Petedo 1 2:16 - El Nuevo Testamento en matsés

¹⁶ Mayan Icsa Satanasën iuaido icsho Esusën bedshunaid yec nëbi Satanasën iuaidpenquio mibi nec. Adquid yequi icsanuec: Ubi bunaiduidi naimbi, quenda. Nuquin Papan iuabo yec bëdambuec tabadta.

Petedo 1 2:16 Referans Kwoze

Cadasia 5:13

Cun utsibo, mibitedi Nuquin Papan Esus tantiamiaido nec. Adquido yanash: Ubi icsate bunaid nanu, quenda. Adec tabadenquio yec utsibobëd tantiananec nashunnanta.

Doma 6:22

Nëbi mimbi icsambuen naid ënshun Nuquin Papa tantiaquin aidën chiacpaden nabanec mibitedi tabadec. Adec tabadquin bëdambuen nabanec mibi bëdambouidi iquec. Aden nabanec tabadsho Nuquin Papan ënenquiocquin abëdi tabadmendac.

Codinto 1 7:22

Iua Esus tantiaquid yanec nëbi iuapenquio yanshun Nuquin Icbo tantiaquin nashumbanquid iquendac. Adecbidi iuaidpenquio Esus tantiaquid yanec nëbi Esuquidistun iua icquin aidën namiaidquio iquendac.

Doma 6:18

Nëbi mimbi icsambuen naid ënshun Nuquin Papa tantiabenash aidën chiacpadombuen utsibo bëdambuen nashunec mibitedi bëdambuec tabadcuenondac.

Cadasia 5:1

Esuquidistun nuquitedi bëdambuen isquin iuapenquio icmiac. Adquid icmiac chieshtoenquio icquin aid tantiec mibitedi bëdambuec tabadendac. Adoaido yequi: Moisesën chiampicpadenuidi nasho Nuquin Papan nuqui bëdambuen istsiash, quec padpidembuec adquidën iuaid yanuainda.

Santiaco 1:25

Padnuen Nuquin Papan Chiaid tantiashun bëshunenquio icquin tantiaquidën aidën chiacpadombuen nabanendac. Nuquin Papan Chiaid icsa nibëdquid yec bëdamboshëcquid nec. Ubi cuidmenquiocte chiaid nec, queshun tantiaquin nabanquid yec Nuquin Papan bëdambo icmiaid iquendac.

Santiaco 2:12

Matses abitedishun naid chuibante uëshë icnuc Nuquin Papan matsesën naidtedi tantiaquin chuibanendac. Aden chuibantequid icnuc utsibo bëdambuen isquin nabanec bëdambuec onquec tabadta.

Epeso 6:6

Min icbon isnuc aidën chiacpadombuen mimbi bëdambuen nabanacpadombuembidi min icbon isenquiocnoc adembidi nabanuata. Esuquidistu: Cun Icbo nec, quequin chieshenquio icquin Nuquin Papa bunacpadombuen naimbi, quequin nidaidënshun min icbon chiacpadombuen nabanta.

Petedo 2 2:19

Adquido icquin: Nuqui bunaiduidi nanuna. Adec nuqui bëdambo ictsiac, quequin chuibanendac. Adoac iuabimbuen ambi icsambuen naid ambembi ëntiapimbo yec icsamboshëcquido iquendac.

Codosas 3:24

Cun Icbo Esuquidistun abi yacno ubi nidacsho issun umbi bëdambuen nabanaidtedi tantiaquin bëdamboshëcquid ubi menendac, quequin tantiaquin nabanta. Nidaidënshun min Icbo Esuquidistu tantiaquin nashunquido mibitedi neque. Aden nabanta.

Mateo 23:13

Adshumbic Moisesën chiampid tantiamequidobëta padiseobo naden chuipondash: Bëdambo icquid danmianquido yec icsambo icquido icsho Nuquin Papan cuidtequidombo mibitedi nendac. Nuquin Papan Chiaid tantienquio icquin aid yacno iuedanquid tantiesa mibitedi nec. Adquid yec mibi aid yacno puduedtiapimbo icquin mimbi chuibanquin mua uac utsibotsen aid yacno puduedtiapimbo icuaindac.

Udas 1:4

Esus tantiaquido danmianquiec mibitedi icsambuen namenuec mibi yacno muaquido puduedac caosh. Ambi ëndenquimbo chuiquin dada uamiampicpadombuen Nuquin Papan cuidtequidombo aido nendac. Adquido icquin: Esuquidistu Nuquin Icbopenquio neque. Aidën chiaid nainquio icnuna. Nuquin Papan bëdambuen isaidombi Ambi Chiaid niacniacquin abi bunaiduidi naquin ambi natemaidi nasho issun nuqui cuidenquio iquec, quequin chiec cumapenec muaique. Aden chiec muasho tantienda.

Tesadonica 1 2:5

Umbi tantiacpadombuen mibitedi namenuen: Mibi bëdambo iquec, quequin chienquio iccondambi. Mibi piucquid bedshunnuen muaquin chiambo iccondambi. Nuquin Papan isquin tantianubi abimbo chuibanondambi.

Uanën dada uaid 15:22

¿Ubi chieshënquidon ubiuidtsëquida chieshëmpadic? Ubi chieshënquimbi ma Cun Patsen chieshënec icsamboshë iqueyoc. Nuquin Papa yacnouësh choambo icquin umbi Ambi Chiaid chienquio icnuc ubi chieshënenquio yec cun matses icsainquio ictsenosh. Mambi Nuquin Papa yacnouësh chondaid icquin aidën chiaidquio chuibamboc. Aden chuibanaqui ubi chieshënquido icsho Nuquin Papan: Mibi icsamboshë iquec, caindac.