Petedo 1 1:1 - El Nuevo Testamento en matsés

¹ Petedo nebi. Esuquidistun: Ubi chuibenneta, caidquio nebi. Esus tantiaquido icquin mimbi iste dada uanu. Isadaidbo icsho nuquin nidaidënshun ënden cuenmenëdac maismaisnëdash nëidtedi nidaid cuëshë yacno mibitedi tabadec. Nëidic Ponto yacno. Utsibic Cadasia yacno. Utsibic Capadosia yacno. Utsibic Asia yacno. Utsibic Bitinia yacno quec tabadec. Aidtedi yacno tabadquidon iste nëid dada uaic nebi.

Petedo 1 1:1 Referans Kwoze

Santiaco 1:1

Santiaco nebi. Nuquin Papan namiaidquio yec Nuquin Icbo Esuquidistun namiaidquiobidi nebi. Adquid icquin nuquin tsusedpa Acobon mado docetedshun tsiuecquido yec uanno uannuec nidanniash tabadquin Esus tantiaquido icsho mibitedi tantiembi, quequin chiec nebique. Isec onqueta.

Ebedeo 11:13

Aden umbi chuibuedotedi caidacsho Nuquin Papan: Mibi nidaid menendambi, quequin chiampicpaden aid bedambobi uënësbudnepampic. Aidon Nuquin Papan Chiaid tantiaquid icquin uannoshon isacbimbuen isec cuishonquequin tantiaquin naden chuipampic: Nëid nidaidën tabadec quenenenquio iquendabi, quequin tantiapampic.

Epeso 2:19

Adquid iquec mibitedi isadaidpembo icbuedi nëbi Nuquin Papan Cun matses caido yanash ënden Nuquin Papan Cun matses canëdaidobëd tabadtequido mibitedi nendac. Nuquin Papan shubun icquidobimbuecquido mibi nec.

Hechos 8:4

Aden Saudon Esus tantiaquido mëyambanosh, quesho tantiash Edusaden yacnouësh cuenec shubu dadpen icquid utsi utsiec yacno nidanneshun Esus tantiaquidon: Esus tantiash Nuquin Papabëd tabadte iquec, quequin Chiaid Bëda Esusën naid chuibennepanëdash.

Uanën dada uaid 11:52

Aden Caipasën chuinëdaid tantiaquin umbitsen chuinu. Tantia. ¿Isadaidbouidtsëqui cuidmenquio icnuecta Esus abided cuidadec uënëstiondash? Padenquio. Matses utsibontsen abi tantiaquido yansho Nuquin Papan: Cun mado nec. Cun champi nec, caido icsho abëdi tabadmenuec Esus abided cuidadec uënëspondash, quequin tantiembi.

Mateo 24:22

Adquid icnuc Nuquin Papan ënmenquio icnuc matsestedi nibëdantsiandac. Adquid icnubi ambi: Umbi tantiamiaido nec, quequin tantiaquin Nuquin Papan ënmendac, quepondash Esus.

Petedo 1 2:11

Tantia, cun utsibo, umbi tantiaido icsho mibitedi chuinu. Nëid nidaidën iuec tabadtiapimbo icquido mibi nec. Adquid icnuc Esus tantiesabo abi icsate bunacpadec icsainda. Aden naic cuidadtequid yanmane, quiash bëdambuec tabadta.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Epeso 2:12

Adquid icnuc: Nadquid iccondabi, quequin tantiata. Ënden Esus tantiesabo yec isadaidpembo icquin: Cun matses tsusedpabo chuiquin Nuquin Papan: Umbi chiacpadombuen nasho adoendambi, quequin chuipampic, quetiapimbo mibitedi iquec. Isadaidbon aden chuipampic. Adecbidi nëid nidaidën tabadec Nuquin Papa tantiesa icquin abëd tabadte caintiapimbo mibitedi icpondac.

Codinto 2 1:8

Tantia, cun utsibo. Nidaid cuëshë Asia caid yacnoshon ubi chieshënquin natiamebued mibi tantiamequin chuibannu. Mëmuntiapimbocnoc natiamioshi. Adoac: Uënësebi, quequin tantiauidombi.

Hechos 18:2

Ambo isadaidbo Aquida cuëmëdquid nidaid cuëshë Ponto caid yacnoshon tishaid Pabadon istuidpanëdash. Aid ambo choabicnubi: Isadaidbotedi nidaid Itadia yacnouësh nidta, Doma yacnocquidon chuiquid tapa Cadaudion cac aton chido Pisida cuëmëdquidbëd Codinto yacno Aquida chopanëdash.

Esusën Uan ismiaid 1:11

Naden chuiposhi: Umbi ismiac mimbi isaidbëta Umbi Chiaidtedi dada uabanta. Adoshombic nidaid Asia caidën icquid shubu dadpen icquid 7ted icquid uanno uannombuec tabadquin Esus tantiaquidtedishun iste nëidtedi yacno dada uashun buanmeta. Nëidic Epeso yacno. Nëidic Esmidna yacno. Nëidic Pedcamo yacno. Nëidic Tiatida yacno. Nëidic Saddes yacno. Nëidic Pidadedpia yacno. Nëidic Daudisea yacno. Aidted yacnocquidon iste dada uashun buanmeta, quec cumapenec onquequin chuiposhi.

Timoteo 2 1:15

Mibi tabadaid nidaid cuëshë Asia caid yacnocquido dadpen ubi nianec cuëshëdondaid mimbi tantiec, mado. Piquedobëd Edmoquenes adecbidi ubi nianec ubëd cuëshëdondash.

Cadasia 1:2

Nëmbocquid Esus tantiaquidobëtan mibitedi tantiembi. Nidaid utsi Cadasia yacno tabadquin Esus tantiaquido icsho mibitedi chuiquin dada uaic nebi.

Codinto 1 16:19

Nidaid cuëshë Asia caidën icquid Esus tantiec iccuededquid utsi utsiec yacnocquidon: Mibitedi tantiembi, quequin chuita, cac mibitedi chiec nebi. Adembidi Aquidan aton chido Pisidabëtan aton shubu yacnoshon Nuquin Icbo tantiec iccuededquidon: Aido tantiaquiembi, quequin chuita, cac chiec nebi.

Hechos 19:10

Adec seta daëd matanmequin Pabadon Nuquin Papan Chiaid chuibampanëdash. Aden nidaid Asia caidën icquidtedishun isadaidbobëtan isadaidpembon Nuquin Icbo Esusën Chiaid chuibansho tantiapanëdash.

Hechos 18:23

Antioquia yacno choash iuec tabadashic padpidec puduanec Esus tantiec iccuededquido yacno yacnombuen isbennequin tantiametannu, quianec nidaid cuëshë Cadasia caid yacno nidash tabadquin: Chieshtoenquiocquin Esus tantiec bëdambuec tabadta, quequin chuibampanëdash. Auëshquio nidequi nidaid Pidiquia caid yacno nidshun adombuembidi Pabadon chuibanuapanëdash.

Hechos 6:9

Aden nadatiambocquin naquin ismiaqui bëdambuen tantienquio yec utsibo nëidtedi yacnocquido cumapenec cuëdcuededpanëdash. Nëidic Nuquin Papan Chiaid chuibante shubun puduedquido iua iccondaidi iuapenquio yanaido. Nëidic shubu dadpen icquid Sidene yacnouësh choquido. Utsibic shubu dadpen icquid Adejandedia caid yacnouësh choquido. Utsibic nidaid cuëshë Sidisia caid yacnouësh choquido. Utsibic nidaid cuëshë Asia caid yacnouësh choquido. Aidtedi Edusaden yacno chochoash tabadquin Esteban chiec: Icsambuen mimbi chiec, quequin chuibededpanëdash.

Uanën dada uaid 7:35

Adsho tantiash ambo tabadquido cun matses isadaidbon chuiquido: Nuqui istuidmenquio icnuec ¿mitsimbo nidpanuec nec? Matses utsi yacno tabadnuec nuquin matses nidanniondacno nidshun ¿Nuquin Papa tantiesabo quidieco caido chuibannuecta nepec?

Mateo 10:2

Nëidtedi ambi: Ubi chuibenneta, caido icpondash. Nëidic Simon cashumbic Petedo cuënaid. Nëidic aton utsi Andedes. Nëidic Sebedeon mado Santiacobëd Uan.

Mateo 4:18

Aden chuibennec chian dapa Cadidea caid cuëman nidquin isaquien dadan aton utsibëtambi nëshaid tapa acte nënepec. Aidi Simon cashumbic Petedo caidbëd aton utsi Andedes nepanëdash. Aid daëdshun nuëcquid bedquidombo icquin aton nëshaid acte nënesho istuidpanëdash Esusën.

Ducas 18:7

Adombuembidi ambi: Cun matses nec, caidon: Ubi chieshënquid cuidta, quequin ënenquio icquin chuidoniac: Cuidnu, ¿quenquioda Nuquin Papa icpec?