Pidipos 3:12 - El Nuevo Testamento en matsés

¹² Tantia, cun utsibo, mibitedi chuinu. Nuquin Papan Chiaid niaquesambo nebi ¿quectabi ique? Abitedimbo tantiabenombi, ¿quectabi ique? Padenquio. Aden tantienquio yec abipadquid bëdamboshë icmenuen abided cuidadquid icquin Esuquidistun tantiamiondashi, quequin aid tantiec bëdamboshë icte bunquiebi.

Pidipos 3:12 Referans Kwoze

Codinto 2 7:1

Tantia, cun utsibo. Umbi tantiaido icsho mibi chuinu. Nuquin Papan: Naden naindambi, quequin chuiquin dada uamiampid isash nadnuna. Nuqui icsambuen naidbëtabi nuqui icsambuen tantiaid ënnuna. Icsamane, queshun Nuquin Papa dacuëdampambocquid icsho aid tantiaquin aidën chiacpadombuen nabanec bëdambuec tabadtembo tantianuna.

Ebedeo 13:21

Aden abi tantiaquido icsho Esusën nëish iua obeca dayun uacbimbuen dayun uaquin Nuquin Papan ambi tantiacpadombuen bëdamboshëcquiduidquio icmendac. Adoac Nuquin Papa bunacpadombuen ma napanuna. Adembidi abi bunacpadombuen ma icmepanuna, queshun Esuquidistunuidtsëqui nac. Esuquidistu bëdamboshëcquidquio yec nibëdantiapimbocquid nec, quequin ënenquio icquin chiannenuna. Amen.

Epeso 1:4

Ëndenquimbo abitedi uabi yequi Nuquin Papa nadpampic nuquitedi caic: Nëidtedquio Esuquidistu tantiaquido icsho Umbi: Cun matses nec, caido icsho icsambuen naisabimbuecnuc bëdambuen isendambi, quequin Nuquin Papan tantiapampic. Aden nuquitedi tantiaquioquin

Pidipos 3:16

Nëbi Nuquin Papan tantiamiacpadec nuquitedi bëdambuec tabadnuna.

Petedo 2 3:18

Aid tantiasho nuqui bëdambuen isec, quequin Nuquin Icbo Esuquidistu tantiabenshun ambi chiaid daëdpactsëc tantiabuedi dadpen tantiabenash tabadquin Esus tantiaquionona. Adshun: Nibëdantiapimboquid yec Mibi Bëdamboshëcquid nec, canuna ënenquio icquin. Amen. Aidted chuiquin dada uaombi.

Santiaco 3:2

Nuquitedi icsa uatanquido nendac. ¿Tsutsi bëdambuecuidi onquequid icpatsiash? Utsi icsambuen chuishunesa icsambuen naisa ictsiash. Adquid abibi datantiadquin icsambuen chiec onquenquiocquid iquendac.

Ebedeo 12:14

Umbi aden chiaid tantiec utsibobëd chushcananenquio yec bëdambuec tabadta. Aden Nuquin Papan chiacpadombuen nanuna. Aidën chiaid niaquec tabadquin Nuquin Icbo bëisenquio nuqui ictsiandac.

Cadasia 5:17

Mibi icsate bunaid naic Nuquin Papan Mayanën tantiamiacpadec bëdambuec tabadtiapimbo mibi ictsiac. Nuquin Papan Mayanën tantiamiacpadombuen naic tabadquin mibi icsate bunaid mimbi nainquio ictsiac. Adquid icquin mibi bunacpadombuen nabantiapimbo mibitedi iquendac.

Petedo 1 5:10

Aden utsibon chieshënquin natiamiaido yec iuec iuecpactsëc mibitedi mëyadec tabadendac. Adec tabadsho Nuquin Papan bëdamboshëcquid icmequin dayacquiocquid yacbimbuecnuc chieshtoenquio icquid mibi icmendac. Adembidi nuqui tantiaquidquio icquin ambi Esus tantiamiaido icsho abi yacno buanshun nuqui bëdamboshëcquid icmiac ënëdenquio yec Esuquidistubëd daëdash abentsëc yacbimbuecnuc tabadmendac.

Tesadonica 2 2:13

Tantia, cun utsibo. Nuquin Icbon tantiaidombo icsho mibitedi naden chuinu: Ëndenquimboshë matses uabi yequi Nuquin Papa nuqui caic: Ubi yacno tabadmenuen Esus tantiameshun aido bëdambo icmendambi, quepampic. Adshumbic ambi chiampicpadombuen aton Mayanën tantiamiac Nuquin Papan Chiaidquio tantiash Esus tantiec mibi bëdambuec tabadcuenondac. Abi bëdambuec tabadosh, quesho tantiashun Nuquin Papa naden chiannembi: Aden aido bëdambuen namequid yec mibi bëdamboshë iquec, Papa, quequin chiannembi mibitedi tantiaquin.

Epeso 4:12

Aden Ubi tantiaquidtedi ma chieshtoenquio yec bëdambuec tabadec nashunnanquid icmenu, quequin Esuquidistun ambi tantiacpadombuen adquido icmebanac.

Codinto 2 13:9

Utsibon: Bëdambuen chuibanquidpenquio nec, ubi canubi: Mibi bëdambuec tabadsho isash bëdambo iquebi, quec tsadtsiabi. Mibi tantiaquin: Codinto yacnocquido icsambuen nainquio yec bëdambuec tabadquiduidquio icmeta, quequin ënenquio icquin Nuquin Papa chiannembi.

Codinto 1 13:10

Padnuen isaisambocquid yec bëdamboshëcquid chonoc nuqui abitedi tantiabi icbued ënëdendac.

Tesadonica 1 5:15

Utsin icsambuen chuishunquin chieshënac cuidnante bunsho: Padi. Esus tantiaquid adesa neque. Bëdambuec tabadnuna, cata. Mibëtan Esus tantiaquidobëd bëdambuec isnanquin utsibotsen bëdambuen ista.

Timoteo 1 6:19

Aden naic tabadsho: Mimbi bëdambuen naoque. Ubëdi tabadmequin mibi bëdambo icmendambi, Nuquin Papa camenuen adota. Adash uënësacsho Nuquin Papan abëdi mibi tabadmendac padpidec uënëstiapimbo icnuc, quequin atona dadpen dayun uaquid chuita.

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Timoteo 1 5:10

Matses nashunquidquio nec, utsibon cadenned. Aton bacuë bëdambuen caniuadenned. Isedanquido aton shubu yacno chosho bëdambuen isquin nashundenned. Esus tantiaquido tantiaquin acten tapandenned. Matses daicsabudaidbëta nënquido natiamiaido nashundenned. Adec bëdambuec tabadtenned icsho issun: Ma Esus tantiaquidon nashunnu, cata.

Ebedeo 12:23

Adec tabadnuc abi yacno choash Esus tantiaquidotedi Nuquin Papan: Cun bacuë bëyucquido nec, quequin tantiaquiacbimbuen tantiaidombo yec abi yacno iccuededquido isec anoentsëqui choacbimbuecquido mibi nec. Aido Nuquin Papa yacnoshon abi cuëmëdquid dada uac. Adembidi Nuquin Papa abitedishun naid tantiaquid icquin: Nëid bëdambuen naquid nec. Nëid icsambuen naquid nec, caquid yacno choacbimbuecquido mibi nec. Adecbidi abi tantiaquid bëdambocquido ënden uënësaido Nuquin Papan bëdambuec tabadquidouidquio icmiaido yacno choacbimbuecquido mibi nec.

Mateo 5:48

Abuc tabadquid Nuquin Papabimbuec bëdambocquid icta. Bëdambo icquidobëta icsambo icquidobi Nuquin Papan bëdambuen isquin tantiacpadombuembidi utsibotsen tantiata, quepanëdash Esus.

Doma 8:39

abuc nidacsho cuëshëdmenquio icquinc, nidaid ëquëducquio nidacsho cuëshëdmenquio icquinc, Nuquin Papan uaid utsi abitedishun cuëshëdmenquio icquinc nuqui caindac. Nuquin Papan nuquitedi bëdambuen tantiaido icsho ënenquio icquin Nuquin Icbo Esuquidistun nuquitedi cuëshëdmenquio iquendac.

Codinto 1 9:24

Mibitedishun naden tantiec. Titincametequid icnuc abitedi titinquecuededec abentsëc abia bëyuc choquid icsho issun bëdamboshëcquid menendac. Adquid icnuc nuquitedi titinquequido yacbimbuen: Esuquidistu tantiaquid Nuquin Papan bëdamboshëcquid ubi menetequid iquec, quiash bëdambuec tabadnuna.

Codinto 1 13:12

Nëbi isnanten bëisadquin isac isadentsëcquio yacbimbuen Nuquin Papa nuquitedi bëdiactsëc tantiatsec. Iuecshun Nuquin Papambo nuquitedi bëistuidendac. Aid tantiaquin isenquiocquimbi nëbi Ambi Chiaid tantiembi. Aden tantiabuedi uëshë utsimbi ambi ubi tantiamebocpadombuembidi Nuquin Papa bëistuidquin tantiendambi.

Pidipos 1:1

Esuquidistun iuambo Pabado nebi. Aidën iuabidi Timoteo ubëd iquec. Aidbëtan shubu dadpen icquid Pidipos yacnoshon Esus tantiaquido icsho mibitedi tantiembi, quequin dada uaimbi. Nuquin Papa tantiaquido yec Esuquidistubëd daëdash abentsëc yacbimbuecquido mibitedi nec. Adembidi chuiquid tapabobëta mibi nashunquido tantiembi.

Pidipos 3:3

Shui dëbid dëtemequidbimbuecquido yec nuquitedi Esus tantiaquidombo nec. Adquido icsho aton Mayanën tantiamiac Nuquin Papa tantiaquido nuqui nec. Adash: Esuquidistuna nebi, quiash nuquitedi cuishonquendac. Aden tantiaquid icquin: Shui dëbid dëtemequin Nuquin Papa bëdambuen ismembi, quetiapimbo nuqui iquec.

Pidipos 3:8

Nëbi Cun Icbombo Esuquidistu tantiec bëdambo iquebi, quequin tantiembi. Aiduidtsëqui tantiate bunquin icsa sandoshon secacbimbuen umbi tantiacpadombuen nabanaidtedi ënondambi.