenushe, queshun ënenquiocquin Nuquin Papa chianneta. Aden chianniac Nuquin Papan nasho issun: Mimbi naid bëdambo iquec, Papa, quequin Nuquin Papa chianneta.