Pidipos 3:15 - El Nuevo Testamento en matsés

¹⁵ Nuquin Papan chiacpadombuen natiadquio iquebi, quequin umbi chuibocpadombuen mimbi tantiatsiac. Utsien aidën chiaid abitedi nainquio icquin: Abentse abentsen naimbi, quesho Nuquin Papan ambi tantiacpadombuen mibitedi bëdambuen tantiametsiash.

Pidipos 3:15 Referans Kwoze

Uanën dada uaid 7:17

Nuquin Papan chiacpadombuen nate bunquidën bëdambuen tantiatsiash. Umbi Nuquin Papan Chiaid chuisho tantiash: Nuquin Papan Chiaidquio chiec nec, quequin tantiatsiash. Umbi ambembi chuisho tantiash: Nuquin Papan Chiaidpenquio chiec nec, quequin abimbo tantiatsiash.

Cadasia 5:10

Nuquin Icbo Esusën tantiamiac umbi chuibanondaid tantiaquin: Esus bëdambuen tantiatsiash, quequin mibitedi chiec nebi. Mibitedi mua uaquin chuiquid Nuquin Papan cuidendac. Nëid chuiquid tapa neque cuidtiapimbo iquebi, quenquio icquin cuidendac.

Codinto 1 2:6

Padnuembi Esus tantiaquidquio icsho: Ma udictsëc tantiabennu, quequin bëdambuen tantiaquioquin chuibanendac. Esus tantiesabon: Umbi tantiaid dadpen tantiamenu, quequin chuibanacpadombuen chienquio iquembi. Adembidi chuiquid tapabon chiacpadombuen chienquio iquembi. Aidon chiaid nibëdanendac.

Codosas 4:12

Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.

Codinto 1 14:20

Cun utsibo, mibitedi bacuëbon tantiacpaden tantiec tabadenda. Bacuëbo tantiabenabictsëcquidën icsambuen naid tantienquio yacbimbuec tabadta. Adec tabadquin caniaidën tantiacpaden bëdambuen naic tabadquin ismeta.

Mateo 5:48

Abuc tabadquid Nuquin Papabimbuec bëdambocquid icta. Bëdambo icquidobëta icsambo icquidobi Nuquin Papan bëdambuen isquin tantiacpadombuembidi utsibotsen tantiata, quepanëdash Esus.

Ebedeo 5:14

Padnuen caniaidën petembo piacbimbuen bëdambuen tantiendac. Adquidën: Naden nac bëdambo ictsiash. Naden nac icsambo ictsiash, quequin tantiaquidquio nendac.

Codosas 1:28

Aden ubi padquidobëtan Esuquidistu chuibenniac aid tantiaquid yansho issun: Esuquidistu tantiec bëdambuec tabadtedneta, quequin Nuquin Papan tantiamiacpadombuen chuibennec nebi. Abi yacno chosho Esuspadquid icmequin ambi bëdambuen isaido ma Nuquin Papan iuednu, queshun chuibennequid nebi.

Doma 15:1

Tantia. Chuinu. Esus tantiaquidquio icquin Esus tantiabentsëcquid chieshënenquio icquin bëdambuen isnuna. Aid tantiaquin nashunquin nuqui bunaiduidi nainquio icnuna.

Ducas 11:13

Mibitedi icsambuen naquido icquimbi min bacuë tantiaquin bëdambocquid menequid mibi nec. Adquid icnuc Nuquin Papa icsaisambo abuc tabadquid icquin: Min Mayan Bëdamboshëcquid ubi mene, quequin abi chuisho tantiashun mibi menendac, quepanëdash Esus.

Uan 1 2:5

Padnuen Nuquin Papan chiacpadombuen nabanquidën naden tantiec: Nuquin Papa tantiaquidquio yec tantiananquiec aidbëd abentsëc yacbimbuec tabadquid nebi, quequin abimbo tantiendac.

Timoteo 2 3:17

Nuquin Papan: Ma umbi namiaidon umbi chiaidquio isban isbanquin Esus tantiaquin matses nashunec ma bëdambuen naic tabadnu, quequin Ambi Chiaidquio dada uamepampic.

Uanën dada uaid 6:45

Aden ubi tantiate chuiquin Nuquin Papan Ambi oncamiaido chuiquin dada uampid nad iquec: Matses abitedi Nuquin Papan tantiamendac, quequin chuipampic. Adquid icnuc aidën chiampid tantiashun matsesën ubi tantiabenendac.

Epeso 1:17

Nuquin Papa Nuquin Icbo Esuquidistun Papa bëdamboshëcquid icsho naden chiannembi. Mimbi aido Min Mayan meniaidën ma bëdambuen tantiamepanuna. Aden tantiamiaido icquin: Nadquio Nuquin Papa iquec, quequin ma abimbo tantiapanu, quequin mibitedi tantiaquin Nuquin Papa chiannembi.

Tesadonica 1 4:9

Bëdambuec tantiananta, quequin chuiquin padpiden dada uainquio iquembi. Nuquin Papambi tantiamiac Esus tantiaquido yec utsibobëd mibitedi tantiananendac.