Pidemon 1:1 - El Nuevo Testamento en matsés

¹ Pabado nebi. Esuquidistu chuibennesho bedshun quënën tsadunaid nebi. Ubëtan Nuquin Papabëta Esuquidistu chuibennequid icsho mibi tantiec tsadebi, Pidemon. Nuqui: Cun utsi caid Timoteontsen mibi tantiec tsadec.

Pidemon 1:1 Referans Kwoze

Epeso 3:1

Pabado nebi. Isadaidpembo icsho mibitedi nashunquin Esuquidistun naid chuibennesho bedshun quënën tsadunac tsadebi.

Pidemon 1:9

Mibëd tantiananquid icquimbi naden chiembi: Pabado nebi. Tsësiobudobi. Esuquidistu chuibansho quënën tsadunondac tsadec nebi.

Codosas 1:1

Pabado nebi. Nuquin Papa bunacpadombuen Esuquidistun: Ubi chuibenneta, caidquio nebi. Esuquidistu tantiaquid icsho nuqui cun utsi caid Timoteo ubëd iquec.

Pidipos 2:25

Epapadodito cun utsibimbuecquid mimbi: Nashuntan, quequin mibitedishun chomenëdaid nëmbo iquec. Utsibon chieshënnubi dacuëdenquio icquin ubëtan Esusën naid chuibanondash. Adondaidi nëbi: Mibi icnëdacno tabadec nid, cun utsi, caombi.

Codinto 1 3:9

Nuquin Papa nashunquid icquin Esuquidistu chuibennequid Apodobëd nebi. Adquid icnubi umbi tied dëdshun nitsinaidbimbuecquido mibitedi nec. Adecbidi Nuquin Papana umbi shubu uaidbimbuecquidbidi mibitedi neuaic.

Timoteo 2 1:8

Adquid nebi, queshun dacuëdenquio icquin Nuquin Icbo Esuquidistun naid chuibanta. Adembidi dacuëdenquio icquin: Quënën tsadunaidi Pabado tantiaquiembi, cata. Utsibon chieshënquin natiamiaqui Nuquin Papan namiacpadec chieshtoenquio icquin Chiaid Bëda Esusën naid chuibanta.

Codosas 4:11

Adembidi Esus cashumbic Usto caidëntsen: Aido tantiec tsadebique. Chui, quesho tantiashun dada uaimbi. Adistadco yec Madcos yec Usto yec quec aidtedi isadaidbo nec. Aidonuidtsëqui: Nuquin Papan namiacno tabadte iquec, quequin ubëtambi Esuquidistu chuibanquin ubi bëdambo icmequido neuaic.

Pidipos 4:3

Tantia, cun utsi. Ubëtan Esus chuibanondaid icsho mibitsen chuinu. Aid chido daëd chuiquin: Bëdambuec tabadta, cata. Utsibon chieshënnubi aid daëdshun Esusën naid chuibennesho ubi nashunondashe. Adembidi Quedemententsen ubëtan chuibanondash. Adembidi utsibontsen ubëtan chuibanondash. Adquid icsho aido Nuquin Papan: Ubëd tabadtequido nec, quequin aton cuëmëdquid Nuquin Papa yacno tabadtequid dadauate dapan dada uaido nec.

Epeso 4:1

Nuquin Icbo Esuquidistu chuibennesho bedshun quënën tsadunaid icquin naden mibitedi chuinu. Nuquin Papan tantiamiaido yec bëdambuec tabadquid nec, quequin chiacpadquid mibi neque. Bëdambuec tabadta.

Codinto 2 1:1

Pabado nebi. Nuquin Papa bunacpadombuen Esuquidistun: Ubi chuibennequid icta, caid nebi. Esus tantiaquidbidi Timoteo nuqui cun utsi caid ubëd iquec. Aidbëtambi mibi tantiembi, quequin shubu dadpen icquid Codinto yacnoshon Esus tantiaquin Nuquin Papa tantiaquido icsho mibitedi chuiquin dada uaimbi. Adembidi Esus tantiaquid utsibo nidaid cuëshë Acaya yacno tabadquidtedi icsho tantiembi, quequin chiec nebi.

Pidemon 1:24

Adembidi Madcos yec Adistadco yec Demas yec Ducas yec quec ubëtan chuibanquido icquin: Mibi tantiembi, quequin chuita, cac dada uaic nebi.

Tesadonica 2 1:1

Pabado nebi. Tesadonica yacnocquido Nuquin Papabëta Nuquin Icbo Esus tantiaquido icsho mibitedi tantiembi, quequin padpiden chuiuaquin dada uaimbi. Adembidi ubëd icquin Sidbanobëtan Timoteon mibitedi tantiauaic.

Epeso 6:20

Esuquidistun: Ubi chuibenneta, caid icquin aid chuibennesho mëtaneshun quënën tsadunaid nebi. Adoaid ubi icsho: Mimbi tantiacpaden dacuëdenquio icquin Esusën naid Chiaid Bëda chuibanquid Pabado icme, quequin Nuquin Papa chianneta.

Hechos 16:1

Adec shubu dadpen icquid Dedbe caid yacno choash tabadquin adombuembidi chuibanuash nidec shubu dadpen icquid Disteda caid yacno Pabadobëd Sidas niduapanëdash. Ambo Esus tantiaquid Timoteo cuëmëdquid icpanëdash. Aidën tita isadaidbo yec Esus tantiaquid icnubi aidën papa isadaidpembo quidieco matses nepanëdash.

Cadasia 3:26

Aden Esuquidistu tantiaquido yec mibitedi Nuquin Papan bacuëbo nec.

Pidipos 1:1

Esuquidistun iuambo Pabado nebi. Aidën iuabidi Timoteo ubëd iquec. Aidbëtan shubu dadpen icquid Pidipos yacnoshon Esus tantiaquido icsho mibitedi tantiembi, quequin dada uaimbi. Nuquin Papa tantiaquido yec Esuquidistubëd daëdash abentsëc yacbimbuecquido mibitedi nec. Adembidi chuiquid tapabobëta mibi nashunquido tantiembi.

Pidemon 1:23

Epapadas ubëd iquec. Aidbidi Esuquidistu chuibansho bedshun quënën ubëta tsadunondash. Aidëmbi: Mibëd icquidotedi tantiec tsadebi, quequin chuita, cac dada uaimbi.