Petedo 1 2:12 - El Nuevo Testamento en matsés

¹² Nuquin Papa tantiesabobëd bëdambuec tabadta. Ma aidontsen: Tantiabennu, quiash adta. Adec mibitedi bëdambuec tabadsho issun mibi chieshënquin icsambuen chuishumbuedombi Nuquin Papa tantiabenshun naden chiendac: Papa, Mimbi tantiamiaido bëdambuec tabadsho issun mibi tantiabenombi, quequin Nuquin Papan matses abitedi chuimequin cuidte uëshëmbi aden chiendac.

Petedo 1 2:12 Referans Kwoze

Petedo 1 3:16

Aden chuibanquid yec: Ubiuidtsëqui bëdambo iquebi, quenquio icquin bëdambuen isquin chuibanta. Aden icsambuen naid ënash bëdambuen nabanec mibitedi tabadsho isash chieshëmënquid nadtsiash: Esus tantiec bëdambuec tabadquidobi icsambuen chuiquin muauachitombi, quec dacuëdendac.

Mateo 5:16

Adacbimbuec ubi tantiesabobëd tabadquin: Ma Nuquin Papa abuc tabadquid tantianu, quequin aido ismec Nuquin Papan chiacpaden nabanec bëdambuec tabadta. Nuquin Papa bëdambo iquec, ma utsibotsen quenu, quiash adta, quequin Esusën chuipanëdash.

Codinto 2 8:21

Nuquin Papan isnubi ubitedishun bëdambuen nabanquin matsestedi ismequin adembidi bëdambuen nabanembi.

Tesadonica 1 4:12

Adec tabadec: Cuna nibëdeque. Mitsana bec cho, quenquio mibi ictsiac. Mibitedi adquid icsho isash Esus tantiesabo: Esus tantiaquido bëdambuec tabadec, quetsiash.

Timoteo 1 4:12

Mibi cania neque. Bëdambuec tabadta, mado. Ënden caniaidon: Caniampi icquin Nuquin Papan Chiaid mimbi tantienquio iquec, canushe. Bëdambuec tabadta. Esus tantiaquido utsibotsen ma ubi yacpadec bëdambuec tabadnu, quiash adta. Bëdambuec onquequinc matses tantiaquinc Esus tantiaquinc Nuquin Papan Chiaid niaquenquio icquinc caic bëdambuec tabadta.

Santiaco 3:13

Mibitedi utsi utsiec: Bëdambuen tantiaquidquio nebi, quequid icquin: Ubiuidtsëqui bëdambuen tantiaquidquio nebi, quenquio icquin ma bëdambuen naic tabadquin utsibo ismepanuna.

Pidipos 1:27

Naden mibitedi chuinu: Esuquidistun chiacpadec chieshtoenquio yec bëdambuec tabadta. Mibi yacno nidshun bëdambuec tabadsho isash: Umbi Esuquidistun naid chuibanac tantiabenondaido nec, quetsiabi. Adembidi mibitedi istanquidon mimbi naid chiec: Chieshtoenquio icquin Esus tantiec abentsëc yacbimbuec bëdambuec tabadosh. Adecbidi chieshtoenquioquin Esusën naid chuibansho tantiec bëdambuec tabadosh, quequin chuisho tantiate bunebi.

Codinto 2 1:12

Ubitedi bëdambuec tabadquin ismequid nebi, quequin tantiec bëdambo iquebi. Matsesën tantiamiacpadpenquio yec utsibobëd bëdambuec tabadobi. Nuquin Papanquio tantiamiacpaden ismec utsibobëd bëdambuec tabadobi. Adquiecbidi mibitedibëd tabadobi.

Petedo 2 3:11

Nuquin Papan aden nac abitedimbo nibëdanendac, quiash mibitedi Ambi Chiaid niaquenquio yec Esus tantiaquiec bëdambuec tabadta.

Doma 13:13

Icsambuen nainquio yec bëdambuec tabadquid nebi, queshun peteuidi nua penquio yec tabadquinc tantiadennuen acte paë uaid aquenquio icquinc utsin chido chudenquio icquinc utsin bënë chudmenquio icquinc canuna. Adecbidi utsina isash cuna adquid nibëdec, quiash chieshëmënec tabadenquio icnuna. Adembidi utsin namesho isash chieshëmënenquio icnuna.

Doma 12:17

Utsin chieshënac aidbëd cuidnanec chieshënnanenda. Ma utsibo: Bëdambuec tabadquid nec, quenu, quiash bëdambuec tabadta.

Ebedeo 13:18

Ubitedi tantiaquin Nuquin Papa chianneta. Nuquin Papan: Mimbi icsambuen naic, canushe, queshun bëdambuen tantiaquin naic tabadebi, quioshe. Adembidi bëdambuen tabadme, Papa, cata.

Timoteo 1 2:2

Adembidi Nuquin Papa chuiquin: Chuiquid Tapambobëta chuiquid tapa utsibotedi bëdambuen tantiame. Adoac aidon bëdambuen namiac cuessun secananenquio yec matses abitedi bëdambuec tabadtsiash, Papa, quequin Nuquin Papa chianneta.

Pidipos 4:8

Tantia, cun utsibo. Nëidtsen mibitedi chuinu. Abimbo chiaid tantiata. Matses abitedi bëdambuen isnuna, quequin chiaid tantiata. Icsaisambo icquid yec bëdambo icmianquid tantiata. Icsambuen chuishunenquio yaid tantiata. Aden bëdambuen nateuidquio tantiec tabadta. Aidtedi tantiec cuishonquec tabadta, quequin chiaidtedi tantiata.

Epeso 4:22

Aden chuibanac Esus tantiabenash ënden mibi tabadnëdacpadec tabadenda. Icsambuen naquid iquequi: Bëdambocquid nebi, quec mibibi mua uadnëdacpadec tabadenda.

Ebedeo 13:5

Adecbidi piucquid dadpen bedteuidi bunec tabadenda. Adenquio iquec: Cuna icnuc bëdambo iquebi, Adecbidi cuna daëdpactsëc icnuc bëdambo iquebi, quec tabadta. Adec tabadquin Nuquin Papan ënden naden chuiquin dada uamiampid tantiata. Mibëd iquendabi. Mibi nianenquio icquin dayun uaimbi, quepampic.

Doma 15:9

Adecbidi matses utsibo Nuquin Papan cuidte bunenquio icquin bëdambuen isaido yec ma aido tantiec tabadnu, quiash Esus chopanëdash. Nuquin Papan naden chuiquin dada uamepampic: Adquid icsho nidaid utsi utsiec yacno tabadquid matses utsibobëtan: Nuquin Papa bëdambo iquec, quequin mibi chiendambi. Adecbidi mibi tantiec cuëdënendabi, quequin chuipampic.

Ducas 19:44

Aden icsa uaquin min bacuëbobëtabi naimbudquin mibi cuessun secaindac. Adoshombic cuënote nacnenaidtedi uesquin chic chiquendac. Nuquin Papan Chomiaid chosho tantiesa icsho cuidtequido mibitedi nendac, quepanëdash Esus.

Mateo 10:25

Tantiamiac tantiabenash abi tantiamequidbimbuec icac bëdambo ictsiash. Adecbidi iua aton icbobimbuecbidi icac bëdambo icuatsiash. Aden umbi chiacpadombuen nate bunquid icsho mibitsen icsambuen chuishunquin chieshënendac. Ma podobitsi icsan icbo Bedsebu caid neyoc ¿cainquiodabi ictiosh? Adembidi mibitsen chieshënendac, quequin chuipondash Esusën ubitedi chuiquin.

Mateo 5:11

Ubi tantiaquido icsho utsibon chieshënquin icsambuen chuishunsho abëd tabadmenuen Nuquin Papan mibitedi bëdambo icmendac. Adembidi mibi mëyansho issun bëdambo icmendac. Adembidi: Aido icsambo iquec, quequin mibi mua uashobi Nuquin Papan mibitedi bëdambo icmendac.

Petedo 1 4:11

¿Ada Nuquin Papan ambi Chiaid chuibanquid mibi icmiac? Adquid icmiaid icquin Nuquin Papan Chiaidquio chuibanta. ¿Ada Nuquin Papan mibëtan Esus tantiaquid utsibo nashunquid mibi icmiac? Adquid icmiaid icquin: Nuquin Papan tantiamiacpadombuen utsi nashunquiembi, queshun nashunta. Mimbi adosho isash ma utsibo: Abi namequid Nuquin Papa bëdamboshë iquec. Ambi tantiaid Esuquidistu bëdamboshëcquidbidi yec abitedishun Icbombo nec. Adquid yec nadatiambocquidquio nec, ma quenu, queshun ënenquio icquin tantiata. Amen.

Epeso 2:3

Ënden Esus tantiesa yec icsambuen naidbëta icsambuen tantiaidtedi tantiaquin nabanec nuquitedi tabadpondac. Adec tabadquin nuqui bunacpadombuen nabanquin Ambi Chiaid niacniacsho issun Nuquin Papan nëishënshun: Cumapenen cuidembi, caido nuquitedi icpondac.

Codinto 2 13:7

Aden tantiasho mibitedi tantiaquin: Icsambuec tabadmenda, Papa, quequin chiannembi. Mibi bëdambuec tabadsho issun: Pabadon chuibanaido nec, quequin mibi isquidon chuitsiash, ¿quequindambi Nuquin Papa chiannepadi? Padenquio. Esuquidistun: Ubi chuibenneta, caid Pabado nec, quequin tantiesa utsi utsiec icnubi: Nuquin Papan chiacpadombuen nabanquidquio ma mibi icpanu, quequin Nuquin Papa chiec nebi.

Codinto 1 14:25

Adash: Nëbi Esus tantiate bunebi, queshun ambi icsambuen naid chienquio icbuedëmbi aidtedi chuibanash dannëshën tinquebudshun: Nuquin Papa bëdambo iquec, quequin chuitanec: Abimbo caic. Mibitedibëd Nuquin Papa iquec, quequin Esus tantiaquid yanshun chiendac.

Hechos 24:13

Pabadon icsambuen naosh, quequin Tedtudon umbi naid chuibambued: Abimbo caic, quetiapimbo utsibo iquec.

Hechos 15:14

Isadaidpembo tantiaquin aido Esus chuibanta, quequin Nuquin Papan chiacpaden Simon Petedon chuibanac isadaidpembo Esus tantiaquid yanosh, quequin chuisho nuqui tantioc. Nuquin Papan aidobëta nuqui aton matses icmiac.

Ducas 6:22

Matsesën Tishaid Esus tantiaquid nec, queshun utsibon mibitedi chieshënquin icsambuen chuishunquin mamënshunendac. Adembidi: Icsambocquid nec, queshun mibitedi cuenmendac. Adoaid icshobi Nuquin Papan mibitedi bëdambo icmendac.

Ducas 1:68

Cun matses isadaidbon tantiaid Nuquin Papa chuiquin: Mibi bëdamboshë iquec, canuna. Utsin mëyanquin iuaido icsho choshon nuqui mënchiquendac.

Mateo 9:8

Adosho isash dacuëdtanequien: Adquidshenda icpec. Nuquin Papan namiaid icquimbien nachitec. Abi namequid Nuquin Papa bëdambo iquec, quecuededpanëdash isquido.

Hechos 25:7

Aden bëmiac puduedsho isash cun matses isadaidbon chuiquido Edusaden yacnouësh chochobuedo Pabadon naid chiec abimbo chiacbimbuec muaic onquecuededpanëdash: Abimbo chiec. Nasho isombi, utsibo quetiapimbo icnuc.

Uanën dada uaid 13:31

Udas nidbombien Esus: Matsesën Tishaid icquimbi Nuquin Papan Chiaidtedi nëbimbobimbi nainendac. Umbi nainsho issun: Abitedishun Icbo icquin Nuquin Papan namiac ambi tantiaidtedi nainosh, caindac matsesën. Adembidi ubi cain: Abëd abitedishun Icbo icsho Nuquin Papan namiac nainosh, caindac.

Hechos 28:22

Padnueni mimbi tantiaid mimbi chuisho tantiate bunec. Utsiboen nidaid utsi utsiec yacno tabadquido: Quidistubo icsambocquid nec, quepec, quepondash Doma yacnocquid isadaidbon chuiquido Pabado caic.

Doma 14:18

Adec Esuquidistun chiacpadec tabadsho issun Nuquin Papan: Bëdambo iquec, canubi matsesëntsen: Aido bëdambo iquec, cauaindac.

Timoteo 1 5:10

Matses nashunquidquio nec, utsibon cadenned. Aton bacuë bëdambuen caniuadenned. Isedanquido aton shubu yacno chosho bëdambuen isquin nashundenned. Esus tantiaquido tantiaquin acten tapandenned. Matses daicsabudaidbëta nënquido natiamiaido nashundenned. Adec bëdambuec tabadtenned icsho issun: Ma Esus tantiaquidon nashunnu, cata.

Petedo 1 2:15

Nuquin Papa mibitedi bëdambuen naic tabadmete bunquid nec. Adquid icsho tantiesabo icquin mibitedi icsambuen chuishunte bumbuedombi mibi icsambuen chuishunenquio iquendac.