Petedo 1 2:6 - El Nuevo Testamento en matsés

⁶ Adshumbic Nuquin Papan chuiquin dada uamiampid nad iquec: Buintad bëdambocquid istuidash nëidquio shubu uanun teshun nitsinembi, quiacbimbuen ambi tantiaidquio yec bëdamboshë icquid Edusaden yacno ubi bëdambuen ismequidquio isadaidbobëd tabadmendambi. Nëid tantiasho Nuquin Papan abi yacno nuqui tabadmendac, quequin aid tantiec uënësacsho ubi yacno tabadmendambi, quequin Nuquin Papan Ambi Chiaid dada uamepampic.

Petedo 1 2:6 Referans Kwoze

Petedo 1 2:4

Shubu uanun buintad istuidash: Nëid bëdambo iqueque. Nëidquio nitsinembi, quiacbimbuen Nuquin Icbo uënëstiapimbocquid icsho tantiata. Adotiadquidi matses dadpenshunquio chieshëmpondash. Aidi Nuquin Papan tantiaidquio yec bëdamboshëcquidquio chopaccondash.

Epeso 2:20

Mibitedi Esus tantiaquido yec shububimbuecquido nec. Adquido icsho Esuquidistun: Ubi chuibenneta, caidobëtan Nuquin Papan oncamiampidon chuiquin dada uaid shubu uanun nacnenquin nitsinacbimbuen chuibansho tantiaquido nec. Aid shubun buintad bëdambocquid nitsinaid nidquidbimbuecquid Esuquidistu nec.

Madcos 12:10

Aden chuishumbic Esusën: ¿Nuquin Papan dada uamiampid isbanamboda ictio? Naden chiaid iqueque. Tantia. Buintad bëdambocquid istuidash: Nëidquio shubu uaquin nitsinnun tenu, quetiadquidi isuidposh. Aden buintad isuidaidi utsin teshun shubu uaquin aidba nitsinaid iquendac.

Doma 10:11

Nuquin Papan chuiquin dada uamiampid nad iquec: Abi tantiaquid icsho mua uainquiocquin Nuquin Papan ambi chiampicpadombuen naindac, quequin chuipampic.

Timoteo 2 3:16

Nuquin Papan Chiaid aton Mayanën tantiamiacpadombuen matsesën dada uapampic. Aidën chiaid abitedimbo bëdamboshëcquid nec. Aid isec onquequin: Nuquin Papan chiacpaden naic bëdambuec tabadnuna. Esus tantiaquido icquin icsambuen nainquien ictiad, quequin abi chuibanquidën chuibanec. Adembidi: Esus tantiaquido adec tabadesa neque. Padi. Bëdambuequien tabadtiad, quequin chuibanec.

Uanën dada uaid 7:38

Adsho Nuquin Papan chuiquin dada uamiampicpadombuen naindambi. Ubi tantiaquido icsho acte acmiac cuishonquiacbimbuecnuc bëdambo icmendambi, quepondash Esus.

Ducas 23:35

Adnubien matses dadpen isec tabadnubi isadaidbon chuiquido isec tabaduaquin icsambuen chuishunquin mamënshumbededec: Utsi utsien bëdanmequidquio yec abibi budsho isnu. Adsho issun Nuquin Papan Chomiaidquio Quidistu ambi tantiaidquio nec, catsiambi, quec onquecuededpanëdash.

Mateo 12:18

Nëid Umbi Chomiaid umbi namiaidquio nec. Umbi tantiaidquio nec. Adquid icsho isash cuishonquebi. Cun Mayan aidbëd icmendambi. Adoac nidaid utsi utsiec yacno tabadquidtedi Nuquin Papan matses bëdambuen iste tantiamequin chuibanendac.

Petedo 2 3:16

Umbi chuibuedbidi chuiquin Pabadon dada uadednepaccondash. Aidën dada uaid utsi utsiec baded tantiadenquio iquec. Adsho issun utsibon tantesauatsëcquidën: Esus tantiaquidën nadoquid, quequin abimbo tantienquio icquin Nuquin Papan Chiaidbëta Nuquin Papan tantiamiac Pabadon chiaidquio tantienquio icquin icsambuen chuibanec. Adquid Nuquin Papan cuidpatsiash.

Petedo 2 1:20

Tantia, mibitedi chuinu. Nuquin Papan nadoendac, quequin ambi oncamiaido dada uamiampid isbanquin ¿abi bunacpadombuen tantiaquin chuibanshoda: Bëdambo iquec, capec? Padenquio.

Epeso 1:4

Ëndenquimbo abitedi uabi yequi Nuquin Papa nadpampic nuquitedi caic: Nëidtedquio Esuquidistu tantiaquido icsho Umbi: Cun matses nec, caido icsho icsambuen naisabimbuecnuc bëdambuen isendambi, quequin Nuquin Papan tantiapampic. Aden nuquitedi tantiaquioquin

Hechos 1:16

Tantia, cun utsibo, Udas padon naid chuibannu. Abëd icquid icquimbi Esus chieshënquido Udasën Esus bedmiondash, quequin nuquitedi tantiec. Aden Udasën nate chuiquin Nuquin Papan Mayan Bëdan tantiamiacpadombuen nuquin tsusedpa Dabidën dada uapampic.

Ducas 20:17

Adoaquien iccuededquido bëisquin Esusën naden chuipanëdash: Nuquin Papan dada uamiampid ¿naden chienquioda icpampic? Aidën chiampid nad iquec: Buintad bëdambocquid istuidash: Nëidquio shubu uaquin nitsinnun tenu, quetiadquidi isuidposh. Aden buintad isuidaidi utsin teshun shubu uaquin aidba nitsinaid iquendac.

Petedo 1 2:8

Adembidi naden chuiquin dada uamiampid iquec: Cute mabud iquec, quequin tantienquio yec nidec tocoshquetanec uebudendac, quequin Nuquin Papan dada uamepampic. Aido tocoshquetanec uebudacbimbuen Nuquin Papan Chiaid tantienquio yec cuidadtequid iquec abibi chian annëdënquiacno nidendac.