Mateo 9:22 - El Nuevo Testamento en matsés

²² Adoac bidiadquin chido isquin Esusën naden chuipondash: Dacuëdenda. Mibi: Aidën bëdanmiac bëdanebi, quequin mimbi tantiacpadquiequi mibi bëdanoc, Esus quenubi bëdanquiopanëdash.

Mateo 9:22 Referans Kwoze

Ducas 7:50

Aden pec tabadquidon tantianubi chido caic: Ubi tantiaquid yec Nuquin Papa yacno puduedtequid mibi neque. Dacuëdenquio yec nidta, quepanëdash Esus.

Mateo 15:28

caquien Esusën: Ai. Ubi tantiaquidquio mibi nec. Mimbi chiacpadec min champi bëdanendac, quesho tantianec aton shubuno nidshun isaquien aton champi bëdanac Esusën chuibocpadënquiobi.

Mateo 9:2

Adnubien utsibon dada shëquëquenquio icquid Esus ismenuen nënquid nandoten nandoshon bëpanëdash. Bësho issumbien Esusën: Ubi caic: Aidën bëdanmetsiash, queshun aidon bëosh, queshun naden daicsaid shëquëquenquiocquid chuipanëdash: Bëdambo yec cuishonqueta, mado. Mibi cuidtiapimbo yec mimbi icsambuen naid tantienquio yec bëshunobique, capanëdash Esusën.

Ducas 18:42

Adoaquien Esusën: Aidën ubi bëdanmec, quequin mimbi tantiacpadquiequi mibi bëdanoque. Padpidembuen isbenuata, quenubi

Ducas 17:19

Aden chuishumbic: Mimbi tantiacpadequi mibi bëdanoque. Nidtoanec nidec nid, quequin Esusën chuipanëdash.

Ducas 8:48

Adoaquien: Mimbi tantiacpadquiequi mibi bëdanaque. Dacuëdenquio yec bëdambuec tabadec nid, champi, capanëdash Esusën.

Madcos 10:52

Adoaquien Esusën: Aidën ubi bëdanmetsiash, quequin mimbi tantiacpadquiequi mibi bëdanoque. Nidec nid, Esus quenubi badedquio bëdanquin bëshuacbuedëmbi isbenuapanëdash. Adec bëdanshun Esus nidsho issun tsibanampanëdash.

Madcos 5:34

Aden chiac Esusën: Champi, mimbi tantiacpadquiequi mibi bëdanaque. Dada icsambo icbuedi nëbi mibi bëdanoque. Bëdambuec nidec nid, capanëdash chido chuiquin.

Mateo 9:29

Adsho tantiashumbien aid daëdi bëmishquin: Aidën ubi bëdanmendac, quequin mimbi tantiacpadquiequi mibi bëdanec, Esus quenubi

Hechos 16:18

badiadquidën badiadquidënquiec cumapenec cuëdtednepondash. Adec cuëdsho tantiate bunenquio icquin amibidi bidiadquin podobitsi icsa dapuduedaid chido chuiquin cumapenec cuëdquin Pabadon: Esuquidistu Cun Icbombo icquin dapuduenmeta, cac aid chidon dadan iquenquio yec badedquio podobitsi icsa dapuduempondash.

Uanën dada uaid 4:53

Adsho tantiash: Adënquioshendabi: Min mado uënësambo iqueque. Min shubuno nidec nid, caposh Esusën, quepanëdash uënëstsembuedën papa. Adshun: Nuquin Papan Chomiaidquio yec nadatiambocquin nabanquidquio nec, quequin aton shubun icquidobëtambi Esus tantiabempanëdash.

Ebedeo 4:2

Aden Equipito yacnoshon buanaido chuiquin: Umbi buanacno mibi tabadte iquendac, quequin ambi nuquin tsusedpabo chiampicpadombuen: Ubi yacno puduedash natienquio yec tabadtequid iquendac, quequin nëbi ambi Chiaid Bëda Esusën naid chuibanuasho nuquitedi tantiauaic. Aden ëndenquimbo chuisho tantiash: Nuquin Papan Chiaid abimbo iquec, quequin tantienquio icquido yec aidën chiampicno tabadtiapimbo icpampic.

Hechos 14:9

Aidi Pabadon Esus chuibansho tantiec: Esusën ubi bëdanmetsiash, quequin otacquio tantiec tsadpanëdash. Aden caputiapimbocquidën tantiacpadombuen Nuquin Papan Pabadotsen tantiamiac

Mateo 17:18

Adoac bësho istanquin Esusën podobitsi icsa chushcapondash. Padi. Dapuduen, cac podobitsi icsa dapuduennubi madompi bëdampondash.

Mateo 8:13

Adshumbic sondadon chuiquid tapa chuiquin: Min shubuno nidec nid. Mimbi tantiacpadquiequi min iua bëdanaque, cac nidshun Esusën chuibocpadënquio aton iua bëdanacsho istuidpanëdash.