Petedo 2 3:9 - El Nuevo Testamento en matsés

⁹ Ëndenquio Nuquin Icbo Esus: Padpidec choendabi, quenëdaidi choenquien icchitec, quenubien Nuquin Papa mibitedi bëdambuen isquin chieshtoenquio yec tantianquidquio icquin matses uënësacsho mëyadtequid yacno nidmete bunenquio icquin: Ma abitedishun Esus tantiabembono, queshun Nuquin Papan Esus chomiabi iquec.

Petedo 2 3:9 Referans Kwoze

Timoteo 1 2:4

Matses abitedimbo cuidenquio icquin bëdambuen isquin abëd tabadmete bunquid yec: Umbi Chiaid abimbo tantiashun Cun Mado abided cuidadec uënësaid ma tantiapanu, quendac Nuquin Papa.

Doma 2:4

Ambi uaido matses abitedishun icsambuen nasho isash uënësquio icquin aido bëdambuen iste bunquin icsambuen naquidobi Nuquin Papan baded cuidenquio iquec. Icsambuen nabuedi nëbi Nuquin Papa tantiate bunec: Ambi chiacpadec bëdambuec tabadte bunebi, quequin ma ambi icsambuen naid ënshun ubi tantiabennu, queshun Nuquin Papan matses baded cuidenquio iquec. Adquid icshobi Nuquin Papa tantiate bunenquio mibi iquec.

Esusën Uan ismiaid 2:21

Adsho issun aid chido: Ma ambi icsambuen naid ënshun Nuquin Papa tantianu, queshun badedquio cuidenquio iccombi. Adoaqui ambi icsambuen naid ënte bunenquio yec abi piucquid bedec chudadposh.

Petedo 2 3:15

Naden mibitedishun tantiata: Ubitedi tantiaquid icquin Nuquin Icbon abi yacno tabadmenuen badedquio ubitedi cuidenquio iquec, quequin tantiec tabadta. Adembidi mibitedi chuiquin nuquin buchi Pabadon Nuquin Papan cumapenen tantiamiac chuiquin dada uapaccondash.

Timoteo 1 1:16

Aden iuen icsambuen naquid icshobi Nuquin Papabëtan Cun Icbo Esusën baded cuidenquio icquin abibi tantiamequin bëdambuen isbempondashi. Pabado bëdambuen isaid chiac utsibo: Pabado icsambuen naquid icshobi Nuquin Papan bëdambuen isbenac. Adembidi Esus tantiasho Nuquin Papan ubitsen bëdambuen isendac, quequin ubi bëdambuen isaid tantiendac. Adquid uënësacsho ubi yacno tabadmendambi, queshun abi tantiamequin Esusën bëdambuen isbempondashi.

Ebedeo 10:37

Nuquin Papan Chiaid chuiquin dada uampid nad iquec: Nëbimbobien mimbi cainaidquio choendac. Ambi tantiacpadënquio choendac. Ambi chiacpadënquio choenquio iquec, quetiapimbo iquec,

Doma 9:22

Adombuembidi Nuquin Papan ambi tantiacpadombuen cuidendac. Nadatiambocquid icquin icsambuen naquido cuidquid nebique. Ismenu, quebuedi ambi cuidtequidobi baded cuidenquio iquec. Adoshombic ambi tantiacpadëmbi aido adec icsambuec tabadsho issun cuidquin chian annëdënquiacno nësecaindac.

Petedo 1 3:20

Ëndenquimboshë aton matsesbëd tabadec Noe bëdambo icnubi aido Nuquin Papan Chiaid niacniacquec icsambuecshë tabadpampic. Noen cano dapa baded nacnenenquio yacpadembi: Ma ambi icsambuen naid ënshun ubi tantiabennu, queshun Nuquin Papan badedi cuidenquio icpampic. Adenquio icnubi cano dapa nainquin nacnenan ue sequec acte cubudtonoc matses 8tedpactsëc cano dapa antabëdtopampic.

Doma 13:11

Naden mibitedishun tantiata: Chuibanquidën chuibansho tantiashun Esus tantiabenash: Iuecashien Esus chochitec, quiondaidi nëbien abi tantiaquido abi yacno buannuec Esus choec, quequin tantiaquionona. Ushacbimbuen tantienquio icbuedi nëbi ushash isucunacbimbuec dayacquio yec chieshtoenquio icquin Nuquin Papan chiacpadombuen nanuna.

Doma 13:12

Nëbien Esus choec, quequin tantiaquin icsambuen nainquio yec bëdambuec tabadnuna. Sondado: Senushe, quiash tsasimbocquid dasiuidacbimbuen icsamianquidën iuanushe, queshun nuqui icsambuen naid ënshun bëdambuen tantianuna.

Petedo 2 1:4

Aden ambi chuinëdacpadombuen bëdamboshëcquid nuqui menec. Adoac aidën tantiamiac Nuquin Papan Chiaid isbanec Nuquin Papabimbuec icsate bunenquio yec nuqui bëdambuec tabadendac. Utsibo icsateuidi bunec icsambuen naic tabadnubi cuenacbimbuec mibitedi bëdambuec tabadendac.