Mateo 9:35 - El Nuevo Testamento en matsés

³⁵ Aden onquesa bëdanmianec nidash shubu daëdpactsëcquidbëd shubu dadpen icquid yacno yacnombuec capucuennequin Nuquin Papan Chiaid chuibante shubun puduedcuennequin: Nuquin Papan namiacno tabadte iquec, quequin Chiaid Bëda chuibennepondash. Adshumbic ambocquido daicsaidobëta nënquidotedi bëbëacsho bëdanmebampondash.

Mateo 9:35 Referans Kwoze

Hechos 10:38

Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.

Madcos 6:56

Adecbidi shubu dadpen yacno yacnombuec Esus capucuennesho issun adembidi ambocquidon: Bëdanmianquid nec, queshun Esus nidaid podquied cuëman sambannuen daicsaidobëta nënquido bëbëpanëdash. Aden bëbëshun sanac samëdsho issun: ¿Ada min dashcute cuëma daicsaidobëta nënquido mishmetsia? cac Esusën mishmiaidtedi bëdancuededpanëdash.

Mateo 11:5

Bëshuaidëmbi isbenosh. Nidte icsash tidinquebuedi bëdambuec capucuenosh. Dada daush daushpambo yec daicsaidquio bëdanosh. Pashuacbuedëmbi tantiabenosh. Adoshombic uënësaidi uincuenmiosh. Adoshombic atona nibëdquido Chiaid Bëda chuiquin Nuquin Papan bëdambuen iste chuibanosh, quequin Uan chiec nid.

Ducas 13:22

Adashic Edusaden yacno niduaquin shubu dadpen icquid utsi utsiec yacno isbidanquin shubu daëdpactsëcquid utsi utsiec yacnotsen isbidanuaquin ambocquidotsen tantiamequin Esusën chuibampanëdash.

Hechos 2:22

Adembidi Nuquin Papan Chomiaid chuinu. Tantiata, isadaidbo. Nasaded caid yacnouësh caniquid Esus Nuquin Papan Chomiaid icquin nadatiambocquin nabanquin dadpen ismebansho mimbi isondac.

Madcos 6:6

Aden bëdanmetanec: ¿Atotsi quiash umbi chuibansho tantiate bunenquio mibi icpe? quepanëdash Esus. Adashic auëshquiobi puduanec nidanneshun uanno nidenquio yec anoentsëqui shubu daëdpactsëc icquid utsi utsiec yacno capucuennequin Nuquin Papan Chiaid Bëda Esusën chuibennepanëdash.

Mateo 11:1

Aden: Chuibennetan, cac abëd icquido nidannenubi auëshquiobi puduanec nidshun shubu dadpen yacno yacnombuen Esusën Nuquin Papan Chiaid Bëda chuibennepanëdash.

Mateo 10:1

Adshumbic Esusën abëd icquido 12tedi chomeshun naden chuipondash: Umbi namiaid icquin umbi nabocpadombuembidi podobitsi icsa matses dapuduedaid icsho mimbi cuenmendac. Adembidi daicsaidobëta nënquidotedi mimbi bëdanmendac, quequin ubitedi chuipondash.

Madcos 1:14

Adnubien isadaidpembon chuiquid tapan acten mentoquid Uan bedmeshun quënën tsadunmepanëdash. Aden Uan quënën tsadunmiambien Esus nidaid Cadidea caid yacno nidpanëdash. Adshumbic tauaquin Nuquin Papan Chiaid Bëda chiec: Nuquin Papan namiacno tabadte nëbi iquec, quequin Esusën chuibampanëdash.