Mateo 6:23 - El Nuevo Testamento en matsés

²³ Pacuënnëdacbimbuen Nuquin Papa tantienquio yec mitsanauidi tantiec ¿bëdambuecta mibi tabadpatsia? Padenquio. Adec mibi icsambuec tabadtsiaque. Adenda, quequin Esusën chuipanëdash.

Mateo 6:23 Referans Kwoze

Uan 1 2:11

Abëtan Esus tantiaquid utsi chieshënquidien icsambuec tabadquid nec. Adquid yec inchëshën bëdnudshun podquied tantienquio yec capucuenniacbimbuen bëdambuen naquin tantienquio icquin icsambuen naic tabadendac.

Mateo 6:22

Adshumbic abi macuësh tapa poctse tsadquin utsitsen Esusën naden chuiuapanëdash: Min tantiaten bëdambuen tantiaquin Nuquin Papa tantiaquiec mitsanauidi tantienquio yec mibi bëdambuec tabadendac.

Epeso 4:18

Adquido yec pashuacbimbuecquido nec. Adquid icquin: Nuquin Papabëd tabadte iquec, utsibo quesho tantiesa yec aid tantiate bunenquio iquec tabadec.

Codinto 1 2:14

Nuquin Papan abipadquid aton Mayan meniacmaid icquin: Aidën chiaid abimbo caic, quequin tantiatiapimbo iquec. Aden tantiatiapimbo yec: Ambembi chiec onquequid nec, quepec. Aden Nuquin Papa tantiesabo icquin Nuquin Papan Mayanën chiaid tantienquio icquido nec.

Doma 1:22

Dadpen tantiaquid nebi, quequidobi tantienquiocquid nec.

Epeso 5:8

Ënden Esuquidistu tantiesa yec inchëshquio yacno tabadacbimbuec mibitedi tabadpadennec. Adquid ictennedi nëbi Nuquin Icbo Esuquidistubëd abentsëc yacbimbuen aid tantiabenash badiadnuc isucunacbimbuen aid tantiec bëdambuec tabadta.

Ducas 8:10

Adoaquien: Matses tantiamenquio icnëdaidi nëbi: Nuquin Papan namiacno tabadte iquec, quequin mibitedictsëqui tantiamembi. Utsiboembi utsi chiacbimbuen chuibanendac. Aden chiac: Ëshën bëdambuen isquimbi ma isenquiocpanuna. Adembidi tantiaten bëdambuen tantiaquimbi ma abimbo chiaid tantienquio icuapanuna, quepanëdash Esus.

Mateo 20:15

Icbon ambi tantiacpadombuen atona dadpen meniac ¿ada aid icsambo icpec? ¿Utsibotsen menesho issunda mimbi ubi nëishëmpe? Aden nëishënac ¿ada bëdambo iquec? quequin tied icbon chuiposh, quequin utsi chiacbimbuen Esusën chuipondash.

Madcos 7:22

Nëidic aton chidopenquio chudquido. Nëidic aton bënëpenquio chudmequido. Nëidic abi bunacpadombuen dadpenquio bedquido. Nëidic icsamboshëcquido. Nëidic utsin na isash bunquido. Nëidic utsibo muaquin chuishunquido. Nëidic abi bunaiduidi nate bunquin naquido. Nëidic utsina isash bedte bunquido. Nëidic utsi ambembi icsambuen chuishunquido. Nëidic: Ubiuidtsëqui bëdambocquid nebi, quequido. Nëidic: Aden naic icsatsiabi, quenquio icquin icsambuen naquido.

Ducas 11:34

Adoaidbimbuec min tantiate iquec. Min tantiaten bëdambuen tantiaquid icquin bëdambuen nabanec mibi bëdambuec tabadendac. Pamumëdacbimbuen min tantiaten icsambuen tantiaquid yec bëdambuec tabadtiapimbo mibi iquendac.