Mateo 8:9 - El Nuevo Testamento en matsés

⁹ Ubibic cun chuiquid tapan namiaid icquin sondado utsibo namequid nebi. Umbi: Baded nid, cac badedi nidec. Umbi: Baded cho, cac badedquio choec. Cun iuan umbi: Nata, cac umbi chiacpadombuen naic. Mibi adquidquiobidi neque. Cun iua bëdanmeta, quepanëdash sondadon chuiquid tapa.

Mateo 8:9 Referans Kwoze

Tito 2:9

Adembidi iuabo chuiquin: Bëdambo iquebi, ubi iuaquid camenu, quequin aidën chiactedi nabanquin chushquenquio icquin nabanta, quequin chuibanta, Tito.

Codosas 3:22

Iuabon, nidaidënshun mibi iuaquidën chiacpaden nabanta. Aidën: Naden na, quequin chuishun isnuc nabanta. Mibi iuaquidën isenquiocnobi adombuembidi nabanuata. Aden nabansho mibi bëdambuen isendac. Cun Icbo Esuquidistun ubi isec, queshun aden nabanta.

Ducas 7:8

Ubibic chuiquid tapan namiac sondado utsibo namequid nebi. Umbi: Nid, cac badedi nidec. Umbi: Baded cho, cac badedquio choec. Cun iuan umbi: Nata, cac umbi chiacpadombuen naic. Mibi adquidquiobidi neque. Cun iua bëdanmeta, quiosh, quepanëdash sondadon chuiquid capitanën: Chuitan, caido Esus chiec.

Ducas 4:39

Chumbocquid dauebud, Esus quenubi badedquio dauebudec bëdampanëdash. Aden bëdanmiac nidtoshon Simonën nachin abëd icquidobëta Esus pemepanëdash.

Mateo 8:8

sondadon chuiquid capitanën: Padi, Icbo. Mibi bëdamboshë icquidquio nec. Ubi icsambocquid icquin mibi cun shubun puduedmetiapimbo iquebique. Nidenquio icquin nëshunquiobi mimbi tantiacpadombuen chuiquin: Bëdanta, cac cun iua bëdantsiashe, Bëdanmeta.

Mateo 8:10

Adsho tantiashun Esusën abi tsibambëquido naden chuipanëdash: Bëdambuen tantiaquin nëidën chuipec. Nëidën: Chuiquinuidtsëqui cun iua bëdanmetsiash, quequin ubi bëdambuen tantiaquid nec. Aidpadquid isadaidbo nibëdec.

Madcos 1:27

Adosho isash tantiadempambo yec tabadcuededec: ¿Abimbobida capec? ¿Mitsi padquid nepeba? Ambi chuibanaid chiaid chuca utsibien nechitec. Ma chuiquidën nacpadombuen: Dapuduen, ambi cac aidën chiacpadombuen podobitsi icsan napayoc, quec onquecuededpanëdash.

Ducas 9:1

Adshumbic ambi: Ubi chuibenneta, caido 12tedtsëqui chochomeshun Esusën nadopanëdash: Umbi nadatiambocquin nabambocpadombuembidi mibitedishun nabanendac. Podobitsi icsa dapuduedaid dapuduenmequinc daicsaido bëdanmequinc nënquido bëdanmequinc quequin mimbi nabanendac.