Petedo 1 1:3 - El Nuevo Testamento en matsés

³ Nuquin Papa, Nuquin Icbo Esuquidistun Papa, bëdamboshë iquec, canuna naden tantiaquin: Icsambuen naquido cuidte bunenquio icquin uincuenmequin chuca nuqui icmenuen Nuquin Papan abided cuidadec uënësaid Esus nuqui tantiamiondash. Adoac nuqui naden tantiec: Esuquidistu uënësacsho chococac uincuenash padpidec uënëstiapimbo iquendac. Adembidi Esus tantiec uënësacsho uincuenmeshun Nuquin Papan abi yacno nuqui tabadmendac padpidec uënëstiapimbo icnuc.

Petedo 1 1:3 Referans Kwoze

Petedo 1 1:23

Ambi chiaidquio tantiamequin chucauaido mibitedi nec. Dadan chudac bacuë usundoshon tishac chuca uaid ictiapimbo yec uënëstequid icnuc Nuquin Papan chucauaido mibitedi nec. Aden mibi chuca uaquid Nuquin Papa nibëdantiapimbo icquid icnuc ambi Chiaid adecbidi bënnudtiapimbo iquec.

Uan 1 5:4

Aden Nuquin Papan: Cun bacuëbo nec, caido icsho Nuquin Papa tantiesabon: Icsambuen namenu, quequidën icsambuen chiac: Padi. Adotiapimbo iquebique. Aden ubi chienda, caindac Esus tantiaquidën Esus tantiesa dëniacquin chuiquin.

Doma 15:13

Nuquin Papa tantiaquido icsho mibitedi tantiaquin naden chiannembi: Aido bëdambuec tabadmequin cuishoncameta. Adembidi min Mayan Bëda nadatiambocquidën tantiamiacpadombuen cainec tabadmeta, quequin Nuquin Papa chiannembi.

Epeso 1:7

Matses bëdambuen iste bunquidquio icquin Nuquin Papan namiac Esuquidistu aton intac chididiquec uënësaidën nuquitedi icsambuen naid bedshunquin nuqui icsambuen naid tantienquiocnoc Nuquin Papa bëshunmendac.

Codinto 2 1:3

Nuquin Papa Nuquin Icbo Esuquidistun Papa bëdambocquid nec. Aidi nuquitedi tantiaquidquio icquin nuqui natiamiac natiambo icsho issun uënësquio icquin bëdambo icmianquidquio nec. Adenuidi Nuquin Papan naindac.

Uan 1 3:3

Adquid yantequid nebi, quequin caimbudec Esuquidistu icsambuen nainquio yec tabadondacpadquiec nuqui icsambuen nainquio yec tabadendac.

Doma 12:12

Uënësacsho abi yacno Esusën ubi tabadmendac, quequin cainec cuishonqueta. Utsibon chieshënquin natiamiaqui chieshtoenquio icquin tantiata. Ënenquio icquin badedbadedquien Nuquin Papa chianneta.

Uan 1 2:29

Esuquidistu Nuquin Papan chiacpadombuen naquid yec bëdamboshëcquid nec. Adembidi ambi chiacpadombuen naquidotedi bëdambuen isquin Nuquin Papan: Cun bacuëbo nec, caindac, quequin mibitedishun tantiec.

Epeso 1:3

Nuquin Icbo Esuquidistun Papa Nuquin Papa bëdamboshëcquid nec. Adquid icquin Esus tantiaquid icsho abëd abuc bëdambuec tabadacpadquidquio nuquitedi icmiac, quequin: Nuquin Papa bëdambocquid nec, canuna.

Epeso 3:20

Nuquin Papa bëdamboshë iquec. Adquid yec nadatiambocquid icquin nuqui chianniaid tantiaquid icquin nuqui: Aden ubi nashunendac, quequin tantiacmaidi nuqui nashunquid nec.

Epeso 1:17

Nuquin Papa Nuquin Icbo Esuquidistun Papa bëdamboshëcquid icsho naden chiannembi. Mimbi aido Min Mayan meniaidën ma bëdambuen tantiamepanuna. Aden tantiamiaido icquin: Nadquio Nuquin Papa iquec, quequin ma abimbo tantiapanu, quequin mibitedi tantiaquin Nuquin Papa chiannembi.

Petedo 1 3:21

Aid acte cubudnëdaid tantiaquin acten mentomete nec, quequin nuqui tantiec. Nëbi nuqui bëdambuen isquin mënchicaido icquin acten mentomec. ¿Nuquin dadan icquid bëchish ucquinda nuqui acten mentomedi? Padenquio. Nuquitedi acten mentomec Nuquin Papa naden chuiquin: Umbi icsambuen nabanaidtedi bëchish ucacbimbuen mibi tantiembique. Ubi bëdambuen ista, quequin acten mentomec. Aden abi tantiasho Nuquin Papan uincuenmenëdaid icquin Esuquidistun nuqui cuidmenquio iquec.

Timoteo 1 1:14

Aden icsambuen naquid icshobini cuidenquio icquin Nuquin Icbo Esusën ubi tantiaquidquio icquin tantiamiac: Abi tantiasho ubi bëdambuen istsiash, queshun Esusquio tantiabenondambi. Adshun matsestsen tantiaquiembi.

Epeso 2:4

Aden cuidembi, quebuedëmbi nuqui cuidte bunenquio icquin Nuquin Papan nuquitedi tantiaquiec.

Santiaco 1:18

Chiaid Bëda Esusën naid abimbo chuibansho tantiashun ubi tantiabenquido chuca uaquin: Cun bacuëbo nec. Ëbëd tabadtequid nec, caindambi, quequin Nuquin Papan tantiapampic. Ambi matses uaidotedi chienquio icquin abi tantiaquidouidtsëqui tantiaquin aden chuipampic.

Tito 2:13

Cun Icbo Esuquidistu ubi Nuquin Papa cuidmenquiocquid bëdamboshëcquid chote uëshë chonoc cuishonquendabi, quequin caimbudec bëdambuec tabadta, quequin chuiquin tantiameuata.

Codinto 1 15:20

Esuquidistu Nuquin Papan abia uincuenmepanëdash, quequin umbi chiaid ma abimbo iqueyoc. Aidba uincuenmeshun ambi tantiacpaden abi tantiaquidotsen abitedimbo uincuenmendac, quequin abimbo chiec nebi.

Codinto 1 13:13

Nëidtedi ënëdtemaid iquec: Abimbo caic, quequin Nuquin Papa tantiaid ënëdtemaidquio nendac. Adecbidi Nuquin Papa yacnouësh abipadquid bëdambocquidquio iquendabi, quequin cainquin tantiaid ënëdtemaidquio nendac. Adecbidi utsibobëd tantiananaid ënëdtemaidquio neuaindac. Adec aidtedi ënëdtemaid icnubi utsibobëd tantiananec tabadtembuen natequidquio nendac.

Uan 1 3:9

Nuquin Papan: Cun bacuëbo nec, caido icquin ambi icsambuen naid abi nabantiapimbo iquendac. Nuquin Papan aton Mayambëd tabadmiaido yec icsambuen naic tabadtiapimbo iquendac.

Petedo 1 2:2

Adenquio yec tishac chucactsëc bacuëmpi shuma chishte bunquiacbimbuec Nuquin Papan Chiaid iste bunquiota. Bëdiactsëc tantiabuedi canidoacbimbuen aid isban isbanquin aidën chiacpadombuen natiadquio yanec Esus tantiaquidquio yanec aidbëd tabadtequid ictsiabi, queshun Nuquin Papan Chiaid isbanquiota.

Ebedeo 3:6

Padnuen Esuquidistu Nuquin Papan Madombo nec. Adquid icquin aton Papan shubun icquido namequid nec. Aden aton shubun icquido dayun uacbimbuen nuqui dayun uaindac. Adoac aidën shubun icquidbimbuecquid nebi, queshun chieshtoenquio icquin Nuquin Papan chiacpadombuen nuqui naindac. Aden naquido icsho abi yacno nuqui tabadmendac, quiash cuishonquequin abi cainquido Esusën dayun uaindac.

Tesadonica 1 1:3

Aidon Esus tantiaquin mimbi chiacpadombuen matses tantiaquin nashumbanondash, Papa, quequin Nuquin Papa chiannembi. Abi yacno abi tantiaquido buannuec Nuquin Icbo Esuquidistu padpidec choec, quesho utsibon chieshënaqui chieshtoenquio icquin Esusën naid abi chuibanondash, quequin ubëd icquidobëtan ënenquio icquin mibitedi tantiembi.

Codosas 1:27

Aden Nuquin Papan ambi matses tantiamenquio icpampidi bëdamboshëcquid Esuquidistu Isadaidpembo tantiamebempanëdash. Adoac Esuquidistu tantiaquido yansho issun Nuquin Papan cun matses caido yec bëdamboshëcquid yacno aidbëd tabadtequid nebi, quequin tantiaquin cainec tabadendac.

Doma 8:24

Aden chieshtoenquio icquin cainquido icsho Nuquin Papan nuquitedi abi yacno tabadmendac. Aden cainec tabadquin nuqui isaidtedi caintiapimbo iquec. Adquid icsho ¿tsuntsin ambi isquin tantiaid cainuapec?

Doma 8:11

Nuquin Papan Esus uincuenmepanëdash. Aidëmbi aton Mayambëd tabadquid yec uënësacsho uincuenmequin mibitedi dada chuca uaindac.

Uanën dada uaid 1:13

¿Matsesën tantiacpadenuidi tantiaquidta adopanëdash? Adembidi: Nuquin Papan Mado nebi, quequin ¿ambembi chuiquidta Nuquin Papan cun mado capanëdash? Padenquio. Nuquin Papan tantiamiacpadombuen aton Madombo Esus tantiaquid icsho dada cun mado caquimbi chido cun champi capanëdash.

Uan 1 5:18

Nuquin Papan: Cun bacuëbo nec, caido icquin icsambuen nabanesa nec, quequin nuqui tantiec. Aden abi tantiaquido icsho Nuquin Papan Madon Esusën dayun uaid icsho Mayan Icsa Satanasën icsa uatiapimbo iquendac.

Uan 1 5:1

Nuquin Papan nidaidën chomiaid Mesias caid Esuquidistu nec, quequin tantiaquid Nuquin Papan: Cun bacuëbo nec, caido nendac. Matses caic: Amë tantiaquin aton bacuëbotsen tantiaquid nec.

Codosas 1:23

Chieshtoenquio icquin cainquin Esuquidistu tantiaquid icsho abi yacno mibi iuedendac, quequin chuibansho mimbi tantiondac. Adenuidi Chiaid Bëda ënenquio icquin tantiata. Adombuembidi shubu dadpen icquid Doma yacno chuiquid tapan namiacnoshon chuibennesho nidaid utsi utsiec yacno tabadquidon tantiapanëdash. Umbitsen adembidi aid chuibennepondambi.

Doma 5:10

Abi chieshënquido icsho issun nuqui cuidte bunenquio icquin Nuquin Papan aton Madoded cuidmepanëdash. Aden aton Madoded cuidmiash nëish bëdanshun abi tantiaquido bëdambo icmeshun abi yacno tabadmendac. Nëbi Nuquin Papan uincuenmenëdaid icquin Esusën nuquitedi cuidmenquio iquendac.

Doma 4:25

Nuquin Papan tantiacpadec nuquitedi cuidmenquio icnuec nuqui icsambuen naid bedshunec abided cuidadec Esus uënëspanëdash. Adec uënësash uincueniaid tantiasho Nuquin Papan icsambuen naisabimbuecnuc nuqui bëdambuen isendac.

Uan 1 4:7

Tantia, cun utsibo, umbi tantiaido icsho mibitedi chuinu. Nuquin Papa tantiaquido yec utsibobëd ënëdenquio yec tantiananec tabadnuna. Aden Nuquin Papan nuqui utsibobëd tantiananmendac. Adec tantiananquid icquin nuqui naden tantiec: Ambi: Cun bacuëbo nec, caido icquin Nuquin Papa tantiaquid nebi, quequin nuqui tantiendac.

Tesadonica 1 4:13

Tantia, cun utsibo. Mibëd icquido Esus tantiaquido uënësacsho isash: Padpiden isenquio iquembi, quequin Esus tantiesabon tantiacpaden tantiec uënësquio icnuc baded ënëdenquio yec shubinushe, queshun mibi abimbo chuinu.

Cadasia 6:16

Umbi aden chuisho tantiash: Abimbo mimbi caic, quiash bëdambuec tabadsho Nuquin Papan: Cun matsesquio nec, caindac. Aido Nuquin Papan bëdambuen isquin cuidenquio iquendac. Isadaidbobëta isadaidpembo adotsiash.

Tesadonica 2 2:16

Nuquin Icbo Esuquidistubëtan Nuquin Papan nuqui tantiaquin bëdambuen isec. Adembidi: Nuquin Papa yacno Esusbëd iquendabi, quequin tantiamequin nuquitedi bëdambo icmec.

Petedo 1 1:13

Aden umbi chuibued tantiashun Esus tantiaquido icquin bëdambuen chiaidquio tantiata. Mibi icsate bunacpadec icsainquio yec tabadta. Nuquin Papa bëdamboshëcquid icquin abi yacno tabadmenuen: Bedtan, cac Esuquidistun chouashun abi tantiaquido beduanendac, quequin ënenquio icquin tantiata.

Petedo 1 1:21

Aden abi tantiasho Esuquidistunuidtsëqui Nuquin Papa mibitedi tantiamec. Adoac mimbi naden tantiec: Esus uënësacsho uincuenmeshun abëdi tabadmequin abitedishun Icbombo Nuquin Papan icmepanëdash. Ambi tantiacpadombuen naquidquio Nuquin Papa nec, quequin mimbi tantiec.

Petedo 1 3:5

Adecbidi ëndenquimboshë tsusedpabon chidobo bëdambuen Nuquin Papa tantiaquid yec adquio icpampic. Adquido icquin aton bënën chiacpadombuen naic bëdambuec tabadpampic.

Petedo 1 3:15

Dacuëdenquio icquin: Cun Icbo Esuquidistu nec, quequin tantiaquin aidën chiacpadombuen nata. Aden mimbi tantiasho isash utsibo: ¿Mitsipaden tantiaquin Esus tantiaquin nai? quesho tantiashun: Ambi chuinëdacpadombuen abi tantiec uënësacsho abi yacno ubi tabadmendac, queshun Esus tantiembi, quequin utsibo chuibanta.