Mateo 7:21 - El Nuevo Testamento en matsés

²¹ Utsitsen Esusën naden chuipanëdash: Ubi caic: Icbo, Icbo, Cun Icbo mibi nec. Mibi tantiaquid nebique. Mibi yacno ubi puduedme, Icbo ¿quequidtedida Nuquin Papan namiacno puduedpatsiash? Padenquio. Cun Pa abucquidën chiacpadombuen naquidoen aid yacno puduedendac.

Mateo 7:21 Referans Kwoze

Doma 2:13

Ambi: Naden nata, quequin Moises chiampid tantiashumbi adombuen naisa bëdambuen istiapimbo icquimbic ambi chiacpadec tabadquid Nuquin Papan bëdambuen istsiash.

Ducas 6:46

Adoshombic: ¿Atotsi queshun: Cun Icbo mibi nec, quequimbi umbi chiacpadombuen nainquio mibitedishun icpe?

Santiaco 1:22

Nuquin Papan Chiaid tantiashun nabanenquio iquequi: Ambi chiaid bëdambo iquec, quec mibibi mua uadenda. Nuquin Papan Chiaid mimbi tantiabocpadombuen nabanta.

Ducas 11:28

Adoaquien: Nuquin Papan Chiaid chuibansho tantiashun aidën chiacpadombuen nabanquid Nuquin Papan bëdambo icmiaidquio nendac, quepanëdash Esus aid chido chiec.

Tito 1:16

Aido: Nuquin Papa tantiaquid nebi, quebuedi utsibo ismec Nuquin Papa tantiesabimbuec tabadec. Nuquin Papan Chiaid niacquid yec chieshëmënquido nec. Bëdambuen tantiatiapimbo icquido icquin bëdambuen natiapimbo icquido nendac, Tito.

Ebedeo 4:6

Aden dada uamequin chuimiampicpadequi ëndenquimboshë Ambi Chiaid niac niaquec tantiesa yanash Nuquin Papan chiacno tabadambo icpampic. Adampid icnubi nëbi Nuquin Papa tantiaquidotedi aidbëd tabadtequid iquendac.

Uanën dada uaid 6:40

Cun Pa bunacpaden ubi tantiaquido uënësacsho uincuenmete uëshën uincuenmeshun Cun Pabëd ubi tabadacnombo ënëdenquiocnoc tabadmendambi, quepondash Esus ambi pemebuedo chiec.

Esusën Uan ismiaid 3:5

Mayan Icsa Satanasën: Icsamenu, caqui chieshtoenquio icquin ubi ënenquio icquin tantiaquid icsho ubëdi tabadmequin dashcute ushumbocquid dasiuinquin icsaisa icmendambi. Adoshon aidon cuëmëdquid cuëmëdquidquien dadauate dapan aidon cuëmëdquid uquenquio iquendambi. Adoshon: Nëido ubi tantiaquidotedi neque. Nuquibëd tabadmenuna, Papa, quequin chiendambi Nuquin Papabëd icquidon tantianuc.

Petedo 1 4:2

Aden mimbi tantiacpadombuen nainquio icquin Nuquin Papan tantiacpaden nate bunquidquio mibitedi iquendac.

Ebedeo 13:21

Aden abi tantiaquido icsho Esusën nëish iua obeca dayun uacbimbuen dayun uaquin Nuquin Papan ambi tantiacpadombuen bëdamboshëcquiduidquio icmendac. Adoac Nuquin Papa bunacpadombuen ma napanuna. Adembidi abi bunacpadombuen ma icmepanuna, queshun Esuquidistunuidtsëqui nac. Esuquidistu bëdamboshëcquidquio yec nibëdantiapimbocquid nec, quequin ënenquio icquin chiannenuna. Amen.

Mateo 12:50

Cun Pa abuc tabadquidën chiacpadombuen nabanec tabadquid icsho dada cun utsibo caquimbi chido cun chu catanquimbi utsi cun ta caimbi, quepondash Esus.

Esusën Uan ismiaid 22:14

Matsesën aton dashcute bëchishaid panacbimbuen ambi icsambuen naid ënsho Nuquin Papan bëdambo icmendac. Adoac shubu dadpen icquid bëdamboshëcquid yacno puduedash cute bacuë uënëstiapimbo icmetequid chec aid yacno tabadendac.

Uanën dada uaid 3:5

Adsho tantiashumbien Esusën: Mibi abimbo chuinu. Tantia. Nuquin Papan Mayanën tantiamiac chuca uadec acten mentoadabicquid yec Nuquin Papan namiacno puduedtiapimbo iquendac.

Mateo 18:3

Tantia. Mibitedi abimbo chuinu. Mimbi tantiacpadenuidi naic tabadbuedi nadquid bacuën amën chiacpadombuen nacbimbuen ubi tantiaquiota. Mimbi adoenquio icshoembi Nuquin Papan namiacno mibi puduedmenquio iquendac.

Uanën dada uaid 7:17

Nuquin Papan chiacpadombuen nate bunquidën bëdambuen tantiatsiash. Umbi Nuquin Papan Chiaid chuisho tantiash: Nuquin Papan Chiaidquio chiec nec, quequin tantiatsiash. Umbi ambembi chuisho tantiash: Nuquin Papan Chiaidpenquio chiec nec, quequin abimbo tantiatsiash.

Doma 12:2

Esus tantiesabon nacpadombuen naic tabadenda. Adembidi aidon tantiacpadombuen nainquiocquin bëdambuen tantiabenash mibitedi bëdambuec tabadquid yanendac. Adash Nuquin Papa bunacpadec tabadquin bëdambocquid yec abi bunaidquio yec icsambocquidpenquio yante yec quequin mibitedishun tantiendac.

Madcos 3:35

Adashic: Nuquin Papan chiacpaden nabanec tabadquid icsho dada cun utsi caquimbic chido cun chibi catanquimbi utsi: Cun ta nec, caimbi, quepanëdash Esus.

Tesadonica 1 5:18

Nadec tabadquin: Nuquin Papa bëdambo iquec, cata. Bëdambuec tabadquin nac bëdambo ictsiash. Daicsabudshumbi adembidi nac bëdambo ictsiash. Paëmbo icnubi adembidi. Mitsana icnuc adembidi. Mitsana nibëdnubi adembidi. Utsibon chieshënaqui adembidi: Mibi bëdamboshë iquec, Papa, cac bëdambo ictsiash. Aden Nuquin Papan: Ma Esus tantiaquidon adono, quequin tantiacpadembi mibitedishun chiannendac.

Epeso 6:6

Min icbon isnuc aidën chiacpadombuen mimbi bëdambuen nabanacpadombuembidi min icbon isenquiocnoc adembidi nabanuata. Esuquidistu: Cun Icbo nec, quequin chieshenquio icquin Nuquin Papa bunacpadombuen naimbi, quequin nidaidënshun min icbon chiacpadombuen nabanta.

Petedo 1 2:15

Nuquin Papa mibitedi bëdambuen naic tabadmete bunquid nec. Adquid icsho tantiesabo icquin mibitedi icsambuen chuishunte bumbuedombi mibi icsambuen chuishunenquio iquendac.

Mateo 25:21

icbon: Ai, cun iua bëdambocquid mibi nec. Umbi daëdpactsëc meniondaidi daëd uaquin umbi chiacpadombuen mimbi bëdambuen nac. Nëbi dadpen namequid icta. Ubëd cuishonquec tabadec cho, caposh.

Tesadonica 1 4:3

Nuquin Papa bunacpadquiec bëdambuec tabadquido nadquiec tabadquid nendac. Chido utsi chudenquio icquin aton chidouidtsëqui chudquid nendac. Adembidi chidon dada utsi chudmenquio icquin aton bënëuidtsëqui chudmequid nendac.

Codosas 4:12

Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.

Ducas 13:25

Adquid icnuc shubu Icbon shëcuë bëtashan umanuc tabadquin shubu icbo chuiquin: Ubi puduedme, quequin cumapenen cuëmbededendac. Adoaquien: Umbi isacmaido mibitedi nec, caindac.

Hechos 14:22

Aidtedi yacno chouaquin Esus tantiaquido naden chuibampanëdash: Natiamiantequid iquendac. Adquid icnuc Nuquin Papan namiacno tabadtequid nebi, quequin Esus tantiec chieshtoenquio yec tabadta, capanëdash Pabadon.

Ducas 18:25

¿Ada nëish tapa camecho caid pinchuc chicte shëcuë nasiadpatsiash? Padenquio. Adecbidi atona dadpenquio dayun uaquidën atonauidtsëqui tantiaquin umbi chiacpadombuen natiapimbo yec Nuquin Papan namiacno puduedtiapimbo iquendac, quepanëdash Esus.

Madcos 9:47

Adembidi min ëshën isquin icsambuen naquin Nuquin Papan Chiaid niaquec mibi icsaic. Ëshë chicshunac istiapimbo yacbimbuen mimbi icsambuen naid ënta. Ënenquio icsho Nuquin Papan ënëdenquio yec chian annëdënquiacno nësecaquin cuidnushe.

Mateo 19:24

¿Ada nëish tapa camecho caid pinchuc chicte shëcuë nasiadpatsiash? Padenquio. Adecbidi atona dadpenquio dayun uaquid atonauidtsëqui tantiec Nuquin Papan namiacno puduedtiapimbo iquendac, quequin Esusën chuipondash.

Mateo 18:35

Aden matsesën nacpadombuembidi Nuquin Papan naindac. Utsibon chieshënaqui cuidnanec chieshënnansho issun Nuquin Papan mimbi icsambuen naid tantienquio yec bëshuntiapimbo iqueque. Chieshënnanenda. Mibi chieshënquidobi bëdambuen ista, quepondash Esus.

Mateo 26:42

Aden chuitanec ambi Nuquin Papa chuibocno padpidec niduashun Nuquin Papa chuiuaic: ¿Ada ubi natiamequin mëyadmenquio ictsia, Papa? Ubi bunacpaden namenquiocquimbi mibi bunacpadombuen nameta, quetanec

Mateo 16:17

Adsho tantiashun Esusën: Nuquin Papan bëdambuen tantiamiac aden mimbi bëdambuen chioc, Simon. Onasën mado Simon caid yec matses mibi nec. Adquid icquimbi matsesën tantiaid chienquio icquin abucshun Cun Pan tantiamiaidquio icquin mimbi abimbo chioc.

Esusën Uan ismiaid 2:27

Aden Cun Pan abitedishun Icbombo icmiondashi. Adoac umbi matses chuiquid tapa icmiac shocosh cueste sananquin namesho utsibon dëniacquin: Umbiquien namenu, catiapimbo iquendac. Adoacbimbuen: Esus dëniacquin umbiquien matses namenu, quesho tantiashun matsu nacnenquidën ambi nacnenaidi icsambo icsho issun posposacbimbuen cuidquiendac.

Uanën dada uaid 14:7

Ubi caic: Nuquin Papan Mado nec, quequin ubi tantiaquin mibitedishun Cun Patsen tantiendac. Nëbi abipadquid ubi icsho issun Cun Pambo isacbimbuen ubi isquimbi mibitedishun tantiec, quepondash Esus.

Uanën dada uaid 5:17

Adoac: Mibi adosh, quesho tantiashun abi chieshënquido istuidshun Esusën naden chuipondash: Ënenquio icquin matses tantiaquin nashunquidquio Cun Pa nec. Adembidi matses tantiaquin nashunquidquiobidi nebi, quepondash Esus.

Mateo 26:39

Aden chianec udictsëc nidash dannëshën tinquebudec nidaidën bëccuësquebudquin Nuquin Papa chiec: ¿Ada ubi natiamequin mëyadmenquio ictsia, Papa? Ubi bunacpaden namenquiocquimbi mibi bunacpadombuen nata, Papa, quepanëdash Esus.

Mateo 18:10

Adashic padpidec: Nadquid bacuëmpin ubi tantiactsëcsho issun: ¿Adtsëcquidëmpinquioda bëdambuen tantiapaid? cainda. Nuquin Papabëd icquidon aid bacuëbo dayun uaquid icquin Nuquin Papa yacno puduedshun mimbi mamënshumbued tantiaquin Nuquin Papa ënenquio icquin bëisquin chiendac. Adtsëcquidëmpi mamënshunenda.

Mateo 18:19

Padpiden chuinu. Tantia. Mimbi utsi chuiquin: Nuquin Papa chuinuna, cac: Ai, adonona, quesho tantiashun aidbëtan Abi chiannesho mimbi chiacpadombuen abuc icquid Cun Pan mibi nashunendac.

Mateo 25:10

Adoac bëchi bedec nidambien chido bedtanec dada choposh. Chosho isash bëdambuen tantiaquido aton tabote taboshon chido bedtanec choquid bëquedash aidobëd nidposh. Adash puduedshun puduedtiapimbo icnuc shëcuë bëtashte shëcnandoposh.