Pidipos 1:8 - El Nuevo Testamento en matsés

⁸ Esuquidistun tantiamiacpadombuen mibitedi tantiec: Aido uënësquio iquec, ubi quesho Nuquin Papan: Abimbo caic, quequin tantiec.

Pidipos 1:8 Referans Kwoze

Pidipos 4:1

Tantia, cun utsibo, umbi tantiaidquio icsho mibitedi chuinu. Mibi iste bunquiebi. Umbi chuibanac Esus tantiabensho isash bëdamboshëcquid meniacbimbuec cuishonquiondabi. Ubi yacpaden chieshtoenquio icquin Nuquin Icbo Esus tantiec bëdambuec tabadta.

Doma 1:9

Aden abi tantiaquidquio icquin umbi Ambi Chiaid Bëda aton Madon naid chuibennequin mibitedi ënenquio icquin tantiasho isash Nuquin Papa: Abimbo caic, quendac.

Timoteo 2 1:4

Ubi nidnu, quesho tantiash mibi shubiondaid tantiec mibi iste bunquiebi, mado. Mibi isec cuishonquetsiabi.

Tesadonica 1 2:8

Mibitedi tantiaquioquin Nuquin Papan Chiaid Bëda chuibanec iuec mibëd tabadondabi. Aden umbi chuibanaido icsho utsibon mibi chieshënquin: Cuessunnenu: casho tantiash: Ubiquien na, quetsenondabi.

Doma 9:1

Cun matses isadaidbo tantiaquid Nuquin Papa nec. Aden abi tantiaquid cun matsesën bëdambuen tantienquio iquec, quiash uënësquio yec shubitiadquio iquebi. Muainquio iquebi. Esuquidistu tantiaquid icsho Nuquin Papan Mayan Bëdan tantiamiaid icquin abimbo chiec nebi.

Pidemon 1:12

Aidi umbi tantiaidquio yec cun madobimbuecshobi mibi yacno nidmeuaimbique. Ubi chosho issun iuedacbimbuen bëdambuen isquin iuedta.

Codosas 2:1

Aden chuibanshun nadentsen chuinu. Tantia. Mibitedi tantiaquin Mayan Icsa Satanasën icsambuen namenushe, queshun cumapenec chonoadquin Nuquin Papa chiannembi. Adembidi Daudisea yacnocquido tantiaquin Nuquin Papa chiannembi. Adembidi utsi utsiec yacno iccuededquido umbi isacmaidobi tantiaquin Nuquin Papa chiannembi.

Cadasia 4:19

Cun bacuëbobimbuecquido icsho mibitedi tantiac uënësquio iquec. Anin paëmbo icnuc natiaquimbi aton bacuë tishacbimbuen natiaquin mibitedi tantiaquiembi. Esuquidistubimbuec icpashun, quequin tantiembi.

Cadasia 1:20

Umbi aden chuisho tantiash: Abimbo caic, quendac Nuquin Papa.

Codinto 2 7:15

Aid bëdambo iquec, queshun mibitedishun Tito iuedpanëdac. Aden iuedac: Naden nata, quequin umbi chiac cacuidanenquio icquin nabanosh, quequin Titon chioshi. Aidëmbi mibi bëdiactsëc tantiabuedëmbi mibitedi tantiaquiec.

Codinto 2 6:12

Mibitedi tantiaquioquin umbi tantiaidtedi chuibanquid ubi icnubi mimbi tantiaidtedi mimbi ubi chienquio iquec.

Ducas 1:78

Mibi oncamequid Nuquin Papan nuqui cuidte bunenquio icquin matses tantiaquid icquin badiadnuc uëshë chënquecunacbimbuecquid nuqui cuidmenquiocquid abucshun chomendac.

Uan 1 3:17

Aton piucquid dadpen icquidën abëtan Esuquidistu tantiaquidëna nibëdquiocsho isec: Cun utsi menenu, quenquio icquid Nuquin Papan matses tantiacpadombuen matses tantienquio icquid nec.

Pidemon 1:20

Tantia, cun utsi Pidemon. Umbi chuibocpadombuen ubi nashunta. Nuquin Icbo Esuquidistu tantiaquin Onesimo bëdambuen nashunta. Aden nashunquin Esusën namiacpaden mimbi ubi uënësquio icsho bëdambo icmendac.

Tesadonica 1 2:5

Umbi tantiacpadombuen mibitedi namenuen: Mibi bëdambo iquec, quequin chienquio iccondambi. Mibi piucquid bedshunnuen muaquin chiambo iccondambi. Nuquin Papan isquin tantianubi abimbo chuibanondambi.

Codosas 3:12

Nuquin Papan mibitedi tantiaquioquin: Nëid cun matses canu, quequin tantiamiaido yec nadec tabadta. Utsibo tantiec uënësquiocquin nashumbanta. Adecbidi: Mimbia bedan bedembi, quequid icta. Adecbidi: Mibia nashunnu, quequid icta. Utsi icsambuen naid ënmenuec cumapenec chushquenquio icquin bëdambuen chuita. Tantesa uasho issun badedquio chieshtoenquio icquin bëdambuen chuiquin tantiameta.

Pidipos 2:26

Aidi mibitedi padpiden iste bunec uënësquio yec tsadposh. Ubi nënec uënëstsembued cun matses chuinuec nidaccosh, quiash shubiantiadtsëcquio icposh.

Pidipos 2:1

Abi tantiasho Esuquidistun: Utsibo chieshtomenquio icquin bëdambuen nabanmeta, caid icquin utsibobëd tantiananquin nabanquin dayacquio icmendac. Adecbidi mibitedi tantiananquin dayacquio icmiaid icquin natiamiaid utsibo icsho bëdambo icmendac. Adembidi Nuquin Papan aton Mayan abëd icmequin bëdambuec tabadquid icmiaidobidi nendac. Adecbidi utsibo natiasho issun nashunte bunquid icta.

Codinto 2 13:9

Utsibon: Bëdambuen chuibanquidpenquio nec, ubi canubi: Mibi bëdambuec tabadsho isash bëdambo iquebi, quec tsadtsiabi. Mibi tantiaquin: Codinto yacnocquido icsambuen nainquio yec bëdambuec tabadquiduidquio icmeta, quequin ënenquio icquin Nuquin Papa chiannembi.

Cadasia 3:26

Aden Esuquidistu tantiaquido yec mibitedi Nuquin Papan bacuëbo nec.