Petedo 1 2:17 - El Nuevo Testamento en matsés

¹⁷ Matses abitedi bëdambuen ista. Mibëtan Esus tantiaquido tantiaquiota. Nuquin Papa bëdamboshë iquec, quequin aid tantiec bëdambuec tabadta. Nuquin matses iuaquid chuiquid tapambo empededod caid bëdambuen isquin aidën chiacpadombuen nabanta.

Petedo 1 2:17 Referans Kwoze

Doma 12:10

Esus tantiaquid yec utsibobëd tantiananquiota. Ubëtan Esus tantiaquido nec, quiash aidobëd tantiananec bëdambuec isnanta.

Doma 13:7

Chuiquid tapan: Piucquid bec cho. Nacnenmenu, cacpadombuen aidën chiactedi meneta. Min chuiquidon chiacpadombuen naquin bëdambuen ista.

Petedo 1 5:5

Tantia, caniabo. Mibitsen chuinu. Min chuiquid tapa Esus tantiaquido chuibanquid neque. Aidën chiaid niaquenquio icquin nabanta. Ubi nashunta, quec chuinanec nashunnanta. Umbi tantiacpadembi naimbi, quenquio icquin utsin chiacpadombuentsen nabanta. Adquid Nuquin Papan chuiquin naden dada uamiampid iquec: Utsibo tantienquio icquin aton nauidtsëqui nasho: Icsambo iquec, caindambi. Utsimbien atonauidtsëqui tantienquio icquin utsibotsen tantiaquin nashunsho Nuquin Papan: Aid bëdambuen isquin nashunendambi, quequin chuiquin dada uamepampic.

Ebedeo 13:1

Esuquidistu tantiaquid iccuededquidotedi: Cun utsibimbuecquido nec, quiash aidobëd ënëdenquio yec tantiananec nashunnanta.

Pidipos 2:3

Utsibon mibi chieshënquin nacpaden nainda. Ubiuidtsëqui bëdamboshë iquebique. Cunauidtsëqui nanu, quec mibiuidtsëqui tantiadec tabadenda. Adec tabadenquio yec: Ubi bëdapabi icnuc utsibo bëdamboshëcquido neque. Nashunnu, quec bëdambuec tabadta.

Petedo 1 1:22

Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.

Timoteo 1 6:1

Matses iuabo Esus tantiaquido icsho naden chuita. Mibi iuaquid Esus tantiesa icsho bëdambuen isquin aidën chiacpadombuen bëdambuen nashunta. Pabadon chuibanaid icsambo iquec. Ambi Nuquin Papa caidtsen icsambo iquec, quequin icsambuen chuinushe. Mibi iuaquidën chiacpadombuen nata, quequin iuabo chuita.

Codinto 2 7:1

Tantia, cun utsibo. Umbi tantiaido icsho mibi chuinu. Nuquin Papan: Naden naindambi, quequin chuiquin dada uamiampid isash nadnuna. Nuqui icsambuen naidbëtabi nuqui icsambuen tantiaid ënnuna. Icsamane, queshun Nuquin Papa dacuëdampambocquid icsho aid tantiaquin aidën chiacpadombuen nabanec bëdambuec tabadtembo tantianuna.

Mateo 22:21

Adoaquien: Ma nuqui iuaquid chuiquid tapambo Sesad neyoc, quepondash. Adsho tantiashumbien Esusën: Ai, aidëna neque. Aid: Bec cho, quesho meneta. Adembidi Nuquin Papa Nuquin Icbombo icquin: Naden nata, cacpadombuen nabanta, quequin Esusën chuipondash.

Epeso 5:21

Esuquidistu tantiaquido yec utsibobëd tantiananec nashunnanta.

Uanën dada uaid 13:35

Ubi tantiaquido yec mibitedi tantianansho issun: Adec tantiananquidombo Esusbëd icquido nec, quequin utsibon tantiatsiash, quepondash Esus.

Petedo 1 2:13

Esus tantiaquid icquin: Cun Icbo Esus icsambuen chuishunnushe, queshun matsesën chuiquidtedishun chiacpadombuen nata. Aden nuquin matses iuaquido Doma yacnocquidon chuiquid tapanquio empedadod caidën chiacpadombuen nata.