Mateo 9:11 - El Nuevo Testamento en matsés

¹¹ Adsho issumbien padiseobon Esusbëd icquido naden chuituidpondash: ¿Atotsi queshun piucquid bedshumënquidobëtan utsibon: Icsambo icquidombo nec, caidobëtan min chuiquidën pepec? capondash.

Mateo 9:11 Referans Kwoze

Mateo 11:19

Adnubini Matsesën Tishaid yec choshon peshun acsho isash: Nua pedenneshun tantiadennuen acte paë uaid acquid nec. Adecbidi icsambocquidobëd icquid yec Doma yacnocquidon chuiquidën: Piucquid aidted bedta, quequin chiacpadec bedshumënquidbëd icquid nec, mibitedishun ubi capec. Adquid icnuc Nuquin Papan tantiamiac aidën chiacpadombuen nabansho issun: Bëdambo iquec, caindac, quepondash Esus.

Ducas 5:30

Aden adquidobëtan Esusën pesho isashien padiseobobëdi Moisesën chiampid tantiamequido: ¿Atotsi queshun piucquid bedshunquidobëtan utsibon: Icsambo icquidombo nec, caidobëtambi min chuiquidbëtan mibitedishun pebededpe? quepanëdash Esusbëd icquido chiec.

Madcos 2:16

Aden adquidobëtan Esusën pesho isash Moisesën chiampid tantiamequido padiseobo icquin: ¿Atotsi queshun piucquid bedshumënquidobëtambi utsibon: Icsambo icquidombo nec, caidobëtan min chuiquidën pepec? capanëdash Esusbëd icquido chuiquin.

Ebedeo 5:2

Aden aton matses nashunec nëish iua cuessunneshun pichicaquidon chuiquid tapan aton matses: Icsambuen nanu, quenquiocquidëmbi icsambuen naquidbëtan icsambuen nasho isash nëishenquio icquin: Cun matsesbëdi icsambuen naquid nebi, quequin Nuquin Papa bëdambuen ismenuen nëish iua cuessunneshun pichicapanëdash.

Cadasia 2:15

Nuquitedi isadaidbon tishaid yec isadaidbo icnubi Moisesën chiampid chiacmaido yec isadaidpembo icsambuen naquido nec.

Ducas 19:7

Adec puduedsho isash Esus icsambuen chuishunec tsibanquidotedi: Icsambo icquidën shubun Esus puduedosh, quecuededpanëdash.

Uan 2 1:10

Mibi yacno nidshun Esusën chiaidpenquio chuibanquid icsho tantiashun min shubun iuedenda. Mibi yacno chosho isash bëdambo iquebi, cainda.

Mateo 5:46

¿Mibëd tantiananquidouidtsëqui tantiaquin mimbi nashunsho issunda Nuquin Papan: Bëdambo iquec, queshun mibi nashumpec? Padenquio. Mimbi: Icsambo icquido nec, caid piucquid bedshumënquidombien aton shubun icquidouidtsëqui tantiaquin nashuneque. Aden nainda. Utsibotsen tantiaquin bëdambuen nashunta.

Mateo 9:10

nidequi cun shubun abëd icquidobëta Esus iuedec puduedpondabi. Adec puduedsho isashien ubipadquid piucquid bedshumënquidobëdi cun matsesën: Icsambo icquidombo nec, caido Esusbëtan penuec pudued puduedpondash.

Hechos 11:3

Aden chushcaic: Isadaidpembo shui dëbid dëtemesabo icnuc aton shubun puduedtemaidquio nec, quequin tsusedpabon chiaid niaquec aidon shubun puduedshun mimbi pepac caoc. ¿Mitsi paden tantiec puduedshun mimbi aidobëtan piaye? Tantianu. Chui, quepanëdash Edusaden yacno tabadquido.