Pidipos 1:20 - El Nuevo Testamento en matsés

²⁰ Aid tantiec dacuëdenquio yanshun abi tantiasho Nuquin Papan icsambuen namenquio icquin bëdambuen isec. Umbi naondacpadombuen dacuëdenquio icquin Esusën naid chuibante bunec chieshtotiapimbo iquebi. Ma utsibon: Esuquidistu bëdambo iquec, canu, quiash uënësabi yec chieshtotiapimbo iquebi.

Pidipos 1:20 Referans Kwoze

Petedo 1 4:16

Esus tantiaquid icsho utsibon chieshënquin natiamiaqui chieshtoenda. Dacuëdec chieshtoenquio icquin: Nuquin Papa bëdamboshë iquec. Esus tantiaquid yec bëdambo iquebi, quequin tantiata.

Codinto 1 6:20

Nuquin Papan piucquid dadpen menequin bedshunacbimbuen ambi tantiamiaido yec aidëna mibitedi nec. Adquido icquin aidën chiacpadec bëdambuec tabadquin Nuquin Papa tantiata.

Tesadonica 1 5:23

Mibitedi tantiaquin Nuquin Papa naden chiannembi. Bëdambuec tabadmianquid icquin mimbi chiacpadombuen naic bëdambuec tabadquid icme. Adembidi aton tantiate yec aton mayan yec aton dada yec quenuc bëdambo icmequin bëdambuen dayun ua, Papa. Adoacsho Cun Icbo Esuquidistu choshon aido bëdambouidquio icsho istuidendac, quequin chiannembi.

Uan 1 2:28

Nëbi cun bacuëbobimbuecquido yec Esusbëd abentsëc yacbimbuec adequi bëdambuec tabadta, quequin mibi chiec nebi. Aden: Abi tantiaquido bedec Esuquidistu padpidec chonoc dacuëdmane, queshun chieshtoenquio icquin aid tantiata.

Pidipos 2:17

Bëdambo mibi iquec, Nuquin Papan mabi canu, queshun Esus tantiaquin bëdambuen nabanta. Utsibo nashunquin chieshtoenquio icquin chuibanta. Aden bëdambo nuadtequid Nuquin Papa shëdmiacbimbuen mimbi chuibanaid chuisho tantiec tsadsho ubi caic: Cuessunnenu, cac bëdambo ictsiabi. Aido bëdambo iquec, quiash mibitedi tantiec ubi cuishonquenubi adecbidi cuishonqueta.

Doma 8:19

Aden Nuquin Papan: Nëid cun mado nec. Nëid cun champi nec, quequin abitedi ismete uëshë cainec ambi uaidtedi: ¿Nëbimbobida napeba? quequin cainec tabadec.

Codinto 2 10:8

Abi tantiaquid yansho Esuquidistun: Ubi chuibenneta, cashumbic ubi tantiaquido chieshtomenquio icquin ma ubi tantiaquidombo icmenu, quequin chuibanquidbidi icmiondashi. Adoaid icquin cuëshëdmenquiocquin mibitedi chiec nebi.

Codinto 2 4:10

Ubi nidacnoshombi Esus mëyanquin uënës uanëdacpaden mëyanquin uënës uatsen uënës uatsenshobi Esusën bëdambo icmedennioshi. Adoacsho issun: Uënësash uincuennëdaid Esusën bëdambo icmequin dayacquio icmedenniaid nec, quequin utsibon isbededebi.

Codinto 1 7:34

Adec tabadquido icquin aton chidobëta ambi nabanaid tantiaquin: Nuquin Icbon chiacpadenuidtsëqui nabanec tabadnu, quetiapimbo iquendac. Padnuen dadan chido bedabicquidbëd niante bëdambuen tantiaquido icquin: Cun dada icsa uatsiash, quenquio icquin: Nuquin Icbouidi tantiaquin aidën chiaidquio nabannu, queshun Nuquin Icbo: Bëdambo iquec, camenuen nabanec tabadendac. Padnuen dada bedmequido icquin: Nidaidën icquiduidi tantiaquin nabannu, queshun aton bënë: Bëdambo iquec, camenuenuidtsëqui nabanec tabadendac.

Doma 5:5

Aden chieshtoenquio icquin cainquin abi tantiaquid icsho Nuquin Papan ¿ada cacunmepec? Padenquio. Nuquin Papan nuquitedi tantiaquidquio icquin aton Mayan Bëda nuquibëd tabadmec, quequin nuquitedi tantiec.

Codosas 1:24

Nëbi mibitedi tantiaquin Esus chuibansho natiamequin mëyanondashi, quec cuishonquec bëdambo iquebi. Ambia chuibansho matsesën Esuquidistu mëyampanëdash. Nëbi Esus tantiaquido mëyantebidi iquendac, quequin Nuquin Papan tantiacpadombuen Esus natiamequin mëyannëdacbimbuen mëyanondashi, quec bëdambo iquebi.

Doma 12:1

Tantia, cun utsibo, Nuquin Papan cuidte bunenquio icquin bëdambuen isaido icsho mibitedi chuinu. Abi bunaidquio obeca bëdambocquid pichicaquin ismiacbimbuen: Umbi nate bunaid nainquiocquin mimbi nate bunaid bunebi, Icbo, quequin Nuquin Papa chianneta. Aden chiannec Esus tantiec iccuededtequid nendac.

Pidipos 1:14

Aden ubi quënën tsadunaid icnuc: Aidën naondacpadombuen dacuëdenquio icquin Esusën naid chuibennenu, queshun Esus tantiaquido dadpenshun dacuëdbuedombi Esuquidistu tantiec dacuëdenquio icquin Nuquin Papan Chiaidquio chuibanac caosh.

Codinto 2 7:14

Mibi nidmenu, quequin naden Tito chiondambi. Ubi iuedquin nashunondacpadombuen Codinto yacnocquidon mibi iuedquin nashuntsiash, quequin chiondambi. Aden chiac mibi yacno Tito nidacsho umbi chuibocpadombuen mibitedishun nashunac caoc. Aden nashunaid tantiash: Abimbo chiombi, quepobi. Umbi mibi mua uainquiocquin chiondacpadequi mibitedi tabadaid tantiombi.

Codinto 2 5:15

Adec matses abitedi cuidmenquio icnuec Esuquidistu uënëspanëdash. Adashic uincuempanëdash, queshun aid tantiaquin uënësacbimbuen nuqui icsambuen nabambued ënshun nuqui tantiacpadombuen nainquiocquin Esusën chiacpadombuen nanuna.

Codinto 1 15:31

Cun utsibo, badiadquidën badiadquidënquien ubi cuessunnete utsibo bunec, quequin abimbo chiec nebi. Adembidi abimbo chuiquin: Nuquin Icbo Esuquidistu tantiaquid yanondash, quequin mibitedi tantiec: Bëdambo iquebi, quec cuishonquec tsadebi.

Doma 9:33

Naden chuiquin Nuquin Papan Chiaid dada uapampic: Edusaden yacno cuënote dectanendambi. Aid sec matses tocoshquetanec uebudcuededendac. Nëid tantiaquid icsho cuidenquio icquin ubi yacno tabadmendambi, quequin chuiquin dada uamepampic.

Doma 6:19

Matses icquin umbi chuibanac tantiadenquio iquec, nëidon canushe, queshun bëdambuen tantiamenuen cuembo mibitedi chuibanembi. Nuquin Papan Chiaid niacquin icsambuen nateuidi bunquiec mibitedi icsaded icsadedpondac. Adec tabadbuedi nëbi Nuquin Papa tantiabenshun aidën chiacpadombuen naic bëdambuec tabadta.

Doma 6:13

Icsambuen nabanec tabadec uënësacbimbuec nuquitedi icpondac. Adquid icbuedëmbi uincuenacbimbuen Nuquin Papa tantiabenshun icsambuen naic tabadenquio icquin aid bunacpadombuen naic bëdambuec tabadnuna.

Hechos 21:13

Adoaquien Pabado: ¿Atotsi quiash shubiquin ubi uënësquio icme? Edusaden yacno nidshun Nuquin Icbo Esusën naid chuibansho bedquin taneshun ubi cuessunnetsiash, quequin tantiaquimbi abi Esus chuibanembi, quepondash.

Hechos 20:24

Aden Nuquin Papan Mayan Bëdan chuisho tantiashi: Cuessunnenushe, quenquio yec niduaibi. Esuquidistun: Ubi chuibenneta, cacpaden naimbudquin utsi utsiec yacno nidshun: Esus tantiasho Ambi tantiaid yec Nuquin Papabëd tabadte iquec, quequin Chiaid Bëda chuibanembi.

Uanën dada uaid 21:19

Aden chuiquin Nuquin Papan chiacpadombuenuidi mimbi nabansho ubi chieshënquidon mibitsen cuessunnendac. Adoacsho isash matses: Petedo namequid Nuquin Papa bëdamboshë iquec, quendac, quequin tantiec Esus adpondash. Adashic: Ënenquio icquin ubi tantiata, quetanec: Cho. Nidnu, cac ubitedi puduanec nidpondabi.

Hechos 4:31

Aden chuiquin ënnubi abi iccuededacno ishcudishcudpanëdash. Adec ishcudnuc ambocquidtedi Nuquin Papan Mayan Bëdan cumapenen tantiamiaido yampanëdash. Adshun dacuëdenquio icquin Nuquin Papan Chiaid chuibampanëdash.

Codinto 2 3:12

Aden tantiaquin: Esuquidistu nuqui tantiaid icsambuen naisa yec nibëdantiapimbocquid nec, quequin dacuëdenquio icquin chuibennequid nebi.

Codinto 2 7:4

Mibitedi caic: Mimbi chiacpaden nainquio icbuedëmbi nabanosh, quequin choquidën chioshi. Aden chuisho tantiashun: Nuquin Papan chiacpaden nabanquidquio aido nec, quequin utsibo chuibanembi. Adash uënësquio icbuedi mimbi naid tantiash bëdamboshë iquebi. Utsibon natiamiaid icshobi mibitedishun dayacquio icmequin ubi bëdambo icmioc.