Pidipos 1:27 - El Nuevo Testamento en matsés

²⁷ Naden mibitedi chuinu: Esuquidistun chiacpadec chieshtoenquio yec bëdambuec tabadta. Mibi yacno nidshun bëdambuec tabadsho isash: Umbi Esuquidistun naid chuibanac tantiabenondaido nec, quetsiabi. Adembidi mibitedi istanquidon mimbi naid chiec: Chieshtoenquio icquin Esus tantiec abentsëc yacbimbuec bëdambuec tabadosh. Adecbidi chieshtoenquioquin Esusën naid chuibansho tantiec bëdambuec tabadosh, quequin chuisho tantiate bunebi.

Pidipos 1:27 Referans Kwoze

Epeso 4:1

Nuquin Icbo Esuquidistu chuibennesho bedshun quënën tsadunaid icquin naden mibitedi chuinu. Nuquin Papan tantiamiaido yec bëdambuec tabadquid nec, quequin chiacpadquid mibi neque. Bëdambuec tabadta.

Codinto 1 1:10

Tantia, cun utsibo, Nuquin Icbo Esuquidistun namiaid icquin mibitedi chuinu. Mibëtan Esus tantiaquidobëd chieshënnanec cuëshcuëshëdec tabadenda. Adenquio yec Esus tantiaquid utsibobëd tsidadash tabadec: Naden nanuna, quec abentsëcshun tantiacbimbuen tantiec bëdambuec tabadta.

Petedo 2 3:14

Tantia, cun utsibo. Umbi tantiaido icsho mibitedi chuinu. Choshon abi yacno buanshun Esusën nuqui abëdi tabadmendac, quiash chieshtoenquio iquec bëdambuec tabadta. Choshon Esusën: Mibi icsambocquid nec, canushe. Nuquin Papan Chiaid niaquenquio yec tabadta.

Codosas 1:10

Aden Nuquin Papan abi bunacpaden nate mibi tantiamiac mibitedi utsibobëd nashunnanec bëdambuec tabadendac. Adshun: Nadquio Nuquin Papa iquec, quequin bëdiactsëc tantiabuedi canidoacbimbuen bëdambuen tantiaquidquio yanendac. Adsho isash: Bëdambo iquebi, quendac Nuquin Icbo Esus.

Udas 1:3

Tantia, cun utsibo, umbi tantiaido icsho mibitedi chuinu. Abëd tabadmenuen nuqui cuidmenquio icnuec Esus abided cuidadec uënësaid tantiateuidi bunsho mibitedi dadpen chuiquin dadauate bunobi. Adbuedi utsi chuiquin dada uanu. Nëbi mibi yacnoshon ambenquiobi muaquin chuisho tantiashun: Mua. Esusën chiaidpenquio mimbi chiec. Aid tantiatiapimbo iquebi, quequin aidon chiaid tantienda. Nuquin Papan Chiaidquio chuibanac aid tantiondaido mibi neque. Utsi tantienda.

Tesadonica 1 4:1

Tantia, cun utsibo. Bëdambo mibi iquec, Nuquin Papa camenuec bëdambuec tabadta, quequin umbi chiondacpadquiequi tabadta. Nuquin Icbo Esus tantiaquiec adec tabadta. Bëdambuec tabadosh, quesho tantiashun: Adquiequi tabadta, mibitedi caimbi.

Pidipos 2:12

Cun utsibo, umbi tantiaido mibitedi neque. Tantia. Chuinu. Ubëd tabadquin umbi chiacpadombuen mimbi nadedniondacpadombuen ubi uanno nidan adembidi bëdambuen nata. Nuquin Papa dacuëdampambo icquidën chiaid niacmane, quiash aidën chiacpadombuen naic aidbëd tabadnush bëdambuec tabadta.

Pidipos 3:18

Umbi chuidenniondacpadombuen mibitedi padpiden shubiquimbi chiec nebi. Mibi yacno utsi utsiec icsambuec tabadquid iquec. Abided cuidadec cueste napotiaidën dectamëdaid Esuquidistu tantiaquid nebi, quebuedi aid chieshënquidbimbuec icsambuec tabadec.

Codinto 2 13:11

Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.

Hechos 4:32

Aden chuibanequi shubu abentsëquën tabadacbimbuec tabadec Esus tantiaquido dadpenquio: Cunauidtsëqui nec, quenquio yec menenampanëdash. Adecbidi: Abitedishuna nec, quec tabadcuededuapanëdash.

Petedo 2 3:11

Nuquin Papan aden nac abitedimbo nibëdanendac, quiash mibitedi Ambi Chiaid niaquenquio yec Esus tantiaquiec bëdambuec tabadta.

Codinto 1 15:58

Cun utsibo, umbi tantiaido icsho mibitedi chuinu. Umbi chuibambued utsi uainquiocquin tantiec chieshtoenquio yec chonoadbudec tabadquin Nuquin Icbo Esuquidistu ënenquio icquin nashunec tabadta. Nuquin Icbo Esuquidistubëd abentsëc yacbimbuec tabadquin nabanec chonoadaid ambembi nabanaidpenquio nec, quequin mimbi tantiec.

Doma 1:16

Esusën naid Chiaid Bëda nadatiambocquin Nuquin Papan tantiametequid nec, quequin chuibanac: Abimbo caic, quequin tantiaquido Nuquin Papa yacno tabadendac. Adquid icnuc Esusën naid dacuëdenquio icquin chuibennec nebi. Aden abia chuibanac: Abimbo caic, quequin tantiaquido isadaidbo icnuc adembidi tantiaquido matses utsibo icsho Nuquin Papan abëd tabadmendac.

Santiaco 3:18

Aden naic bëdambuec tabadquin ismiac adecbidi utsibobëd aidën chiacpadombuen naic bëdambuec tabadquid dadpen yanendac.

Tito 2:10

Adembidi: Mibi iuaquidëna ampenquio icquin bëdambuen dayun uaquin nashunquin ismeta. Aden Esuquidistu tantiaquin nabansho isash mibi iuaquid: Cun iua Esuquidistu tantiaquid yec bëdambo yanac. Cun iua bëdambo icmequidën chiaid tantianu, quendac mibi iuaquid, quequin chuibanta, Tito.

Timoteo 2 4:7

Utsibon chieshënquin mëyandedniaqui dayacquio icquin Esusën naid chuibenniondambi. Ubi bunaid bednu, quec cumapenec titinquiacbimbuen dayacquiocquin Nuquin Papan Chiaidtedi nabanombi. Nëbi Nuquin Papan tantiacpadën ënembi. Chieshtoenquio icquin Esus tantiaquidquio nebi.

Timoteo 1 1:19

Adquid icquin Nuquin Papan Chiaid niaquenquio icquin Esus tantiaquiec bëdambuec tabadta. Utsiboen cano cuëshnudtannuc ampaëdacbimbuec: Adec icsambuec tabadtsiabi, quebuedëmbi Nuquin Papan Chiaid niac niacquin Esus tantienquio yanosh.

Timoteo 1 1:11

Adombuembidi: Esus bëdamboshëcquid yec abided cuidadec uënësaid tantiasho Nuquin Papan bëdambuen isendac, quequin Nuquin Papa bëdamboshëcquid icquin Esus chuibanquid icmiondashi.

Hechos 2:46

Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash.

Mateo 12:25

Aden chuisho tantiashien aidon otacquio tantiaid tantiaquidquio yec abi icsambuen chuimenuequido chiec Esus nadpondash: Chuiquid tapan nëishshun abëd icquido cumapenen chushcac: Aidbëd ictiapimbo iquebi, quianec cuëshcuëshëdec niquetsiash. Adec niquian chuiquid tapa ictiapimbo aid iquendac. Adecbidi shubu dadpen icquidën tabadquido chushcananash cuëshcuëshëdec niquian shubu dadpen icbuedi daëdpactsëc iquendac. Adquiecbidi shubu icbo abëd icquido chushcaquin cuëshëdmiash shubu abentsëquën bëdambuec tabadtiapimbo iquendac.

Tesadonica 1 3:6

Adoac mibi tabadacno istanec choshon nëbi Timoteon mimbi nabanaid naden chuituidoshi: Esus tantiaquido yec utsibobëd tantiananquiec tabadosh, quequin chuiposhi Timoteon. Adashic: Pabado chedo bëdambo iccondash. Aido padpiden iste bunebi, quiosh Tesadonica yacnocquido, queposh Timoteo. Adecbidi mibitedi istante bunquiebi.

Codosas 1:4

Ambo istanquidon: Esuquidistu tantiaquido yanash Esuquidistu tantiaquido utsibo mimbi: Cun matses nec, caidobëd tantiananquiec tabadosh, quequin chuisho tantiashun: Adequi bëdambuec tantiananmeta Papa, quequin Nuquin Papa chiannembi.

Pidipos 2:24

Abi tantiaquidquio icsho Nuquin Icbon: Nidtan, cac mibi yacno ubitsen badedquio nidtsiabi.

Epeso 1:15

Mibitedi Nuquin Icbo Esus tantiaquido yec Nuquin Papa tantiaquidobëd tantiananquiec tabadosh, quequin mimbi naid chuisho tantiombi.

Epeso 1:13

Nuqui icsambuen naid bedshunash Esuquidistuded uënëspanëdash, quequin abimbo chiaid chuibansho tantiashun Esus tantiabenondaido mibitedi nec. Adquido icsho: Umbi bëdambuen isaido ubëd tabadtequido nec, queshun ambi chuinëdacpadombuen: Cunatedi nec, quequin Nuquin Papan aton Mayan Bëda meniac mibëd iquec.

Cadasia 1:7

Aidon ma Nuquin Papan Chiaidpenquio chuibaneyoc. Esusquio chienquio icquin utsi uaquin muaquin chuisho tantiashun: Abimbuen cachitec, queshun mibitedishun Esuquidistu tantienquio yampac caoc.

Codinto 2 9:13

Aden nashunaid issun mibitedi tantiec: Chiaid Bëda Esusën naid chiac: Esuquidistu tantiaquid nebi, quequin abimbo chuiquidquio aido nec, quequin mimbi dadpen meniaid bedshun: Nuquin Papa bëdamboshë iquec, quequin aidon chiendac.

Codinto 2 4:4

Ad icnuc: Nuquin Papapadquidquiobidi bëdamboshëcquid Esuquidistu nec, quequin chuibansho tantiaquido icnushe, queshun icsambuen namianquid icquin Mayan Icsa Satanasën pamunacbimbuen utsi utsien tantiamenquio iquec.

Doma 15:29

Adec nidshun mibëdi tabadquin umbi Esus tantiamequin chuisho Esuquidistun nuquitedi bëdamboshë icmendac, quequin tantiembi.

Doma 15:16

Nuquin Papan adquid icmiac Esuquidistun naid chuibennequidquio icquin matses utsibo nashunquin aidën bëdambuen iste chuibenniombi. Adoac Nuquin Papa ismequin nuadte bëda pichicacbimbuecquido icsho Nuquin Papan Mayan Bëdan aido bëdambuen tabadmendac.

Doma 10:8

¿Mitsipaden chuiquin dada uaid Nuquin Papan Chiaid icpe? Naden chuiquin dada uamiampid iquec: Ambi Chiaid mibi yacnobi iquec. Min tantiate yacno ambi chiaid iquec. Aidquiobi Nuquin Papa bëdambuen tantiamete nec, quequin tantiaquin chuibanec nebi.

Doma 1:9

Aden abi tantiaquidquio icquin umbi Ambi Chiaid Bëda aton Madon naid chuibennequin mibitedi ënenquio icquin tantiasho isash Nuquin Papa: Abimbo caic, quendac.

Doma 1:5

Aidëmbi ubi tantiaquioquin: Ma nëidën nidaid utsi utsiec yacno nidshun chuibenniac matses utsibontsen ma ubi tantiaquin umbi chiacpadombuen nanu, quequin ambi naidbëta ambi chiaid chuibennequid Esuquidistun icmepondashi.

Hechos 24:24

Adashic daëdpactsëc ushash padpidec Uedis aton chido Dusidabëd chopanëdash. Aton chido isadaidbo nepanëdash. Adec choshon Uedisën abi yacno chomiac Pabadon ambi tantiaid Esus chuibansho tantiapanëdash.

Pidipos 1:5

Umbi Esus chuibanac aid tantiaquid yanshun mimbi ubi nashunondac. Aden naondashumbic: Ma Pabadon matses utsibotsen Esusën naid chuibannu, queshun nëbi adembidi naquin mimbi piucquid bëmiac.

Pidipos 3:20

Padnuen nuquitedi Nuquin Papabëd abuc tabadtequido nendac. Abi yacno buannuec abucuësh abi yacno tabadmianquid Nuquin Icbo Esuquidistu chosho isnuen cainec nuqui tabadec.

Pidipos 4:1

Tantia, cun utsibo, umbi tantiaidquio icsho mibitedi chuinu. Mibi iste bunquiebi. Umbi chuibanac Esus tantiabensho isash bëdamboshëcquid meniacbimbuec cuishonquiondabi. Ubi yacpaden chieshtoenquio icquin Nuquin Icbo Esus tantiec bëdambuec tabadta.