Biblia Todo Logo
Bib sou entènèt

- Piblisite -




Petedo 1 1:6 - El Nuevo Testamento en matsés

6 Umbi aden chuisho tantiash mibitedi cuishonquendac. Esus tantiesabon natiamequin chieshënac natiec shubitiadquio icbuedi mibitedi bëdambo yanendac. Nuquin Papabëd tabadtequid nebi, quec natienquio mibi iquendac.

Gade chapit la Kopi




Petedo 1 1:6
47 Referans Kwoze  

Tantia, cun utsibo. Mibitedi chuinu. Natiamiantequid utsi utsiec icnubi chieshtoenquio yec cuishonquec tabadta.


Aden utsibon chieshënquin natiamiaido yec iuec iuecpactsëc mibitedi mëyadec tabadendac. Adec tabadsho Nuquin Papan bëdamboshëcquid icmequin dayacquiocquid yacbimbuecnuc chieshtoenquio icquid mibi icmendac. Adembidi nuqui tantiaquidquio icquin ambi Esus tantiamiaido icsho abi yacno buanshun nuqui bëdamboshëcquid icmiac ënëdenquio yec Esuquidistubëd daëdash abentsëc yacbimbuecnuc tabadmendac.


Uënësacsho abi yacno Esusën ubi tabadmendac, quequin cainec cuishonqueta. Utsibon chieshënquin natiamiaqui chieshtoenquio icquin tantiata. Ënenquio icquin badedbadedquien Nuquin Papa chianneta.


Abi tantiaquido icsho nuquitedi cuidmenquio icnuec abided cuidadec Esuquidistu uënëspanëdash, quequin nuquitedi tantiec. Aid tantiashouidtsëqui Nuquin Papan bëdamboshë yacno abëdi nuqui tabadmendac, quec chieshtoenquio yec nuqui cuishonquec.


Aden utsibon chieshënaqui chieshtoenquio yec cuishonqueta. Adembidi ënden min tsusedpabo Nuquin Papan oncamiaidon chuibansho issun chieshënquin utsibon cuessunnepampic. Aden nampid icnuc utsibon chieshënac: Ubi bëdambuen isquin uënësacsho abuc abëdi tabadmequin ubi bëdamboshëcquid menendac, quiash cuishonqueta, quequin Esusën chuipanëdash.


Ubi tantiaquin umbi chiacpadombuen naic ubëd abentsëc yacbimbuec natienquio yec tabadec ma bëdambo icnu, quequin tantiaquin dadpen mibi chuibanombi. Nidaidënuësh mibitedi natiec shubitequid iquendac. Adquid icnuc natienda. Chieshëmënquid dacuëdënenda. Mayan Icsa Satanas dëniacquidquio icquin mibi aid iuametiapimbo icquid nebique. Dacuëdenda, quepondash Esus abëd icquido chiec.


Adquiecbidi nëbimbobi ubi uënës uasho isash mibitedi natiaquiendac. Adbuedi iuecpactsëcshun ubi padpiden istanec mibi cuishonquendac utsibon ënmetiapimbo yec.


Adshumbic: Ubi tantiata. Dayacquiocquid yacbimbuecnuc mibi bëdambo icmembique. ¿Mitsipadequibi Nuquin Papa yacno puduedpatsia? quiash uinmambo icbuedëmbi ubi tantiasho Nuquin Papa yacno puduedtequid mibitedi icmembique. Ubi tantiata.


Adembidi aidën tantiamiacpadombuen nuquitedi cuidmenquio icnuen Esuquidistu uidtsëqui cuidmequid bëdambo iquec, quequin Nuquin Papa tantiec nuquitedi cuishonquec. Adembidi icsambuec tabadbuedëmbi nëbi Esuquidistu uidtsëqui tantiasho Nuquin Papan bëdambo icmendac.


Aidtedi yacno chouaquin Esus tantiaquido naden chuibampanëdash: Natiamiantequid iquendac. Adquid icnuc Nuquin Papan namiacno tabadtequid nebi, quequin Esus tantiec chieshtoenquio yec tabadta, capanëdash Pabadon.


Aden mimbi chiacpadec podobitsi icsa dapuduensho isash: Bëdambo iquebi, quec cuishonquenda. Adenquio yec: Nuquin Papa yacno ubi cuëmëdquid ënden dada uaid icnuc abi yacno ubi puduedte iquec, quequin tantiec: Bëdambo iquebi, quec cuishonqueta, capanëdash Esusën.


Tantia, mibitedi chuinu. Nuquin Papan abitedi cuidte uëshë nëbi yanec, queshun mimbi icsambuen naid ënash bëdambuec tabadquin ënenquio icquin Nuquin Papa chianneta.


Icsambuen naombi, quiash uënësquio yec shubita. Cuishonquec mamëmbuedi uënësquio yec shubita.


Nuqui natiamiaidtedi ënëdendac. Natiamiaid icbuedi Nuquin Papa yacno tabadec bëdamboshë nuqui iquendac. Uënësesa yanash ënëdenquio yec tabadendabi, quequin nuqui tantiec.


Esus tantiaquid atona nibëdquid icsho Nuquin Papan: Mibi bëdambo iquec, caindac. Adoac: Nuquin Papan bëdambo icmiaid nebi, quendac.


Shui dëbid dëtemequidbimbuecquido yec nuquitedi Esus tantiaquidombo nec. Adquido icsho aton Mayanën tantiamiac Nuquin Papa tantiaquido nuqui nec. Adash: Esuquidistuna nebi, quiash nuquitedi cuishonquendac. Aden tantiaquid icquin: Shui dëbid dëtemequin Nuquin Papa bëdambuen ismembi, quetiapimbo nuqui iquec.


Uënësquio icmiaqui bëdambo iquebi. Cuna nibëdnubi: Ma Esuquidistu tantiaquido utsibo dadpen icnu, queshun chuibanec bëdambo iquebi. Cuna nibëdec, quiashic: Nuquin Papa yacno abitedi cuna nec, quequin tantiec bëdambo iquebi.


Aden tantiaquid yec ubi Nuquin Icbo yacpadec chieshtoenquio icsho isash mibitsen chieshtoenquio iccondac. Umbi Nuquin Papan Chiaid chuibanac Nuquin Papan Mayan Bëdan namiacpadec cuishonquequin mimbi Esus tantiabenondac utsibon chieshënquin natiamequionobi.


Nuquin Icbo Esus tantiec cuishonqueta. Esus tantiaquiec cuishonquequiota, caimbi.


Padnuen Nuquin Papan Mayanën tantiamiaid nadec tabadquid. Nuquin Papa tantiec utsibobëd tantiananec bëdambuec tabadquid. Esus tantiec cuishonquec tabadquid. Nuquin Papan ubi bëdambuen isec, quec bëdambuec tabadquid. Utsibon chieshënaqui badedquio chieshtoenquio yec tabadquid. Utsibo tantiaquin nashunec tabadquid. Bëdambuen tantiaquin nabanec tabadquid. Chieshtoenquio icquin Nuquin Papa tantiec tabadquid.


Aidi mibitedi padpiden iste bunec uënësquio yec tsadposh. Ubi nënec uënëstsembued cun matses chuinuec nidaccosh, quiash shubiantiadtsëcquio icposh.


Adsho issumbien Nuquin Papabëd icquid chobuedën: Dacuëdenda. Chiaid Bëda matses abitedi cuishoncametequid chuinuec chobique. Dacuëdenquio icquin tantiata. Chuinu.


Abi yacno ubi tabadmequid Nuquin Papa nec, quequin tantiec cuishonquec bëdambo iquebi.


Adashic Petedobëta Sebedeon mado daëd Uambëta Santiaco buanec nidequi natiaquiec uënësquioshë yampanëdash.


Nuquin Papan tantiacpadec Esus tantiaquid yec mëyadsho: Icsambo iquec, catiapimbo iquec. Icsambuen naquid yec mëyadac bëdambo ictsiash.


Swiv nou:

Piblisite


Piblisite