Mateo 6:33 - El Nuevo Testamento en matsés

³³ Adembidi: Nuquin Papan namiacno tabadtequid nebi, quequin tantiaquin aidën chiacpaden naic tabadta. Aden abi tantiaquid icquin abi chuisho mibi bedmendac.

Mateo 6:33 Referans Kwoze

Ducas 12:31

Adembidi: Nuquin Papan namiacno tabadtequid nebi, quequin aid tantiata. Aden tantiaquid icquin abi chuisho mitsana mibi bedmendac.

Mateo 5:6

Petebëta acte bunquiacbimbuec ambi chiacpadec bëdambuec tabadte bunquid Nuquin Papan bëdambuen nashunquin bëdambo icmendac.

Uanën dada uaid 6:27

Peteuidtsëqui tantiaquin pete bednuen naquidquio mibi nec. Aidquio chodquetequid neque. Chodquetiapimbo icquid tantiaquin bëdambuen nata. Aden nash Nuquin Papabëd ënëdenquio yec tabadtequid mibi yantsiandac. Nuquin Papan: Umbi chomiaidquio yec Matsesën Tishaid neque. Ismenu, quequin Aidën namiacpadombuen mibi ismequin nadatiambocquin nabanombi, quepondash Esus.

Doma 14:17

¿Nadquid petemaid nec. Nadquid actemaid nec, quequin tantiecta Nuquin Papan namiacno tabadpatsiash? Padenquio. Aton Mayan Bëdanuidtsëqui abëd tabadquin namiac ambi chiacpadombuen naic cuishonquec bëdambuec tabadendac.

Mateo 19:29

Utsibontsen ubi tantiaquiendac. Aden tantiaquin aton shubu nianquinc abëta tishaid aton utsibo nianquinc aton tita nianquinc aton papa nianquinc aton bacuëbo nianquinc aton tied nianquinc cain ubi tantiaquin umbi chiacpadombuen naquid iquendac. Adoquid icsho ambi nianaidtedi dëniacquin dadpenquioshë Nuquin Papan icmeshunendac. Adembidi abëdi ënëdenquio yec tabadtequid icmendac.

Doma 8:31

Aden tantiasho ¿atotsi nuquitedi cape? Nuquin Papa tantiasho utsibon chieshënquin: Icsa uanu, cashobi Nuquin Papan nuqui cudasquin icsa uamenquio iquendac, quequin nuqui tantiec.

Timoteo 1 4:8

Aton dada uidënquio icmenuec titinquetannequid matses nec. Adacbimbuec Esus tantiaquido uidënquio yec bëdambo icnuec ¿mitsipadquio icpec? Nuquin Papa tantiaquiec Ambi Chiaid niaquenquio yec bëdambuec tabadquid nec. Adquid uënësash Nuquin Papa yacno abuc nidash bëdamboshë icquid iquendac.

Codinto 2 5:21

Ambi cuidtiadquidi nuqui icnubi Esuquidistu icsambuen naisa icshobi Nuquin Papan abided cuidmepanëdash: Cun Mado tantiaquidotedi icsambuen naisabimbuecnuc bëdambuen isembi, queshun.

Doma 1:17

Esusën Chiaid Bëda chuibansho tantiashun Esus tantiaquid icsho Nuquin Papan bëdambuen isec, quequin nuquitedi tantiec. Naden chuiquin Nuquin Papan dada uamiampid iquec: Ambi chiacpadombuen naic tabadquin Abi tantiasho Nuquin Papan abëd tabadtequido icmendac, quequin dada uamepampic.

Pidipos 3:9

Esuquidistubëd daëdash aidbëd abentsëc yacbimbuecquid nebi. Adquid yec Moisesën chiampicpadombuen naquin aidën chiacpadombuen nainquio icchitembi, quequin tantiec nadondabi. Nuquin Papambien Esuquidistu umbi tantiasho ubi bëdambuen isquin ambi chiacpadombuen ubi namec, quequin tantiabenondambi.

Codinto 1 1:30

Adquid icnuc Nuquin Papanuidtsëqui tantiamiac mibitedi Esuquidistubëd abentsëc yacbimbuec tabadquido nec. Adembidi aidëmbi nuquitedi bëdambuenshë tantiaquid icmequin abimbo chuiquid icmec. Adoshon icsambuen naisabimbuecnuc Esusën Nuquin Papa nuqui bëdambuen ismec. Adoaid yec Esuquidistubëd bëdambocquid icsho cuidenquio ictequid Nuquin Papa yacno tabadtequido nuqui nendac. Esus abided cuidadaid icnuc Nuquin Papan nuqui cuidenquio iquendac,

Mateo 4:17

Ashunquiobi tauaquin Nuquin Papan Chiaid chuibanquin Esusën matses abitedimbo naden chuibampanëdash: Nuquin Papan namiacno iuedanquid nëmbobi iqueque. Mimbi icsambuen naid ënash Nuquin Papa tantiec bëdambuec tabadta, quepanëdash Esus.

Mateo 3:2

Adquid icquin naden Esus chote chuibampanëdash: Mimbi icsambuen naid ënash Nuquin Papa tantiec bëdambuec tabadta. Nuquin Papan namiaidquio choeque, quequin chuibampanëdash.

Tesadonica 2 1:5

Adec chieshtoenquiocquid icquin nuquitedi naden tantiec. Ubi chieshtomenquio icquid abitedishun naid tantiaquidquio nec. Adquid icquin icsambo icquido cuidquimbi bëdambocquido Nuquin Papan bëdambuen isec, quequin nuqui tantiec. Adec chieshtoenquio icquin Esus tantiasho utsibon chieshënquin natiamiaid icsho Nuquin Papan: Aido umbi namiacnombo chomeshun ubëdi tabadmendambi, caindac.

Doma 10:3

Nuquin Papa matses bëdambuen iste bunquid nec, quequin tantiatiadquidi isadaidbon tantienquio iquec. Aidon: Ambi chiacpadombuen naquin umbimbo bëdambuen ismembi, quequin tantiaquimbi Nuquin Papan: Umbi chiacpadombuen nasho icsaisabimbuecnuc bëdambuen isendambi, quequin chiaid tantienquio iquec.

Hechos 28:31

Utsibon: Aid chuibanenda, cadtiapimbo icquin dacuëdenquio icquin: Nuquin Papan namiacno tabadte iquec, quequin chuibampondash. Adembidi Nuquin Icbo Esuquidistu tantiamenuen Pabadon chuibampondash. Aidtedi Esusën: Ubi chuibenneta, caidon naid chuibanquin dada uaombi, Teopido.

Petedo 2 1:11

Adec bëdambuec tabadec uënësacsho: Ubi tantiaquid mibi neque. Ubëdi tabadec cho, queshun ambi ënenquio icquin namiacno abëdi tabadmequin Nuquin Papa matses cuidmenquiocquid icquin Nuquin Icbo Esuquidistun nuqui bëdambo icmendac padpidec uënëstiapimbo icnuc.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Ducas 1:6

Aidi aton bënëbëdi Nuquin Papan Chiaid tantiaquin nabanquidquio icpanëdash. Adquid icsho Nuquin Papan bëdambuen isaidquio aid daëd icpanëdash.

Codinto 1 3:22

Ubi yec Apodo yec Petedo yec abubëd nidaid yec uënësambo icquido yec uënësmiantequid yec nëbi tabadtequido yec iuecash tabadtequido yec quec mitsana abitedi nec.

Hechos 20:25

Nëshunquio: Nuquin Papan namiacno tabadte iquec, quequin chiaid umbi chuibansho tantiabenondaidon ubi nëuëshquio nidacsho mibitedishun padpiden ubi isuainquio iquendac, quequin tantiembi.

Mateo 19:28

Adoaquien Esusën: Tantia. Mibi abimbo chuinu. Nuquin Papan ambi uaid abitedi chuca uacnouëshquio Matsesën Tishaid yequi chuiquid tapan tsadte dapa bëdamboshëcquidën tsadquin umbi abitedi namiacnouëshquio ubëd icquido icsho issun Nuquin Papan mibitedi matses namequid icmendac. Abuc tsadte dapa 12ted icquidën tsadquin mibitedishun namendac. Nuquin tsusedpa Acobon mado 12tedi icpampic. Aidtedshun tsiuecquidon tsiuecquidonquien isadaidbo chuiquid tapabo 12tedquiobidi mibitedi iquendac.

Uanën dada uaid 5:4

Iuecquio ictannequin Nuquin Papan abëd icquid abi yacnoshon budmiaidën tëccuascaid acten abia mentoadquid bëdanquid, quedenneque. Chianëmpi tëccuascaic ma chobono, quiash cainec tabadpondash.