Mateo 6:28 - El Nuevo Testamento en matsés

²⁸ ¿Atotsibi dasiuidpeba? quec mibitedi natiec tabadeque. Tantia. Chuinu. Cute bacuëec tuashquiaid bëdamboshë isadec, quepec matses. Adec bëdamboshë isadquid ¿ambibi bidicashun daëdcaidta dasiuidpec? Adecbidi ¿Abibi dasiuidtsashta bëdamboshë isadpadic? Padenquio. Nuquin Papan uacpadequi nec.

Mateo 6:28 Referans Kwoze

Mateo 6:25

Adshumbic Esusën padpiden naden chuipanëdash: Umbi aden chuibued tantiash natiec tabadenda. ¿Atotsimbi pepeba? ¿Atotsimbi acpeba? ¿Mitsicquidibi dasiuidpeba? quequin min dada bëdambo icmeteuidi tantiec tabadenda. Bëdambuec tabadnu, quequin petequiduidi tantienda. Adembidi dashcute dasiuidteuidi tantienda.

Pidipos 4:6

Adecbidi uënësquio yec natiec tabadenda. Adenquio icquin mimbi tantiaidtedi Nuquin Papa chuita. Aden chiec: Mibi bëdamboshë iquec, Papa, quequin chianneta.

Ducas 12:27

Tantia. Chuinu. Cute bacuëec tuashquiaid bëdamboshë isadec. Adec bëdamboshë isadquid ¿ambibi daëdcaidta dasiuidpec? Padenquio. ¿Adquid bëdamboshë isadquidbimbuecta nuquin tsusedpa chuiquid tapa Sadomon cuëmëdquidën dashcute icpampic? Padenquio. Adpenquio icpampic.

Mateo 6:31

Natiec tabadec: ¿Atotsimbi pepeba? ¿Atotsimbi acpeba? ¿Mitsicquidibi dasiuidpeba? quec tabadenda.

Ducas 3:11

Adoaquien: Mibi dasiuidaid dashcute daëd icsho aton dashcute nibëdquid abentsëc meneta. Adembidi pete dadpen icquin aton pete nibëdquid icsho meneta, capanëdash Uanën.

Mateo 10:10

Adembidi pete sandoshon buanenda. Dashcute utsibëta tapucudte utsi sandoshon buanenda. Mibi uidënte cueste buanenda. Adec mëdadauidquio chosho issun mimbi chuibanaidon: Mibi bëdambo iqueque. Ubi yacno ushquin pec cho, mibi cac bëdambo ictsiash. Adembidi: Mitsana nibëdsho issun: Mibi menenu, cac bëdambo ictsiash.

Mateo 6:27

Adec mitsanauidi tantiec natiec tabadnubi mibi uënëste uëshë chonoc: Padi, udictsëcuësh uënësebi, ¿quecta mibi icpe? Padenquio.

Ducas 10:41

Adoaquien Esusën: Madta, Madta. Mimbi natequid dadpen icnuc aiduidi tantiaquidquio mibi nec.

Ducas 12:11

Adquid icnuc: Esus tantiaquid nec, queshun mibitedi chieshënquin bedshun utsi utsien Nuquin Papan Chiaid chuibante shubuno buanendac. Utsibic cuidte chuiquid yacno buanendac. Utsibic chuiquid tapabo yacno buanendac. Adoac: Icsambuen nambo iccombi, quequin tantiec: ¿atotsimbi chuiquid chuipeba? quec natienda.

Ducas 12:22

Aden iccuededquido chuishumbic Esusën abëd icquido nadopanëdash: ¿Atotsimbi pepeba? ¿Mitsicquidibi dasiuidpeba? quequin min dada bëdambo icmeteuidi tantiec tabadenda.

Petedo 1 5:7

Aidi mibi tantiaquidquio neque. Mimbi utsi utsien natiaquin uënësquiocquin tantiaidtedi Nuquin Papa chuita.