Pidipos 2:17 - El Nuevo Testamento en matsés

¹⁷ Bëdambo mibi iquec, Nuquin Papan mabi canu, queshun Esus tantiaquin bëdambuen nabanta. Utsibo nashunquin chieshtoenquio icquin chuibanta. Aden bëdambo nuadtequid Nuquin Papa shëdmiacbimbuen mimbi chuibanaid chuisho tantiec tsadsho ubi caic: Cuessunnenu, cac bëdambo ictsiabi. Aido bëdambo iquec, quiash mibitedi tantiec ubi cuishonquenubi adecbidi cuishonqueta.

Pidipos 2:17 Referans Kwoze

Timoteo 2 4:6

Tantia. Chuinu, mado. Nuquin Papan tantiacpadën Nuquin Papa ismequin nëish iua pichicacbimbuec ubi uënëste uëshë nëbi yanec.

Doma 15:16

Nuquin Papan adquid icmiac Esuquidistun naid chuibennequidquio icquin matses utsibo nashunquin aidën bëdambuen iste chuibenniombi. Adoac Nuquin Papa ismequin nuadte bëda pichicacbimbuecquido icsho Nuquin Papan Mayan Bëdan aido bëdambuen tabadmendac.

Codinto 2 12:15

Adembidi mibitedi tantiec: Ma Esuquidistu tantiaquidombo yampanu, quec chonoadbudec tsësiobudquimbi chuibanendambi. ¿Umbi tantiaidonquiobida mibitedishun ubi tantienquio icpe?

Codosas 1:24

Nëbi mibitedi tantiaquin Esus chuibansho natiamequin mëyanondashi, quec cuishonquec bëdambo iquebi. Ambia chuibansho matsesën Esuquidistu mëyampanëdash. Nëbi Esus tantiaquido mëyantebidi iquendac, quequin Nuquin Papan tantiacpadombuen Esus natiamequin mëyannëdacbimbuen mëyanondashi, quec bëdambo iquebi.

Pidipos 1:20

Aid tantiec dacuëdenquio yanshun abi tantiasho Nuquin Papan icsambuen namenquio icquin bëdambuen isec. Umbi naondacpadombuen dacuëdenquio icquin Esusën naid chuibante bunec chieshtotiapimbo iquebi. Ma utsibon: Esuquidistu bëdambo iquec, canu, quiash uënësabi yec chieshtotiapimbo iquebi.

Codinto 2 7:4

Mibitedi caic: Mimbi chiacpaden nainquio icbuedëmbi nabanosh, quequin choquidën chioshi. Aden chuisho tantiashun: Nuquin Papan chiacpaden nabanquidquio aido nec, quequin utsibo chuibanembi. Adash uënësquio icbuedi mimbi naid tantiash bëdamboshë iquebi. Utsibon natiamiaid icshobi mibitedishun dayacquio icmequin ubi bëdambo icmioc.

Uan 1 3:16

Adquid icnuc utsibobëd tantiananec tabadte nuqui tantiec. Esuquidistu nuquitedi tantiaquiec abided cuidadec uënëspanëdash. Adecbidi nuquibëtan Esus tantiaquido caic: Cuessunnenu, casho issun: Padi, ubiquien cuessunne, canuna.

Doma 12:1

Tantia, cun utsibo, Nuquin Papan cuidte bunenquio icquin bëdambuen isaido icsho mibitedi chuinu. Abi bunaidquio obeca bëdambocquid pichicaquin ismiacbimbuen: Umbi nate bunaid nainquiocquin mimbi nate bunaid bunebi, Icbo, quequin Nuquin Papa chianneta. Aden chiannec Esus tantiec iccuededtequid nendac.

Petedo 1 2:5

Aden Esus tantiaquido yec buintad tsasimbocquid yacbimbuecquido mibitedi nec. Adquid icsho Nuquin Papan aton shubun tabadtequido mibitedi icmendac. Adoac: Nuquin Papa bëdamboshë iqueque. Aidën chiacpadombuenuidi nate bunebi, queshun Esuquidistu uidtsëqui tantiec bëdambuec tabadquid mibi yanendac. Adsho isash nuadte bëda pichicasho shëdacbimbuec: Bëdambo iquec, quependac Nuquin Papa.

Tesadonica 1 2:8

Mibitedi tantiaquioquin Nuquin Papan Chiaid Bëda chuibanec iuec mibëd tabadondabi. Aden umbi chuibanaido icsho utsibon mibi chieshënquin: Cuessunnenu: casho tantiash: Ubiquien na, quetsenondabi.

Pidipos 4:18

Utsi utsien bedshumbenneshun mimbi bëmiaid Epapadoditon bëacsho bedondambi. Aidtedi bedash bëdambo iquebi. Nuquin Papa bëdambo iquec, camenuen nuadte bëda bëdambo nuadnuc pichicacbimbuen mimbi bëmiaccondac.

Pidipos 2:30

Esuquidistun chiacpadombuen naic ubëdi tabadec choash ubi nashunec nëncuenash Epapadodito uënëstsenosh. Chotiapimbo icquin mimbi: Nashuntan, cac choash nibëdantsenoshe. Mibi yacno nidacsho bëdambuen ista.

Hechos 21:13

Adoaquien Pabado: ¿Atotsi quiash shubiquin ubi uënësquio icme? Edusaden yacno nidshun Nuquin Icbo Esusën naid chuibansho bedquin taneshun ubi cuessunnetsiash, quequin tantiaquimbi abi Esus chuibanembi, quepondash.

Hechos 20:24

Aden Nuquin Papan Mayan Bëdan chuisho tantiashi: Cuessunnenushe, quenquio yec niduaibi. Esuquidistun: Ubi chuibenneta, cacpaden naimbudquin utsi utsiec yacno nidshun: Esus tantiasho Ambi tantiaid yec Nuquin Papabëd tabadte iquec, quequin Chiaid Bëda chuibanembi.

Codinto 2 6:10

Uënësquio icmiaqui bëdambo iquebi. Cuna nibëdnubi: Ma Esuquidistu tantiaquido utsibo dadpen icnu, queshun chuibanec bëdambo iquebi. Cuna nibëdec, quiashic: Nuquin Papa yacno abitedi cuna nec, quequin tantiec bëdambo iquebi.

Pidipos 2:18

Adec cuishonquec ubëd cuishonquequiota.

Codinto 2 4:12

Aden chieshënquin mëyanac uënëstsenshumbi abi Esus chuibanquid nebi. Aden chuibanac Esus tantiabenec chuca uaid yanash aidbëd ënëdtiapimbo yec tabadtequid mibitedi nendac.