Mateo 9:27 - El Nuevo Testamento en matsés

²⁷ Auëshquio puduanec nidshobien bëshuaid daëdshun tsibambanquin cumapenec cuëdquin Esus naden chuipondash: Dabidën Mado icquin ubi daëdi bëdambuen tantiaquin ubi bëdanme, quequin cuëmpondash.

Mateo 9:27 Referans Kwoze

Mateo 15:22

Adnubien ambocquid chido cananebo icquid yec Esus yacno choquin cuëntuidpondash: Icbo, Dabidën Mado caid icquin ubi bëdambuen tantiaquin nashunta. Cun champi podobitsi icsa dapuduedshun natiamequin mëyadmequioshe. Cun champi bëdanmeta, capondash.

Mateo 11:5

Bëshuaidëmbi isbenosh. Nidte icsash tidinquebuedi bëdambuec capucuenosh. Dada daush daushpambo yec daicsaidquio bëdanosh. Pashuacbuedëmbi tantiabenosh. Adoshombic uënësaidi uincuenmiosh. Adoshombic atona nibëdquido Chiaid Bëda chuiquin Nuquin Papan bëdambuen iste chuibanosh, quequin Uan chiec nid.

Mateo 17:15

Cun mado bëdambuen isquin bëdanmeta, Icbo. Baded badedquiec uënësannec cute nëpaëdec pichiquianniosh. Adecbidi acte nëpaëdtedniosh.

Uanën dada uaid 7:42

Nuquin Papan chuiquin dada uamiampid nad iquec: Nuquin Papan Chomiaid Mesias Quidistu caid nuquin tsusedpa Dabidën tsiuecquid nendac. Dabid tishampid shubu daëdpactsëcquid Beden caid yacnoshon aidi tishendac, quequin chuipampic. Aden chiampid icnuc Esus Quidistu ictiapimbo iquec, quepanëdash.

Ducas 7:21

Aden chiaquien nënquidobëta dada daicsaido bëdanmequinc, podobitsi icsa dapuduedaid dapuduenmequinc, bëshuaid bëdanmequinc caquin Esusën ismebampanëdash.

Madcos 11:10

Nëid nuquin Chuiquid Tapa icnuec choec nuquin tsusedpa Dabid chuiquid tapa icacpadec. Abi chomequid Nuquin Papa bëdamboshë iquec. Adeduya, quec cuëdëncuededpanëdash Esusbëd nidquido.

Madcos 9:22

Abi dapuduedaidën cute dëtsiadoaid nënedenniosh. Adembidi uënësmenu, quequin actetsen nëpaëdmedenniosh. ¿Ada ubëta cun madompi tantiaquin podobitsi icsa dapuduedaid dapuduenmeshuntsia? quepanëdash madompin papa Esus chiec.

Mateo 21:9

Matses dadpen bëyuc nidnubi aidtedbidi tsiuec chochopondash. Adec nidannec abitedi nadec cuëdënnidpondash: Adeduya. Cun tsusedpa Dabidën Mado yec mibi bëdamboshë iquec. Mibi chomequid Nuquin Papatsen abitedishun icbo bëdamboshë iquec. Adeduya, quec cuëdëncuededpondash.

Mateo 1:1

Esuquidistu chuiquin dada uanu. Aidën tsusedpa Abadauan nepampic. Aidën tsusedpabidi Abadauanën tsiuecquid Dabid nepampic. Abadauanën tsiuecquidobëta Dabidën tsiuecquido chuiquin Esusën tsusedpabotedi chuinu. Tantia.

Mateo 21:15

Adosho isashien Esus chieshënquido Nuquin Papa ismequin nëish iua cuessunneshun pichicaquidon chuiquidobëd Moisesën chiampid tantiamequido nëishpondash. Adnubien bacuëbo: Nuquin tsusedpa Dabidën Mado caid yec mibi bëdamboshë iquec, quec Esus caic cuëdënsho tantiash bëdiactsëc nëishbuedi nëishquiopanëdash.

Doma 9:5

Tsusedpabon tsiuecquido yec Nuquin Papan chiampicpadquiequi isadaidbon chidon tishac Esus matsesac caondash. Aidi Mesias Nuquin Papan Chomiaid abipadquidquiobidi yec abitedishun Icbombo matsesac caondash. Adquid icsho: Mibi bëdamboshë iquec, canuna ënenquio icquin. Amen.

Ducas 20:41

Aden utsibon abi icsambuen chuimetiapimbo icsho issun Esusën nadopanëdash: ¿Mitsipaden tantiaquin tsusedpa Dabidën tsiuecquid Quidistu caid nec, quequin matsesën chuipec?

Ducas 17:13

Ubitedi tantiaquin ubi bëdanme, Esus, cabededpanëdash cumapenen cuënquin.

Doma 1:3

Aden Nuquin Papan chiampicpadequi chidon tishaid yec isadaidbon chuiquid tapa Dabid yampidën tsiuecquid Esus nepanëdash.

Mateo 9:28

Shubu utsin puduednuc abëdi puduedash tabadshobien Esusën: Ubi bëdanmetsiash, ¿quequinda tantie? bëshuaid daëd caquien: Ai, adebi, quepondash.

Mateo 20:29

Adashic shubu dadpen icquid Edico yacno tabadanec auëshquiobi puduanec abëd icquidobëd Esus nidpondash. Adsho isanec nidquin matses dadpenshun Esus tsibanampondash.