Biblia Todo Logo
Bib sou entènèt

- Piblisite -




Petedo 2 2:1 - El Nuevo Testamento en matsés

1 Isadaidbo Nuquin Papan oncamiaidon abimbo chuibannubien isadaidbobidi utsi utsiec: Nuquin Papan nadoendac, quec muaquin chuibanquid icpampic. Nëbi adquidbidi muaquid mibitedi yacno iquendac. Aidon mibëd tabadquid abitedi abimbo tantiamenquio icquin icsambuen tantiamenuen ambembi chiaid chuibanec muaindac. Nuquin Papa matses bëdambuen ismenuec abided cuidadec Nuquin Icbo Esuquidistu uënësnëdash, quetiapimbo iquebi, quequin chuibanendac. Aden chuibanquid icsho Nuquin Papan cuidtequidombo nendac.

Gade chapit la Kopi




Petedo 2 2:1
73 Referans Kwoze  

Adshumbic abi macuësh tapa poctse tsadquin naden Esusën chuipanëdash: Utsibo: Nuquin Papan Chiaidquio chuibanquid nebi, quec bëdambocquid danmianec muaquidombo iquendac. Adquido choshon Nuquin Papan Chiaid niac niacmequin mibitedi icsamete bunendac. Aido bëdi dapa nëish iua pete bunquiacbimbuec mibitedi icsamete bunquieque. Icsamenda.


Esus tantiaquido danmianquiec mibitedi icsambuen namenuec mibi yacno muaquido puduedac caosh. Ambi ëndenquimbo chuiquin dada uamiampicpadombuen Nuquin Papan cuidtequidombo aido nendac. Adquido icquin: Esuquidistu Nuquin Icbopenquio neque. Aidën chiaid nainquio icnuna. Nuquin Papan bëdambuen isaidombi Ambi Chiaid niacniacquin abi bunaiduidi naquin ambi natemaidi nasho issun nuqui cuidenquio iquec, quequin chiec cumapenec muaique. Aden chiec muasho tantienda.


Muaquidon chuisho tantienda. Aidon piucquid cumapenec bunquin aid dadpen bedquimbi ambembi chiaidquio mibitedi chiec. Muasho tantiashun ambi ëndenquimboshë tantiampicpadombuen aido cumapenen Nuquin Papan cuidtequidombo nendac.


Iuecshun Nuquin Papan Chiaidquio matses dadpenshun tantiatiapimbo iquendac, quequin tantiashun aden abimbo chuibanta, mado. Aden tantiatiapimbo icquidën Nuquin Papan Chiaidpenquio chuisho tantiash: Ubi bunaidquio mimbi chieque. Tantianu. Ubi chiec cho, quequin muaquid utsi utsien abi yacno puduedmendac.


Adnubien muaquido dadpen yanash: Nuquin Papan oncamiaidquio nebique. Tantia. Chuinu, quependac. Adsho tantiashun dadpenshun: Ai, abimbo mimbi chiec, caindac.


Esus tantiaquid danmianquiec muaquido ubitedi tabadacno ompodash puduedpaccondash. Esuquidistu tantiasho Nuquin Papan nuquitedi bëdambuen isec, quequin cun tsusedpan chiaid niacsho tantianu, quiash umbi chuibanacno puduedpaccondash. Adec puduedshun tantiashic: Mimbi icsambuen chiec. Nuquin tsusedpa Moisesën chiampidtedi nasho Nuquin Papan bëdambuen istsiash, quenuen tantiec tabadpaccondash.


Adec cuësh cuëshëdquid mibi yacno icac bëdambo ictsiash. Adec utsi utsiec cuëshëdsho issun mimbi naden tantiatsiac. Cuësh cuëshëdenquiocquid icsho issun: Chieshtoenquio icquin Esus tantiaquidombo nec, quequin mimbi tantiatsiac.


Tantia, cun utsibo. Umbi tantiaido icsho mibi chuinu. Matsesën: Nuquin Papan Mayan Bëdan tantiamiaidquio nebi, quequin chuibansho: Abimbo chiec, quequin badedquio tantienda. ¿Nuquin Papan Mayanën tantiamiaidënquiobida chuipec? quequin aidën chuibansho tantiata. Nuquin Papan oncamiaid nebi, quequin chuiquido nidaid utsi utsiec yacnoshon dadpenshunquio ambembi chuibaneque.


Naden muaquidon icsambuen tantiamenushe. Abimbo tantiaquiec tabadta. Ëndenquio ambibi tantiaquin matsesën chiaid ambembi chiec onquiampicpaden nëbi icquidën Esuquidistu chuibanenquio icquin chuisho tantiashun: Nuquin Papan Chiaidpenquio chiec nec, quequin tantiata. Adembidi Mayan Icsa Satanasën icsambuen namenuen tantiamiacpadombuen aidon muaquin chiaid tantienda.


Aden icsambuen chuiquin Esus tantiaquido cuëshëdmete bunquid icsho bëdambuen tantiamenu, quequin chomeshun chuita. Aden chiaqui niacbidanquin adombuembidi padpiden chuiuasho tantiashun aidi bëdambuen chuibanquin tantiameuata. Aden chiaqui padpidembuen niacbidanquin adombuembidi chuiuasho tantiashun Esus tantiaquido iccuededacno puduedmenda, Tito.


Adquidon shubu utsin utsinquiec puduedcuennequin ambi icsambuen tantiaid chuibansho tantiash aid shubun icquido utsi utsiec cuëshëdec. Adembidi piucquid bedte bunquin adquidon muaquin icsambuen chuibaneque. Aden chuibanenda, cata, mado.


Aidotedi cumapenec mëyadtequid yacno chian annëdënquiacno nidmequin cuidendac. Peteuidtsëqui tantiec icsambo icquin ambi natemaid naic: Bëdambo iquebi, quec tabadec. Aido: Icsambuen naquido nebi, quiash dacuëdtiadquidi Nuquin Papa tantienquio icquin nidaidën icquiduidtsëqui tantiec tabadec.


Nuquin Papan piucquid dadpen menequin bedshunacbimbuen ambi tantiamiaido yec aidëna mibitedi nec. Adquido icquin aidën chiacpadec bëdambuec tabadquin Nuquin Papa tantiata.


Adquid uëshë icnuc: Nuquin Papan Chomiaid Quidistu nebi, quec muaquid utsi utsiec yanendac. Adecbidi: Nuquin Papan oncamiaid nebi, quec muaquid utsi utsiec iquendac. Aidon: Ubi tantiaquid icmenu, quequin Nuquin Papan tantiamiaido chieshënquimbi nadatiambocquin nabanquin ismendac. Adosho issun Nuquin Papan tantiamiaidonquiobi utsin utsinquien ubi tantienquio ictsenendac.


Adashic nadec cuëdënte chucan cuëdëncuededposh: Mimbiuidtsëqui Nuquin Papan sananaid dada uaid bedshun bitaccaid chicquin isbanquin Nuquin Papan chiacpadombuen namendac. Nuquin Papan chiacpadec matses cuidmenquio icnuec mibided cuidadec intac chididiquenuc uënës uaondaid mibi nec. Nëbi icsambo icbuedombi abi icsaid bedshunquid tantiasho Nuquin Papan bëdambuen isendac nëidtedi: Nëidic matses utsibo dadpenquio. Nëidic onquete utsin utsinquiec onquequido. Nëidic shubu daëdpactsëcquido utsi utsiec yacnocquido. Nëidic nidaid utsi utsiec yacno tabadquido. Aidtedishun abi tantiasho Nuquin Papan bëdambuen isendac.


Ubi tantiaquido icsho utsibon chieshënaido yec mitsana nibëdquid mibi nec. Nëbi mitsana nibëdquid iquequi ubi tantiaquid yec dadpenquio dayun uaquidbimbuec mibi bëdambo iquendac. Chieshëmënquidon mibi icsambuen chuishumbuedtsen tantiembi. Mibi yacnoshon Mayan Icsa Satanasën tantiamiac: Isadaidbo nebi, quequin mibi icsambuen chuishunquido yec Mayan Icsa Satanasën iuabo nendac.


Aden Moisesën chiampid niacquid cuidampid icnuc Nuquin Papan Aton Mado matsesën tantienquio yansho ¿cumapenen cuidenquioda icpatsiash? Aidon Nuquin Papan Mado Esus tintincacbimbuen chieshënec. Esus uënësaid caic: Matses yec abembi uënësaid nepanëdash, quepec. Adembidi aton intac nua chiuidec abided cuidadec uënësaid Esus tantiasho bëdambuen isquin bëdambuec tabadmendambi, quequin Nuquin Papan Chiaid chuca chieshënec. Adembidi Nuquin Papan Mayan Bëda matses bëdambuen iste bunquid icsambuen chuishunuaic.


Nuquin Papabëd icquido tantiaquid utsibon: Ubien bëdamboshëcquid nec, quesa nebi, quequin muaquin chuisho tantienda. Ushquin isacbimbuen isombi, quequin muaquin chuisho adembidi tantienda. Adembidi: Ubien dadpen tantiaquidquio nec, quequin chuisho tantienda. Aidon: Umbi tantiacpaden nainquio yec mibi icsambo iquec, quequin icsambuen chuisho tantienda.


Adec tabadquido yec bacuëmpin utsi utsien tantiacpaden tantiaquidpenquio nuqui nendac. Cunquequidën ëquë ëquëen tsidunacbimbuen muaquidon utsi utsien chuibansho tantiash badedquio: Abimbo caic, quec mua uadec. Aido icsambuen tantiaquido icquin chuisho tantienquio iquendac.


Adquid uëshë icnuc: Nuquin Papan Chomiaid Quidistu nebi, quec muaquid utsi utsiec yanendac. Adecbidi: Nuquin Papan oncamiaid nebi, quec muaquid utsi utsiec iquendac. Aidon: Ubi tantiaquid icmenu, quequin ubi chieshënquidombi nadatiambocquin nabanquin ismendac. Adosho issun Nuquin Papan tantiamiaidonquiobi utsin utsinquien ubi tantienquio ictsenendac.


Padnuen utsibon tantianubi: Esus tantiaquid nebi, quequin chuitiapimbo icquid Cun Papa abuc yacno chosho issun: Nëid ubi tantiesa neque. Puduedmenda, quequin Nuquin Papa chiendambi, quequin Esusën chuipondash.


Aidën namiacpadombuen nadatiambocquin nabanquin muaquin ismiaqui matses dadpenshun: Abimbo caic, quequin bëdi dapabimbuecquid acte ëquëducuësh chobuedën chiacpadombuen nabededposh. Aton chuiquid tantiamequid nidaid ëquëducuësh chobuedën: Nuquin chuiquid tapa chështen cuesac uënëstiadtsëcquio icsho bëdanmebued tantiaquin aidbimbuecnuc nuamboshë isadnuc nacnenta, cac matsesën nacnemposh.


Mibi yacno Mayan Icsa Satanasën iuabo dadpen icnubi ubi tantiec mibi chieshtoenquio iquec. Ënden Mayan Icsa Satanasën namiac mibi yacnoshon chieshëmënquidon ubi chuibanquid Antipas caid cuessunnepondash. Aidën chieshtoenquio icquin umbi naid chuibansho cuessunniambi adembidi chieshtoenquio icquin mimbi ubi tantiaquiopec. Aden mimbi bëdambuen naid tantiembi.


Aidon naden chuipondash: Esus chote nëbi yannuc matses abi bunacpadombuen naic icsambuec tabadendac. Adquido icquin Esus chieshënquin abi tantiaquido icsambuen chuishunquin mamënshunendac, quepondash aido.


Esuquidistu tantiaquido mibitedi icsho: Nuquin Papan Chiaid muaquin chuiquid iquendac, quequin aidon muaquin chuisho tantianushe, queshun chuiquin dada uaic nebi.


Aden mimbi isacmaidi Esuquidistu tantiaquido mibitedi nec. Nëbi aid isambo icquimbi mimbi tantiaquiec. Adash utsibon tantiatiapimbo icnuc mibi cumapenquiec cuishonquendac.


Matses bëdambuen iste bunquidquio icquin Nuquin Papan namiac Esuquidistu aton intac chididiquec uënësaidën nuquitedi icsambuen naid bedshunquin nuqui icsambuen naid tantienquiocnoc Nuquin Papa bëshunmendac.


Nëidic ambibi nacnenshun papa caquido. Nëidic nënëchoquido. Nëidic chieshëmënquido. Nëidic chieshëmënec chushcananquido. Nëidic utsina isash cumapenec bunquido. Nëidic badedquio chieshtoquido. Nëidic ambi naiduidi naquido. Nëidic cuësh cuëshëdmianquido. Nëidic: Utsin chiaid tantiatiapimbo iquebi. Umbentsëqui bëdambuen chiembi, quequido.


Mibitedi abimbo chienquio icquidon Moisesën chiampicpadombuen namequin icsametiadquio iqueque. Ista. ¿Mibitedi tantiaquioquin bëdambuen namenuenda chuipec? Padenquio. Ubëd cuëshëdmequin abibi tantiamenuen chuibanec neque. Aidon chiaid tantienda.


Nuquin Icbo Esuquidistun chiacpadombuen nainquio icquin aidon: Umbi chiaid tantiata, quequin abi bunaidquio namequin muaquin Esus tantiabentsëcquid icsambuen namec.


Adoaquien Esusën: Tantia. Mibi chuinu. Muaquidoba choendac. Aidon chuisho tantiash: Abimbuen cachitec, quec mua uadenda. Adquido choshon: Nuquin Papan Chomiaidquio Quidistu caid nebi, quequin muaquin chiaqui matses dadpenshun: Ai, abimbo mimbi caic, capendac. Aden chuibanquido icsho tsibanenda. Adembidi utsin: Nuquin Papan matses abitedi cuidte uëshë nëbi nec, quequin chuisho tantienda.


Matsesënuidtsëqui: Bëdambocquid mibi nec, quequin chiaidi Nuquin Papan cuidtequid mibitedi iquendac. Adombuembidi ëndenquimbo: Nuquin Papan oncamiaid nebi, quec muaquidquiobi tsusedpabon: Bëdambo mibi iquec, quequin chuipampic, quepanëdash Esus.


Adquido chochoshon: Nuquin Papan Chomiaidquio Quidistu caid Mesias nebi, quequin muaquin chiaqui matses dadpenshun: Ai, abimbuen mimbi caic, capendac.


Abitedishun Moisesën chiampiduidi natiapimbo yec icsambuec tabadsho isash abided cuidadec uënësquin Esuquidistun nuquitedi icsambuen naid bedshunquin bëdambo icmepondash. Naden chuiquin Nuquin Papan dada uamiampid iquec: Cueste napotiaidën dectanmiaid Nuquin Papan cuidaidquio nec, quequin dada uamepampic.


Nuquin Papan piucquid dadpen menequin bedshunacbimbuen abi tantiamiaido mibitedi nec. Adoaido icquin utsibo iuamenda.


Mimbi naidtedi tantiembique. Tantia. Chuinu. Mibi yacno umbi shëcuë shëcniaid utsibon shëcnandotiapimbo iquec. Adquid icnuc: Tantiatiapimbo iquebi, quenquio mibi iccoc. Adec chieshtoenquio icquin ubi tantiasho umbi mibi uidënquio icmiac umbi naid mimbi chuibanendac utsibon ënmetiapimbo icnuc. Mibi yacno ubi tantiaquido daëdpactsëc icnubi ubi mimbi tantiaquioc.


Adembidi utsibon tantianubi: Esus tantiaquidpenquio nebi, quequin chuiquid Nuquin Papa yacno chosho issun: Nëid ubi tantiesa nec, quequin Nuquin Papabëd icquidonquio tantianuc chiendambi.


Aton shubun icquidotsen Esus tantiaquidon nashunquid. Abëd icquido nashunenquio icquin Nuquin Papan chiacpadombuen nainquio icquid nec. Esus tantiesabon icsambuen nanubi Esus tantiaquid icquimbi aton matses nashunenquio icquid yec icsambuenshë naquid nec.


Adoaido icquin cumapenec cuëdquin Nuquin Papa chuidoneposh: Abitedishun Icbombo icquin mimbi tantiacpadombuen namequidquio mibi nec. Icsaisambo yec muesambo mibi neque. En chui, Papa. Nidaidën tabadquido ubi chieshënquin cuessun secambuedo ¿tedectsicshun mimbi aido cuidpe? quequin chuidoneposh.


Swiv nou:

Piblisite


Piblisite