Pidemon 1:13 - El Nuevo Testamento en matsés

¹³ Esusën naid chuibansho quënën tsadunaid nec, queshun mimbi ubi nashuntiapimbocnobi ubi nashunquid Onesimo nec, queshun nidmenquio ictiadquidi mibi yacno nidmembi.

Pidemon 1:13 Referans Kwoze

Pidipos 1:7

Adquid yanshun ubi chieshënenquio icquin mimbi ubi tantiaquiec. Adsho mibitsen tantiaquiembi. Nëbi quënën tsadunondac abi tsadebi. Aden quënën tsadunaqui Nuquin Papan Chiaid Bëda chuibanquin tantiamiac: Abimbo caic, queshun ma tantiabennu, quequin chuibanembi. Adembidi chuiquid tapabo tantiamequin chuidenniondambi. Adquid icsho mibitedishun ubi tantiaquin mimbi ubi nashunoc.

Epeso 3:1

Pabado nebi. Isadaidpembo icsho mibitedi nashunquin Esuquidistun naid chuibennesho bedshun quënën tsadunac tsadebi.

Codinto 1 16:17

Estepanas yec Podtunato yec Acaico yec quec choacsho isash bëdambo iquebi. Mibitedi ubëd ictiapimbocnobi aido chochosho isash bëdambo iccobi.

Pidemon 1:1

Pabado nebi. Esuquidistu chuibennesho bedshun quënën tsadunaid nebi. Ubëtan Nuquin Papabëta Esuquidistu chuibennequid icsho mibi tantiec tsadebi, Pidemon. Nuqui: Cun utsi caid Timoteontsen mibi tantiec tsadec.

Pidipos 2:30

Esuquidistun chiacpadombuen naic ubëdi tabadec choash ubi nashunec nëncuenash Epapadodito uënëstsenosh. Chotiapimbo icquin mimbi: Nashuntan, cac choash nibëdantsenoshe. Mibi yacno nidacsho bëdambuen ista.

Epeso 4:1

Nuquin Icbo Esuquidistu chuibennesho bedshun quënën tsadunaid icquin naden mibitedi chuinu. Nuquin Papan tantiamiaido yec bëdambuec tabadquid nec, quequin chiacpadquid mibi neque. Bëdambuec tabadta.

Pidemon 1:10

Adoaid icquin mibi chuinu. Tantia. Umbi Esus chuibanac aid tantiaquid yanondaid yec Onesimo cun madobimbuecquid ubëdi quënën tsadunaid nec.

Pidemon 1:12

Aidi umbi tantiaidquio yec cun madobimbuecshobi mibi yacno nidmeuaimbique. Ubi chosho issun iuedacbimbuen bëdambuen isquin iuedta.