Petedo 1 2:19 - El Nuevo Testamento en matsés

¹⁹ Adec Nuquin Papa tantiaquid yec bëdambocquid icsho cuesaqui chieshëmënenquio icsho: Aid iua bëdambo iquec, quequin Nuquin Papan mibitedi bëdambuen istsiashe. Mibi iuaquidën chiacpadombuen nata.

Petedo 1 2:19 Referans Kwoze

Petedo 1 2:20

¿Icsambuen nasho natiamequin cuesac chieshtoenquio icshoda Nuquin Papan: Aid iua bëdambo iquec, capatsiash? Padenquio. Nuquin Papan chiacpaden bëdambuen naquid natiamequin cuesaqui chieshtoenquio icsho: Aid iua bëdambocquid nec, caindac Nuquin Papan.

Codinto 1 15:10

Adec ubi icshobi Nuquin Papa bëdambocquid icquin Esus tantiaquid yanmeshun abi bunacpadombuen bëdambuen isquin ubi ambembi nabanmenquio iccoshi. Adenquio icquin Esusën: Ubi chuibenneta, caid utsibon abitedi chuibennenquiocnobi umbimbo cumapenec chonoadquin chuibenniombi. Aden umbi tantiacpaden nainquiocquin Nuquin Papa bëdambocquid icquin nashunac dayacquiocquin chuibenniombi.

Ducas 6:32

Ubëd tantiananquiduidtsëqui tantiembi, ¿quecta mibitedi bëdambo icpe? Padenquio. Adecbidi Nuquin Papa tantiesabo yec icsambuen naquido abëd icquidobëd tantiananec.

Doma 13:5

Adquid icnuc chuiquid tapabon chiacpadombuen nabanta. Cuidnushe, quequinuidtsëqui tantienquio icquin: Naden nac bëdambo ictsiash. Naden nac icsambo ictsiash, quequin tantiaquin nabanta.

Uanën dada uaid 15:21

Ubi chieshënquidon ubi chomiondaidquio tantienquio icquin ubi chieshënec. Adombuembidi ubi tantiaquidotsen chieshënuaindac.

Timoteo 2 1:12

Aden chuibenneshobini chieshënquin natiamequin quënën tsadumpondash. Adoaqui dacuëdenquio yec chieshtotiapimbo icquin Esus tantiembi. Umbi tantiaidquio nadatiambocquin nabanquidquio Esus nec. Adquid icquin: Umbi naid chuibanenquio yannushe, queshun abi tantiamequin Esusën ubi chieshtomenquio iquendac. Aidëmbi nidaidën choabi icquin abi chuibanquid chieshtoenquio icquid ubi icmendac, quec dacuëdenquio iquebi.

Codinto 2 8:1

Tantia, cun utsibo. Nuquin Papan tantiamiac nidaid Masedonia caid yacnocquid Esuquidistu tantiec iccuededquidon atona nibëdquid utsibo bëdambuen nashumbanaid nëbi chuinu.

Codinto 2 1:12

Ubitedi bëdambuec tabadquin ismequid nebi, quequin tantiec bëdambo iquebi. Matsesën tantiamiacpadpenquio yec utsibobëd bëdambuec tabadobi. Nuquin Papanquio tantiamiacpaden ismec utsibobëd bëdambuec tabadobi. Adquiecbidi mibitedibëd tabadobi.

Hechos 11:23

Adoac Antioquia yacno choshon ambocquido Esus tantiaquido Nuquin Papan bëdambo icmiaid icsho isash: Bëdambo iquebi, quec cuishonquequin: Adembi chieshtoenquio icquin Nuquin Icbo Esus tantiata, capanëdash Bednaben.

Ebedeo 10:2

Aidënquio Moisesën chiacpaden nëish iuan intac daseccaquin matses icsambuen naisa icmiac nëish iua padpiden pichicanun cuessunnenquio ictsempampic. Adecbidi: Icsambuen naquid nebi, quenquio matses ictsempampic.

Petedo 1 4:15

Mibitedi utsi utsiec cuessunnianquid yec ampequid yec chuiquidën chiaid niacquin icsambuen naquid yec utsibo icsambuen namequid yec quequidpenquio icshobi cuidte chuiquidën cuidsho issun: Icsambo iquec, catsiambi.