Mateo 9:6 - El Nuevo Testamento en matsés

⁶ Istac. Mibi ismenu. Matsesën Tishaid iquequi nidaidënuësh Nuquin Papan namiaid yec icsambuen naidtedi tantienquio yec bëshunquid nec, quequin mabi tantianu, quetanquin dada shëquëquenquio icquid chuiquin: Nidtoshon mibi bëbued nandote chiadtoshon buanec min shubuno nidec nid, capanëdash Esusën.

Mateo 9:6 Referans Kwoze

Mateo 9:5

Umbi: Mimbi icsambuen naidtedi tantienquio yec bëshunobi, quequin chuinuc ¿bëdantequidpenquioda nedic? Adecbidi mibi daicsaid icbuedi mibi bëdanoque. Nidtoash nidec nid, quequin umbi chuinuc ¿bëdantequidpenquiobidida neuadic?

Codinto 2 2:10

Aden umbi dada uaquin chiacpaden mimbi puduedmenquio yac ambi icsambuen naid ënsho issun ambi icsambuen naid nibëdacbimbuec bëshunshun bëdambuen isquin iuedosh, quesho tantiashun adombuembidi bëdambuen isuaimbi. Aidbëdi iccuededosh, quesho tantiash aidën icsambuen naid tantienquio yec bëshunebi Esuquidistun tantianubi.

Codosas 3:13

Mimbi nacpadombuen utsibon nainquiocsho issun: Tantienquiocquid nec, quenquio icquin adembi chuiban. Adecbidi utsin mibi icsambuen chieshënquin nasho isash aidën naid tantienquio yec bëshunta. Nuquin Papa umbi icsambuen naidtedi tantienquio yec bëshunosh, quec adta.

Epeso 4:32

Adecbidi bëdambuec tabadquin utsibo uënësquio icquin tantiaquin nashunnanta. Esuquidistunuidtsëqui nac mimbi icsambuen naid tantienquio yec Nuquin Papa bëshunacpadquiec utsin mibi icsambuen naid tantienquio yec bëshunuata.

Codinto 2 5:20

Esuquidistun: Umbi naid chuibenneta, caido ubitedi nebi. Adquido icquin umbi chuibannubi Nuquin Papan: Aidon chiaid tantiata, caido icquin abi tantiaquid yanshun: Umbi icsambuen naid bedshunash Esuquidistu abided cuidadpanëdash, quequin Nuquin Papabëd tabadte bunquin mimbi icsambuen naid ënshun Esuquidistu tantiaquiota.

Hechos 9:34

Esuquidistun mibi bëdanmeque. Nidtoshon min uete buannun nacnenta, Eneas, Petedon cac badedquio bëdanec nidtopanëdash.

Hechos 5:31

Aden uincuenmeshun aton dayun abiucquio tsadmequin abitedishun Icbombo icmeshun abi yacno matses puduedmequidquio Esus icmepanëdash. Aden nabanaid tantiash isadaidbo ma aidquio tantiaquid icpanuna. Adsho issun ma aidon icsambuen naid tantienquio yec Nuquin Papa bëshumpanuna.

Uanën dada uaid 17:2

Mimbi icmiacpadec abitedishun Icbo icquin mimbi ubi tantiamiaidotedi matses nuquibëd ënëdenquio yec tabadtequido icmendambi, Papa.

Uanën dada uaid 10:28

Aido uënësacsho Nuquin Papa yacno tabadmendambi padpidec uënëstiapimbo icnuc. Uënësabi icsho bëdambuen dayun uaindambi. Umbi adosho icsamianquidën: Iuanu, quequin ubi bedshuntiapimbo iquendac.

Ducas 5:21

Aden chuisho tantiash padiseobobëd Moisesën chiampid tantiamequido ambibi tantiacpadec onquec: Nuquin Papanuidtsëqui chuitequidquio chuibanquin Nuquin Papa icsambuen chuishunquid yec ¿tsutsi nepec? Nuquin Papa abentsëcquiobien icsambuen naidtedi tantienquio yec bëshunquid nec, quecuededpanëdash.

Madcos 2:10

Istac. Mibi ismenu. Matsesën Tishaid iquequi nidaidënuësh Nuquin Papan namiaid yec icsambuen naid tantienquio yec bëshunquid nec, quequin mabi tantianu, quetanquin dada shëquëquenquiocquid naden chuiquin:

Madcos 2:7

¿Atotsi quiash adec Esus onquepec? Nuquin Papa icsambuen chuishunquidien nechitec. Nuquin Papa abentsëcquiobien icsambuen naidtedi tantienquio yec bëshunquid nec, quecuededpanëdash.

Mateo 8:20

Esusën: Tantia. Mibi chuinu. Bëdi chëshë aton shëcuën ushquid. Uicchun aton shubu uash abuc ushquid. Padnueni Matsesën Tishaid yequi cun shubu nibëdnuc ubi ushte nibëdec, capanëdash.

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Mateo 9:2

Adnubien utsibon dada shëquëquenquio icquid Esus ismenuen nënquid nandoten nandoshon bëpanëdash. Bësho issumbien Esusën: Ubi caic: Aidën bëdanmetsiash, queshun aidon bëosh, queshun naden daicsaid shëquëquenquiocquid chuipanëdash: Bëdambo yec cuishonqueta, mado. Mibi cuidtiapimbo yec mimbi icsambuen naid tantienquio yec bëshunobique, capanëdash Esusën.

Mateo 9:7

Adoac shëquëquenquio icquid bëdanec nidtoanec aton shubuno nidpanëdash.

Uanën dada uaid 5:8

Adshobien Esusën: Nidtotanquin mibi nandote chiadtoshon buanec nid, capondash.

Uanën dada uaid 5:27

Adembidi Matsesën Tishaid icshobi matses icsambuen naquido cuidte chuiquid icmiondashi.