Mateo 9:2 - El Nuevo Testamento en matsés

² Adnubien utsibon dada shëquëquenquio icquid Esus ismenuen nënquid nandoten nandoshon bëpanëdash. Bësho issumbien Esusën: Ubi caic: Aidën bëdanmetsiash, queshun aidon bëosh, queshun naden daicsaid shëquëquenquiocquid chuipanëdash: Bëdambo yec cuishonqueta, mado. Mibi cuidtiapimbo yec mimbi icsambuen naid tantienquio yec bëshunobique, capanëdash Esusën.

Mateo 9:2 Referans Kwoze

Mateo 9:22

Adoac bidiadquin chido isquin Esusën naden chuipondash: Dacuëdenda. Mibi: Aidën bëdanmiac bëdanebi, quequin mimbi tantiacpadquiequi mibi bëdanoc, Esus quenubi bëdanquiopanëdash.

Santiaco 2:18

Adnubien: Esus tantiaquid nebi, quequid icnubi utsi: Ubi bëdambuen nabanquidquio nebi, quequid icpec. Adshun: Esus tantiaquid nebi, quequin aidën chiacpadombuen nainquiocquin ubi isme, capec. Adshun: Esus tantiaquid nebi, quequin chienquiocquimbi Esusën chiacpadombuen bëdambuen nabanquin mibi ismembi, quequid icpec.

Hechos 19:12

Pabadon dada cuëscaid dashcute cuëshë utsin buanshun nënquidobëta daicsaido mishbanac bëdampanëdash. Adembidi podobitsi icsa dapuduedaid cuëscaquin mishac dapuduempanëdash.

Uanën dada uaid 21:5

Adshobini Esusën cuëmpondash: Caniabo ¿tedtsi nuëcquid bedo? cac: Padambo. Nibëdec, capondambi.

Mateo 8:10

Adsho tantiashun Esusën abi tsibambëquido naden chuipanëdash: Bëdambuen tantiaquin nëidën chuipec. Nëidën: Chuiquinuidtsëqui cun iua bëdanmetsiash, quequin ubi bëdambuen tantiaquid nec. Aidpadquid isadaidbo nibëdec.

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Doma 5:11

Adembidi aidën tantiamiacpadombuen nuquitedi cuidmenquio icnuen Esuquidistu uidtsëqui cuidmequid bëdambo iquec, quequin Nuquin Papa tantiec nuquitedi cuishonquec. Adembidi icsambuec tabadbuedëmbi nëbi Esuquidistu uidtsëqui tantiasho Nuquin Papan bëdambo icmendac.

Hechos 14:9

Aidi Pabadon Esus chuibansho tantiec: Esusën ubi bëdanmetsiash, quequin otacquio tantiec tsadpanëdash. Aden caputiapimbocquidën tantiacpadombuen Nuquin Papan Pabadotsen tantiamiac

Uanën dada uaid 16:33

Ubi tantiaquin umbi chiacpadombuen naic ubëd abentsëc yacbimbuec natienquio yec tabadec ma bëdambo icnu, quequin tantiaquin dadpen mibi chuibanombi. Nidaidënuësh mibitedi natiec shubitequid iquendac. Adquid icnuc natienda. Chieshëmënquid dacuëdënenda. Mayan Icsa Satanas dëniacquidquio icquin mibi aid iuametiapimbo icquid nebique. Dacuëdenda, quepondash Esus abëd icquido chiec.

Mateo 9:6

Istac. Mibi ismenu. Matsesën Tishaid iquequi nidaidënuësh Nuquin Papan namiaid yec icsambuen naidtedi tantienquio yec bëshunquid nec, quequin mabi tantianu, quetanquin dada shëquëquenquio icquid chuiquin: Nidtoshon mibi bëbued nandote chiadtoshon buanec min shubuno nidec nid, capanëdash Esusën.

Mateo 8:16

Adnubien aid inchëshbudtsëqui: Esus ismenu, quequin podobitsi icsa dapuduedaido dadpen bëbëshobien podobitsi icsa dapuduedaido caic: Dapuduen, quequin dapuduenmebanshumbic daicsaidobëta nënquidotsen Esusën bëdanmebampanëdash.

Uanën dada uaid 2:25

Utsin chiambobi ambibi matsesën tantiaidtedi tantiaquidquio yec Esus adpondash.

Madcos 5:34

Aden chiac Esusën: Champi, mimbi tantiacpadquiequi mibi bëdanaque. Dada icsambo icbuedi nëbi mibi bëdanoque. Bëdambuec nidec nid, capanëdash chido chuiquin.

Madcos 1:32

Adnubien inchëshbudtsëqui Capednaun yacnocquidon daicsaidobëta nënquido bëbëpanëdash. Adembidi podobitsi icsa dapuduedaidtedi Esus yacno bëbëpanëdash.

Mateo 6:12

Ubi chieshënquidon naid tantienquio yec ubi bëshunacpadecbidi umbi icsambuen nabued tantienquio yec bëshunta, Papa.

Mateo 9:5

Umbi: Mimbi icsambuen naidtedi tantienquio yec bëshunobi, quequin chuinuc ¿bëdantequidpenquioda nedic? Adecbidi mibi daicsaid icbuedi mibi bëdanoque. Nidtoash nidec nid, quequin umbi chuinuc ¿bëdantequidpenquiobidida neuadic?

Mateo 14:27

Adnubien Esus: Ubi neque. Dacuëdenda, quepondash.

Madcos 6:50

dacuëdtanec sidquecuededpanëdash abëd icquido. Adsho issumbien: Ubi neque. Dacuëdenda, capanëdash Esusën.

Madcos 10:49

Aden abi cuënsho tantiash nidtuidshun Esusën: Ubi cuënquid nëmbo bec cho, capanëdash. Adoaquien: Nëmbo bec cho, queque. Nidtoash nid, capanëdash utsibon.

Hechos 23:11

Aden buanshun shubu nuntan sondadon iuedaquien Pabado ushash badiadash padpidec inchëshquidën Pabado yacno choec isadcuenshun Nuquin Icbon: Chieshtoenda, Pabado. Mimbi Edusaden yacnoshon ubi chuibambocpadembidi shubu dadpen icquid Doma yacnoshontsen mibi chuibanmembique. Dacuëdenquio yec dayacquio yec nidta, quequin chuipanëdash.