Pidipos 2:15 - El Nuevo Testamento en matsés

¹⁵ Esus tantiaquido icsambo iquec, utsibo quenushe. Adenda. Nuquin Papan: Cun mado nec, cun champi nec, caido yec bëdambuec tabadta. Matses dadpenquio abi icsate bunacpadequi icsamboshëcquido icnubi adequi bëdambuec tabadta. Adec tabadquin icsambo icquido mimbi Esus tantiametsiac paposhquiacbimbuecnuc. Aden nabanec mibitedi bëdambuec tabadendac.

Pidipos 2:15 Referans Kwoze

Petedo 1 2:12

Nuquin Papa tantiesabobëd bëdambuec tabadta. Ma aidontsen: Tantiabennu, quiash adta. Adec mibitedi bëdambuec tabadsho issun mibi chieshënquin icsambuen chuishumbuedombi Nuquin Papa tantiabenshun naden chiendac: Papa, Mimbi tantiamiaido bëdambuec tabadsho issun mibi tantiabenombi, quequin Nuquin Papan matses abitedi chuimequin cuidte uëshëmbi aden chiendac.

Mateo 5:45

Aden chiannesho tantiec Nuquin Papa abuc tsadquidën: Cun mado nec. Cun champi nec, caido mibitedi iquendac. ¿Bëdambo icquido yacnouidtsëquida Nuquin Papan uëshë chëncamepadic? Padenquio. Icsambo icquido yacnotsen uëshë chëncamec. ¿Bëdambo icquido yacnouidtsëquida ue chomepadic? Padenquio. Icsambo icquido yacnotsen ue chomec.

Tesadonica 1 5:23

Mibitedi tantiaquin Nuquin Papa naden chiannembi. Bëdambuec tabadmianquid icquin mimbi chiacpadombuen naic bëdambuec tabadquid icme. Adembidi aton tantiate yec aton mayan yec aton dada yec quenuc bëdambo icmequin bëdambuen dayun ua, Papa. Adoacsho Cun Icbo Esuquidistu choshon aido bëdambouidquio icsho istuidendac, quequin chiannembi.

Petedo 2 3:14

Tantia, cun utsibo. Umbi tantiaido icsho mibitedi chuinu. Choshon abi yacno buanshun Esusën nuqui abëdi tabadmendac, quiash chieshtoenquio iquec bëdambuec tabadta. Choshon Esusën: Mibi icsambocquid nec, canushe. Nuquin Papan Chiaid niaquenquio yec tabadta.

Codinto 1 1:8

Aden tantiamiac bëdambuec tabadsho utsibon: Icsambuec tabadquido nec, catiapimbo iquec. Adquid icsho Nuquin Papan Nuquin Icbo Esuquidistu chouacnobi cuëscaquin mibitedi chieshtoenquiocquid icmendac.

Tito 2:10

Adembidi: Mibi iuaquidëna ampenquio icquin bëdambuen dayun uaquin nashunquin ismeta. Aden Esuquidistu tantiaquin nabansho isash mibi iuaquid: Cun iua Esuquidistu tantiaquid yec bëdambo yanac. Cun iua bëdambo icmequidën chiaid tantianu, quendac mibi iuaquid, quequin chuibanta, Tito.

Petedo 1 2:9

Padnuen mibitedi Nuquin Papan: Cun matses nec, caido nec. Adquid icquin Nuquin Papa bëdambuen ismenuen nëish iua pichicaquidbimbuecquido mibitedi nec. Nuquin Papan chiacpadombuenuidi nate bunebi, quequin aid nashunquin: Nadquio Nuquin Papa iquec, quequin chuiquido mibi nec. Adquido yec Nuquin Papan iuabo mibitedi nec. Adquid icsho Ambi: Cun matses caido yec bëdamboshëcquido nec. Ënden Nuquin Papa tantiesa yec icsamboshë iccondaidi nëbi: Nuquin Papa bëdamboshë iquec, quequin paposhquiacbimbuecnuc tantiamequin mibitedi abi chuibanquido icmepondash.

Mateo 5:48

Abuc tabadquid Nuquin Papabimbuec bëdambocquid icta. Bëdambo icquidobëta icsambo icquidobi Nuquin Papan bëdambuen isquin tantiacpadombuembidi utsibotsen tantiata, quepanëdash Esus.

Timoteo 1 3:10

Esus tantiaquido nashunquid icmenuen: Nëidtedec ushquin: ¿Ada bëdambuen naique? Isnu, queshun istedneta. Adshumbic: ¿Ada bëdambo iccosh? quequin chiac utsibo: Ai, bëdambocquid nec, abitedi quesho tantiashun: Esus tantiaquido nashunquid icta, cac bëdambo ictsiash.

Timoteo 1 3:2

Adshumbic: Nuquin Papan Chiaid chuibanquid nadquid nec, quequin chuita. Icsambuen nainquio yec bëdambuec tabadquid nec, utsibon caidquio Nuquin Papan Chiaid chuibanquid nendac. Adquid chido abentsëc inquid nendac. Ambi icsambuen nate bunaid ënash bëdambuec tabadquid nendac. Bëdambuen tantiaquidquio yec bëdambuec tabadquid nec, utsibon caidquio nendac. Isedanquido bëdambuen isquin iuedshun aton shubun ushmequid nendac. Nuquin Papan Chiaid bëdambuen tantiamequin chuibanquid nendac.

Pidipos 1:10

Aden tantiamiac: Nadec tabadec bëdambo ictsiabi. Adec tabadenquio yec icsambo ictsiabi, quequin bëdambuen tantiendac. Aden tantiaquid yec chieshtoenquio icquin Esus tantiec bëdambuec tabadendac. Adec tabadnubi abi chote uëshën choshon Esuquidistun: Bëdambuec mibi tabadoc, mibi caindac.

Epeso 5:27

Esuquidistun abi yacno tabadmenuen abi tantiaquido abibimbuecnuc bëchish nibëdquid ushumbo yacbimbuecnuc icmiac bëdamboshëcquid iquendac. Adshun icsambuen nainquio yec bëdambuec tabadquid iquendac.

Doma 16:19

Mibitedi caic: Esus tantiec aidën chiacpadec bëdambuec tabadosh, quequin mimbi naid chuibededsho dadpenshun tantiac caosh. Adsho tantiash bëdambo yec cuishonquebi. Aden tantiaquidquio yanash icsambuen nainquio yec bëdambuec ma mibitedi tabadpanuna.

Hechos 2:40

Aden iuen bëdambuen chuibanequi: Nuquin matses isadaidbo Esus tantiesabo icnubi mimbi icsambuen naid ënash Esus tantiaquidquio icta, quequin chuibudquin Petedon ëmpanëdash.

Mateo 10:16

Adshumbic padpiden chuiuaic: Nëbi mibitedi nidmembique. Umbi naid chuibenneta. Aden chuibennequido icsho utsin utsinquien mibitedi chieshënendac. Bëdi obeca iuaid pete bunacbimbuec chieshëmënquido dadpen iqueque. Aidobëd chieshënnanenda. Nisi isisquiec tsadacbimbuecquid icta. Adecbidi dëbimbimbuec bëdambocquid icta.

Ebedeo 7:26

Aden nuqui bëdambuen ismequid chuiquid tapa uënësenquio ictequid Esus adquid yanan nuqui bëdamboshë iquec. Aidi bëdamboshëcquid icquin icsambuen naisambo nec. Matses icsambuen naquido nibëdacno Nuquin Papa yacnoshon abitedishun: Cun Icbombo yec mibi bëdamboshëcquid nec, capec.

Tito 2:15

Umbi chuibuedtedi chuibanquin tantiameta. Mimbia tantiaquid icquin: Umbi chiacpadombuen nabanec tabadtedneta, quequin Quedetabo chuibanuata. Mimbi chiacpadombuen nainquiocsho issun: Aden naic tabadenda, quequin chuibanuata. Adec bëdambuec tabadquin bëdambuen chuibansho issun utsibon mibi icsambuen chuishuntiapimbo iquendac.

Tito 1:6

Mimbi Esuquidistu tantiaquid utsibo isbanquin bëdambuen tabadmequin chuibanquid icta, caid nadquio icquid, quequin chuita, Tito. Bëdambuec tabadquin ismequid icta. Adecbidi chido abentsëc inquid icta. Min bacuëbobëdi Esuquidistu tantiaquido icta. Adquidën bacuëbo bëdambuec tabadquin aton papan chiaidbëta aton titan chiaid niaquenquio icquin bëdambuen nabanquid, quequin chuita.

Timoteo 1 5:20

Esus chuibanquidën Nuquin Papan Chiaid niacacsho: Nuquin Papan Chiaid niacquin mimbi icsambuen naoc. Aden nainda, cata. Esus tantiaquido dadpenshun tantianubi aden chushcata. Aden chuisho tantiash dacuëdec: Ubitsen adembidi chushcapanundac, queshun ma utsibon Nuquin Papan Chiaid niaquenquio icnu, queshun chuita.

Hechos 20:30

Adembidi mibëd iccuededquidëmbi utsin utsinquien Nuquin Papan Chiaid abimbo chiacbimbuen muaquin chuibanendac. Esus tantiaquidon chuiquidquio icnu, quequin adoendac.

Ducas 6:35

Tantia. Mibitedi chuinu. Mibi chieshënquidobi tantiaquin bëdambuen nashunta. Adembidi: Mitsana bec cho, quesho: Iuecshun aidpadquid ubi meneuata, quenquio icquin meneta. Mimbi adosho issun Nuquin Papan bëdambuen isquin bëdamboshëcquid mibi menendac. Ambi icsambuen naquidobi nashunacpadombuen nashunsho issun mibitedi Nuquin Papan: Cun mado nec. Cun champi nec, caindac.

Mateo 17:17

Esusën abëd icquidobëta ambo icquidotedi naden chuipondash: Umbi nadatiambo icquin nabanquin dadpen ismiaqui mimbi ubi tantienquio iquec. Icsambuen tantiaquid yec icsambuec tabadquido mibitedi nec. Mibitedishun tantienquiocsho isash ¿tedectsibi mibëd icpe? ¿Mitsipadombuembimbi chieshtoenquio icquin mibi chuibudpe? quetanquin: Min mado bec cho, capondash.

Esusën Uan ismiaid 3:9

Tantia. Mibi yacnoshon Mayan Icsa Satanasën tantiamiac: Isadaidbo nebi, quequin mibi mua uaquido yec Mayan Icsa Satanasën iuabo nendac. Umbimbo namiac mibi yacno chochosho mimbi chuibanendac. Adoac dannëshën tinquebudshun mibi chuiquin: Esusën tantiaidombo mibi nec, caindac.

Timoteo 1 5:14

Adquid niante machobudambo icquid dadan bedac bëdambo ictsiash, caimbi. Adoac bacuë tishuatsiash. Adshun aton shubun icquido nashuntsiash. Adec bëdambuec tabadsho issun: Icsambuen chuishunquin: Icsambocquid nec, Esus tantiesabon catiapimbo ictsiash.

Timoteo 1 5:7

Umbi aden niante nashunte chuibued Esus tantiaquido utsibotsen chuita, mado. Aton matses nibëdquid niante nashunenquio icsho: Esus tantiaquido icsambo iquec, utsibon canushe, queshun chuita.

Codinto 2 6:17

Nadembidi chuiquin Nuquin Icbon dada uamepampic: Ubi tantiesabobëd tabadenquio yec cuenta. Umbi: Mishtemaid nec, caid mishenda. Adec icsambuen nainquio yec tabad. Adquid: Ubëd iquec cho, caindambi.

Ducas 1:6

Aidi aton bënëbëdi Nuquin Papan Chiaid tantiaquin nabanquidquio icpanëdash. Adquid icsho Nuquin Papan bëdambuen isaidquio aid daëd icpanëdash.

Pidipos 3:6

Adquid icquin Moisesën chiampiduidi nate bunquin icsambo icquido danquin Esus tantiaquido cuessun secamete bunquiondabi. Aden nasho ubipadquid utsibon: Mimbi icsambuen naic, catiapimbo iccondashi.

Esusën Uan ismiaid 2:5

Aden umbi chuibued tantiash: Ai, abimbo caic. Aden icsambuen naiquini icsachitoc, queshun mimbi icsambuen naid ënshun tauambuen mimbi Nuquin Papabëta ubi tantiondacpadombuembidi ubi tantiabenuata. Adoenquio icshoembi mibi cuidquin tabote manitsintequid bedshunendac.