Mateo 9:36 - El Nuevo Testamento en matsés

³⁶ Abi tantiesabo dadpen chochosho isash uënësquio icnuc shubiantiadtsëcquio icpondash Esus. Abi dayun uaquid nibëdnuc nëish iua obeca icsambuec tabadacbimbuec icsambuec tabadec. Nuquin Papa bëdambuen ismete chiabi icac tantienquio yec bëdambuec tabadtiapimbo iquec, quiash shubiantiadtsëcquio icpondash Esus.

Mateo 9:36 Referans Kwoze

Madcos 6:34

Adec aidtedi abia chochoambien Esus abëd icquidobëd choquin cano nandopanëdash. Aden nandoash pudundoquimbi matses dadpenquio abi cainec tabadsho isash Esus: Abi dayun uaquid nibëdnuc nëish iua obeca icsambuec tabadacbimbuec icsambuec tabadquido chochoac, quequin aido uënësquiocquin tantiaquin Esusën dadpenquio chuibampanëdash.

Mateo 14:14

Adnubien Esusën cano nandoash pudundoquimbi matses dadpenquio icsho istuidpondash. Adsho isash aido tantiec uënësquiocquin aidon bëbëaido nënquidobëta daicsaidotedi bëdanmebampondash.

Mateo 15:32

Adec tabadsho isashien Esus: Matses bunec tabadsho isash nëido tantiec uënësquio iquebi. Aidon ubëd daëdec ushec tabadquin aton pete uesquin piash bunec tabadec, queshun pemiambobi: Min shubu yacno nidshun petan, cac podquiedën nidannec padishnushe, queshun nidannemetiapimbo iquebi, quepondash Esus abëd icquido chiec.

Mateo 15:24

Esusën cuenmenquio icquimbi aid chido chuiquin: Isadaidbo obeca bënnudacbimbuen Nuquin Papa tantienquio icsho aidoba tantiamequin chuibannuec chondabi, quepondash Esus.

Ebedeo 5:2

Aden aton matses nashunec nëish iua cuessunneshun pichicaquidon chuiquid tapan aton matses: Icsambuen nanu, quenquiocquidëmbi icsambuen naquidbëtan icsambuen nasho isash nëishenquio icquin: Cun matsesbëdi icsambuen naquid nebi, quequin Nuquin Papa bëdambuen ismenuen nëish iua cuessunneshun pichicapanëdash.

Ebedeo 4:15

Aden nëish iua cuessunneshun pichicaquidon chuiquid tapabimbuecquid icquin matses uidëmpentsëcquio icsho chieshtomete tantiec. Aidi matsesacsho Mayan Icsa Satanasën: Nuquin Papan Chiaid niacmenu, quequin tanaqui Esuquidistun niaquenquio icpanëdash. Adembidi nuquitsen: Nuquin Papan Chiaid niacmenu, quequin tanquin icsambuen namete bunec.

Mateo 10:6

Nuquin matses isadaidbouidtsëqui chuibenneta. Aidon obeca bënnudshun podquied tantienquio yacbimbuen Nuquin Papambo tantienquio iqueque.

Madcos 8:2

Matses bunec tabadsho isash nëido tantiec uënësquio iquebi. Aidon ubëd daëdec ushec tabadquin aton pete uesquin piash nec, quiash uënësquio iquebi.